المشاركة الأصلية كتبت بواسطة mmamdouh
انا شايفة فكرة حلوة جدا... واضح ان فية مشكلة اصلا فى السيراتو فى موضوع تثبيت مكونات العفشة فى مكانها لان الاجزاء مش بتعشق فى اى guides او ذنب حسب اللى شوفتةو بالتالى اى تهوية من رباط العفشة هتسبب لعب جامد و تاثير كبير فى الثبات و طبعا بما اننا فى مصر فا دة ممكن يحصل بعد ما تربط عفشة بخمس دقايق
اللى بتعملة الورد ببساطة هو تحجيم حركة المقصات فى حالة ان مسامير المقصات هوت سنة لان الورد بتحافظ على مدى تحرك بسيط للمقص فى حالة ان الصامولة رباطها فك سنة... طبعا دة مش معناة ان العفشعة عمرها ما هتفك او مش هيحصل اى تاثير سلبى على العفشة انما اللى هيصل ان التاثير السلبى دة هيبقى تدريجى و هيحتاج وقت طويل عشان يبقى مؤثر و تحس بية و انت سايق
لو تعرفوا توصلوا للشركة اللى بتعمل ورد التثبيت دى و تطلبوا منها طلبية كبيرة بعد التنسيق بينكم و بين بعضكم فى القسم فى شكل group buy يبقى هايل
موضوع الجلب الpolyurethane موجود من زمان و هو فعلا بيساهم فى رفع ثبات و تحسين استجابة العربية لحركة الدركسيون... بس دة بيرفع سنة من خشونة العفشة و انا اسمع ان عفشة السيراتو ناشفة اصلا فا تركيب الجلب دى ممكن يذود الاحساس بخشونة الطريق
طبعا استخدام الجلب مع الورد متوقع انة يرفع مستوى ثبات و استجابة العربية بشكل كبير و ملحوظ
mmamdouh