الموضوع: شوارع مدينة كان الفرنسيه وسيارات الخليج ... صور

عالم معاها فلوس وبتبسط نفسها...ربنا يوعدنا ونبقى معانا قدهم ونكون أقل سفهاً...

المشكلة ان كل الناس اللي بتعترض عالخلايجة بيفتخروا بينهم وبين نفسهم بحاجات خايبة زي مثلا اللي راكب عربية ياباني بيتنك على اللي معاه عربية كوري او اللي معاه الماني بيتنك على اي عربية تانية...ونرجع نقول اصل الناس الخلايجة وحشة وسفيهة وبيتباهوا مهو لو معانا قدهم كنا خربناها اكتر منهم!!!

موضوع التباهي ده موجود في كل الأسر القبليه ودي عاده عندهم. طب احنا كان معانا واحد كويتي في الشغل كان كل شويه يحكيلنا عن الخرفان والجمال اللي من سلالات نادره وازاي بيدفعو فيها ألاف الدنانير ويقولك فلان معاه خروف من السلاله الفلانيه اللي التزاوج معاها تمنه كذا وبعدين في مره غير عربيته الجراند ماركيز وجاب لاند كروزر وجاي يقولي شوفت اللاند كروزر حقي توها خارجه من الوكاله. قلتله مبروك عليك بس دي تتفك بكام خروف دي يا عبد الهادي؟ وضحك ضحك السنين وقعد يحكي الموقف للشغل كله...

المشاركة الأصلية كتبت بواسطة hossam_elwani

شوفت اللاند كروزر حقي توها خارجه من الوكاله

هلا هلا والله ايش لونك

لهجه مستفزه

لاء موضوع اللهجه زي ماحنا بنستغرب كلامهم هما بيستغربو كلامنا بس كان فيه حاجتين هما اللي بيغيظوني

1- ازاي "بطل الباب" يبقى معناها "افتح الباب"؟ وابطال الشيء دايما معناها تعطيله وبالتالي أولى انها تبقى "اقفل الباب".

2- السلام المبالغ فيه زي "هلا والله ايش لونش شو أخبارش شي مسوي شلون الاهل شلون الربع شلون الدوام" كنت وأنا بسلم على واحد أقرص على ايده وأقوله بس كفايه فرمل وحياه أبوك.

ياجماعه ولا شحن قبليهم ولا حاجه
انت ممكن تشحن العربيه في الطياره اللي مسافر فيها (في بعض الاحيان)
ودول مش أي حد
أكتر من 90% منهم من الأسر المالكه أيا كانت الدوله ايه
والباقي رجال اعمال وكده :)
وعموما ربنا يزيدهم
بس معلومه: هناك بيحسدوهم مش بيتريقو عالبذخ بتاعهم
لأنهم عرب وأغنى من اصحاب البلد :)

لا تعليق