مشكلة في كهرباء طرمبة البنزين ميجان 2 سعدوني

**mo_elshama3** · 27-10-2012 11:17 PM

وانا ماشي العربية بطلت و مع الفحص اكتشفت طرمة البنزين مش وصلها كهرباء (خبرتي في الميكانيا كويسة) فكيت الكسيت و رحت قاطع سلك الموجب و بحتة سلكة استلفتها من سواق تاكسي وصلتها بالطرمة و العربيىة راحت ديره و روحت جري
رجعت على كل الفيوزان و فكيت علبة الفيوزات العربية زي ماهيا مش عارف اعمل ايه و الدنيا عيد
لو حد عنده معلومة او فكرة او اي طريقة يساعدني يا ريت يقولي

**hossam_elwani** · 28-10-2012 12:03 AM

بعد التأكيد على الفيوزات لانها سبب اول

نظف فيشة الطرمبه كويس بمنظف جاف

ولو تم عمل الخطوتين دول ونفس العيب مستمر ممكن يكون العيب من الفيشه ذاتها وبتحصل كتير فى الميجان

**gefoo** · 28-10-2012 01:51 AM

اكد على الفيش اللى فى علبة الفيوزات عشان ساعات بتغش او ممكن فيشه تكون سايحه

**shawkylotfy** · 28-10-2012 04:25 AM

ام علبة فيوزات الرينو دى ياجماعة حاجه زبالة مش ممكن كدة انا عندى البور كل شوية يفصل اهز علبة الفيوزات يشتغل مش عارف رينو جايبة زبالة السلوك وحطاها فى الميجان 2 ولا اية

**gefoo** · 28-10-2012 10:19 AM

المشكله فى الفيش نوعها تعبان اى حمل عليها بتسيح وتعمل قفلات وتغش حلها تعمل كتاوت لكل حاجه الكلاكس والنور والمروحه هتلاقى العمليه ظبطت شويه

**dedo_ryo** · 29-10-2012 12:29 AM

كتااااااااااااوت في الميجان يالهوووووووي ...... أنا كنت بعمل ده في ال 405 و ال 307 بس الميجان بيتهيألي انها ممكن تعمل مشاكل ولا ايه ؟؟؟

**mo_elshama3** · 29-10-2012 12:41 AM

يا جماعة متشكر على الاهتمام
لكن انا فكيت علبة الفيوزات و عرفت الفيشة الي وصلة للطرمبة ولقتها سليمة
المشكلة ان علبة الفيوزات مش خارج منها كهربة للطرمبة
و مش عارف اعمل اية كل شوية انزل افك حتة من العربية عشان ادور على العيب و موصلتش لحاجة
لو حد عارف موقع فيه شرح الدفيرة ياريت يقول ممكن ده يساعدني
و شكرا

**dedo_ryo** · 29-10-2012 12:53 AM

ده بقى هديه الاخوه الاعزاء و الوحوش العمالقه اللي في المنتدى يا رب يفيدك
http://www.nilemotors.net/Nile/53380-ii.html
وده كمان
http://www.nilemotors.net/Nile/18018...manual-ii.html
إدعي بقى للاخوه اللي افادونا في المواضيع دي و بحثوا و تعبوا و جابوها هنا للافاده
ومني دعوه ليهم ......... ربنا يباركلهم و يرزقهم

**Amr_Moh** · 29-10-2012 02:29 AM

المشاركة الأصلية كتبت بواسطة shawkylotfy

ام علبة فيوزات الرينو دى ياجماعة حاجه زبالة مش ممكن كدة انا عندى البور كل شوية يفصل اهز علبة الفيوزات يشتغل مش عارف رينو جايبة زبالة السلوك وحطاها فى الميجان 2 ولا اية

مش شاريها مستعمل؟

**ramysaad** · 21-11-2012 09:33 PM

انا معايا ميجان 2006 ومرة كنت خدت مطب حلو فى العتمة و روحت بيها عادى ومفيش مشاكل والصبح جيت ادورها مش راضية تتدور مع ان المارش لاقط لكن مش بتدور ودتتها للكهربائي قالي دى ملمسة ارضي ظبط المشكلة واشتغلت تمام وفضلت الف بيها اليوم كله وقعدت يومين مش اركبها جيت ادورها النهاردة لا قيت نفس المشكلة رجعت تاني محدش عندة فكرة دى مشكلة اية علشان مش هافضل كل ما اجي رايح مشوار اجيب الكهربائي يدورها ؟