الموضوع: استغفر الله العظيم: اختراع الفيزون؟؟؟!!!

المشاركة الأصلية كتبت بواسطة mohab.nabil

يا باشا مخلتفناش ، بس المطلوب صعب جدا يتحقق .. يعنى مطلوب برضه ان البنت تكون مش هقول محتشمة بس مش لازم انها تجبرنى انى ابص عليها و معلش لو غيرى شايف انه قد انه يغض بصره انا بصراحة مقدرش و عارف ان كده غلط بس فى نفس الوقت برضه متنزليش كل حاجة غلط فى الشارع و تطلب منى انى ابقى ممتاز صعب اوى .. و على فكرة الحمد لله انا مش بتحرش ولا بعاكس حد لأنى و الله بتكسف من الكلام ده و انى اصغر نفسى قدام واحدة تقولى كلمة متعجبنيش او تحرجنى بس برضه غصب عنى ببص .. بس كل واحد و شخصيته و مدى تحكمه فى نفسه .. نفسى البنات قبل ما يقعدوا يصدعونا بالكلام عن التحرش يبصوا على اللى بيحصل فى الشارع الاول .. المشكلة من الطرفين و الله بس كل واحد لازم يغلط التانى .. و برضه بقولها بشكل تانى مينفعش تجيب عربية بتلمع و نضيفة و تدخل حارة لناس مش لاقية تاكل و تقولهم لا لو سمحت محدش يبص على العربية او يحسدها .. يعنى برضه مفروض الناس تراعى مشاعر بعض عشان تلاقى المعاملة الكويسة اللى مستنياها

حقك تنظر مفيش مشكله و لكن النظره الاولي ليك و الثانيه عليك بمعني لا تحدق و انا ايضا بنظر مفيش مشكله و تلك الموضوعات "لا فيها متجوز و لا اعزب" بمعني ان "البص للجميع بس بلاش بحلقه عشان مناخدش ذنوب ملهاش لازمه"

المشاركة الأصلية كتبت بواسطة dede_dodo88

أنا مش بخد بالي الصراحة من اللي بيبقوا لابسين البتاع ده..
بس في بقى بنطلونات الـharem دي.. بتفكرني بالسندباد و لص بغداد و القصص الحلوة دي.. Lol دي بقى اللي بتلفت أنتباهي بجد عشان شكلها بيبقى مقرف فعلاً..

بس هن أحرار في الاخر يلبسوا اللي عايزينه..
أنا بالنسبالي اللي بيبرر التحرش و يلقي اللوم على لبس البنات ده واحد عمال يدور على أي سبب يقنع بيه نفسه أنه معذور يرتكب الجريمة دي..
المتحرش ده واحد مش مستني يشوف فيزون ولا غيره عشان يعمل اللي بيعمله.. لأنه already خلاص فقد أي common sense موجود عند أي بني أدم طبيعي و متبقالوش غير الطبيعة الحيوانية.. فهو بالنسباله عادي معندوش مشكلة يتحرش بأي "تاء مربوطة" معدية من جنبه سواء بقى بالكلام أو اللمس أو حتى النظر..
سؤال.. ممكن أي حد من هنا يوصل في يوم لمرحلة أنه يتحرش بواحدة لمجرد أنها لابسة لبس ملفت ؟! و ليه؟! سواء أه أو لأ...

ملابس الفتاه بتعطي المتحرش سبب وهمي للتحرش بها و لو كان في قوانين رادعه ما كان حدث ما يحدث حاليا و لكن نحن نطالب البنات بالحشمه و الرجال "بعدم البحلقه"

المشاركة الأصلية كتبت بواسطة mohab.nabil

بعد اذنك يا باشا

بلاش السخرية من حد بالطريقة ديه و بلاش نفترض سوء النية فى حد

و زى ما حضرتك مخالف لرأيه اكيد فيه ناس مخالفة لرأيك برضه و اكيد مترضاش ان حد يتريق عليك بالاسلوب ده

+1 حمدين واحد خمنا هاهاهاهاهاهاها

المشاركة الأصلية كتبت بواسطة seiffoz

... فى واحدة بيبقى شكلها مقزز لانها مليانة و بيبقى مش حلو و ممكن تبصلها بشهوة جنسية ... و فى واحدة تانية ممكن تلبس نفس البنطلون بس بطريقة انيقة قوى و تخليك لما تشوفه معجب بالاناقة بطريقة جمالية ( مش جنسية) . البنت الشاطرة هى اللى تعرف تلبس ايه و ليه و امتى ... و تعرف تلبس اللى يليق على جسمها .

اللى بيبرر التحرش عشان الشباب مش لاقى يتجوز و ان البنت بلبسها هى السبب ..

انا مش لاقى اجيب عربية و اللى هشوفه راكب بى ام ولا مرسيدس او حتا اوكتافيا هكسرهاله عشان هو بيستفزنى عشان راكب و انا متشحطط فى الميكروباصات.

كلامك صحيح