ماذا تفعل اذا صدمتك سيارة اخرى اثناء قيادة سيارتك ( تجربة واقعية )

**Matrixawy** · 08-07-2008 11:02 PM

ماذا تفعل اذا صدمتك سيارة اخرى اثناء قيادة سيارتك ؟؟

لاشك انك ستتوقف فورا لمعاينة سيارتك و قد يتوقف قائد السيارة المخطىء او يهرب و يتجاهلك و كأنه لم يفعل شىء .

و هذا ما حدث معى بالفعل و لكن لم تكن سيارة بل كان اتوبيس سياحى كبير كان يريد ان يدخل الى شارع يمين و كنت على جانبه الايمن و لم يقدر المسافة جيدا و تجاهل استخدامى لألة التنبيه لتنبيهه فصدم مؤخرة سيارتى و قام بتكملة طريقه و كأنه لم يفعل شىء.

و لم يسعفنى تصرفه هذا من النزول لمعاينة ما حدث لسيارتى فقمت فورا بملاحقته حتى اول اشارة و وقفت امامه .

و نزل المرشد السياحى الموجود بالاتوبيس يهدئنى و يخبرنى انهم مستعدين لتحمل نفقات اصلاح السيارة و وجدت ان الرفرف الخلفى قد دخل مسافة 10سم تقريبا عن وضعه الطبيعى و لابد ان يتم رده على البارد عند سمكرى و قد يتكلف هذا الامر مبلغ لن يقل عن 50 جنية او اكثر .

و لكن السائق لم يعجبه المبلغ الذى طلبته منه و يريد ان يدفع 20 جنية فقط فقلت له فلنذهب سويا لاقرب سمكرى و هو الذى سيقدر المبلغ المطلوب و وجدت السائق يريد فعلا التحرك بالاتوبيس و معه السائحين لنبحث عن سمكرى سيارات قريب لاشك انها مهزلة ان يفعل ذلك بالسائحين و لكن المرشد الموجود بالاتوبيس لم يوافق على تصرف السائق .

و اثناء ذلك تزاحم الناس حولنا و منهم من يقول خلاص يا بيه جت سليمة و ميصحش تقبل العوض من سائق غلبان و كلام من هذا القبيل و بعد عطلة طويلة و اصرار منى على عدم تركه الا بعد دفع ثمن غلطته كاملا .

قام بدفع مبلغ 50 جنية و انتهى الموضوع و ذهب لحاله و الغريب فى هذا الموضوع هو وجود امناء شرطة و ظابط فى الاشارة التى لحقته بها و كل ما قاموا به هو ان الظابط ارسل امين الشرطة ليقول لنا اركنوا على جنب حتى لا يتعطل الطريق و اعملوا ما تريدونه بعد ذلك حتى انتهى الموضوع دون تدخلهم فيه .

و انا اتسائل هل فعلا قبول العوض عيب فى بلدنا ؟؟؟

و هل يجب تدخل رجال المرور فى مثل هذه الحوادث و فضها ؟؟

و ما هو التصرف السليم فى حالة اذا رفض هذا السائق دفع قيمة ما اتلفه ؟؟

**michohat** · 08-07-2008 11:17 PM

ده مش عوض فى مقولة فى دينا من افسد شئ فعليه اصلاحه
انا الموقف ده حصل معايا قبل كده كان عند نفق العبور كانت فى عربية شاهين ماشية زى التعبان وانا كنت قدامها و طلع منى عند نهايه النفق بس وهوا بيعدل نفسة علشان كان فى عربية تانية قدامة راحت شنطه داخله فى الرفرف القدمانى والبيه طلع يجرى ولا كلف نفسة يقف يشوف ايه اللى حصل
ومع انى معروف عنى انى هادئ لكن تجاهلة للى حصل اجبرنى انى جريت وراه وطبقت عليه اللى شوفته فى الافلام الاجنبى وورقفت قدامه ونزلت له و ربنا يكفيكم الشر بقى عن اللى حصل

بس بقول لو كلنا عاملنا بعض باحترام يعنى لو حد خبط التانى ووقف وحتى ولو اعتزر بالكلام وحتى لو مش هيصلح الخبطة بس كفايه انه يعترف بانه اساء ليك

دى لوحدها ممكن تخلينا نراعى بعض اكتر

بس ولا عمرها هتحصل لاننا فى بلدنا ماشين بزراعنا ( ب درعنا )
ويجعله عامر

**cobraa2008** · 08-07-2008 11:18 PM

و انا اتسائل هل فعلا قبول العوض عيب فى بلدنا ؟؟؟

بصراحة ما عرفش بس اللفي خبطني يدفع وخلاص ده لو انا عايز اي حاجة منه وما اعتقدتش انها عيب

و هل يجب تدخل رجال المرور فى مثل هذه الحوادث و فضها ؟؟

بصراحة جميع الدول بره مصر لو حصل حادثة تتصل بالمرور ويجي عندك في ثواني ويعاين ويحدد نسبة الخطأ وبعدين تروحوا المركز وتتناقشوا ده الي انا عارفه في مصر والله انت وحظك

و ما هو التصرف السليم فى حالة اذا رفض هذا السائق دفع قيمة ما اتلفه ؟؟

بصراحة انا هايبقى عندي حلين
1- هامسك فيه ده لو عرفت وافضل اشتم واهزه فيه لحد ما يدفع ده لو هو ما كنش محترم
2- لو واحد محترم والعملية موش هاتكلف حاجة يا عني رده ولا حاجة ممكن اعديها علشان انا عديت حاجات كتير لحد النهاردة

واحد سواق اتوبيس كسلري المراية وفضل يشتم وانا ماعرفتش انزل من العربية ولا حتى اكلمه والناس يقولوا اليه اللي جابك جنبه
مرة اتوبيس مدارس خبط البا ودخل بس ده احنا ماشينه علشان الطلبة والراجل محترم اما بتاع المرايا بدعي عليه لحد النهاردة هو واللي كانه معاه والاتاوبيس طار
وحتى لو كلمته كان اتوبيس حكومة لوحة زرقة

**MMamdouh** · 08-07-2008 11:41 PM

المشاركة الأصلية كتبت بواسطة Matrixawy

و انا اتسائل هل فعلا قبول العوض عيب فى بلدنا ؟؟؟

طبعا فى مصر عيب تاخد عوض... اصل كل حاجة فى البلد ماشية بضهرها

و هل يجب تدخل رجال المرور فى مثل هذه الحوادث و فضها ؟؟

هما بيتدخلوا بس لو خبطت حد و موتة... غير كدة عض فى الارض

و ما هو التصرف السليم فى حالة اذا رفض هذا السائق دفع قيمة ما اتلفه ؟؟

دغدغلة عربيتة بكوريك او اى اله ثقيلة و اذا بلطج عليك مفيش مانع ينوبة من الحب جانب... انت فى غابة مليئة بالمسعورين و عليك ان تتعامل على هذا الاساس

MMamdouh

**Matrixawy** · 09-07-2008 01:39 AM

المشاركة الأصلية كتبت بواسطة zalpany2000

استاذ متركساوي مركز عالحوادث اليومين دوول :) ماشي
عموما انا هابعد سنة عن الموضوع لمداخلة مامسكتش نفسي اقولهالكم

ليا واحد صديقي حكالي علي قصة حصلت مع حد معرفة ليه
كان معاه عربية 127 وجاي لأول مرة من كتوبر و في حتة في الطريق فيها مطبات هو مش عارفها و ماشي علي سرعته ... قدامه عربية Bmw بتعدي علي مهلها.. راح اخينا لابس في شنطة ال Bmw بسرعته طبقها ...."طبعا ال BMW هي اللي اتطبقت مش الزلطة التانية اللي ماحصلهاش حاجه تذكر يعني"

الاخ بتاع ال 127 قفل قزاز عربيته ... بطل العربية ... شال المفتاح من الكونتاكت ... وطلعه من سلسلة المفاتيح .. وخد شنطته من العربية ونزل... قفل العربية وراح لصاحب الbmw ادالو المفتاح وقالوا" يا باشا كده حقك وصلك ولو ما كملش ده رقم تليفوني"

الراجل مامسكش نفسه من الضحك وطبعا رفض اي تعويض

تحياتي ومحبتي

ههههههههههههههههههه
جــــــــــــــــــــامدة جدااااااا
:):):):):):):)

**som3aa** · 09-07-2008 01:52 AM

معلش يا جماعة انا كنت عايز اسال حاجة , هو مش العوض حرام اساسا؟

**EslaM_NagY** · 09-07-2008 01:58 AM

هو مسألة اقبل او لا اقبل فدى نسبية بمعنى

انا الطبيعى مش حقبل العوض وربنا يسامحه بقى
بس دا فى حالة انو اعترف انو غلط واتأسف

بس لو نزلى عاملى فيها رامبو ومش عاجبه الكلام حطلب بدل ال 50 جنيه 100
وعلى اتم استعداد انو لو مدفعش انى ادور عربيتى واخبطه تانى مدام هى كدة كدة مخبوطة مش حتفرق لو الخبطة زادت خدش عندى.

فى موقف قريته مش عارف فين

واحد راكن فى امان الله وقاعد فى العربية راحت جت واحدة تركن وراه راحت خبطة فيه كسرتله الفانوس
فنزلت تقولو مش تاخد بالك فطبعا الراجل دا اتعجب
مفتحش بقه بكلمة
راح داخل عربيتة وراح طالع قدام ورجع عليها جامد كسرلها هى كمان الفانوس
ونزل قالها ها فى حاجة.

بصراحه انا لو مكانو حعمل كدة بالظببببببببببببط

**Matrixawy** · 09-07-2008 02:10 AM

المشاركة الأصلية كتبت بواسطة MMamdouh

طبعا فى مصر عيب تاخد عوض... اصل كل حاجة فى البلد ماشية بضهرها

هما بيتدخلوا بس لو خبطت حد و موتة... غير كدة عض فى الارض

دغدغلة عربيتة بكوريك او اى اله ثقيلة و اذا بلطج عليك مفيش مانع ينوبة من الحب جانب... انت فى غابة مليئة بالمسعورين و عليك ان تتعامل على هذا الاساس

MMamdouh

يا بشمهندس
حرام عليك انا جالى احباط على احباطى
نفسى اسمع مرة منك اى حاجة تبشر بالامل فى مصر

**Matrixawy** · 09-07-2008 02:22 AM

المشاركة الأصلية كتبت بواسطة esoo_90

فى موقف قريته مش عارف فين

واحد راكن فى امان الله وقاعد فى العربية راحت جت واحدة تركن وراه راحت خبطة فيه كسرتله الفانوس
فنزلت تقولو مش تاخد بالك فطبعا الراجل دا اتعجب
مفتحش بقه بكلمة

شاهد الفيديو الموجود فى الرابط التالى

http://www.metacafe.com/watch/1415293/video/R/CFD_1002/

-

مشاهدة نتائج الإستطلاع: هل تقبل العوض اذا صدم احد سيارتك ؟

الموضوع: ماذا تفعل اذا صدمتك سيارة اخرى اثناء قيادة سيارتك ( تجربة واقعية )

LinkBack

أدوات الموضوع

عرض

-

-

المواضيع المتشابهه

ماذا تفعل لو غرست سيارتك فى الرمل

اثناء القيادة: ماذا تفعل في الموقف التالي ؟؟

ما هو اقصى شىء تستطيع اصلاحه فى سيارتك ؟؟( تجربة واقعية )

ماذا تفعل اذا ركنت سيارتك بمكان و اقفلت عليك سيارة اخرى ( تجربة واقعية )

ماذا تفعل فى حالة حدوث زلزال قوى ( تجربة واقعية )

الكلمات الدلالية لهذا الموضوع

المفضلات

المفضلات

ضوابط المشاركة