لما كانت عربيتى بتتفك عند السروجى كان طلع من الابواب حتت بلاستيك سوده خامتها زى خامه الشيكرتون (ناعمه ومحملة وشكلها بيستحمل) قال لى دى بتاعت بلادها و كان طلعها من بين زجاج الابواب وعظم الباب وفهمت منه انها بتحمى من التراب والبارومة
ولما جت العربية تتقفل تانى مش لقيت منها الا ما يخص باب واحد بس والباقى ضاع
فمنين اقدر اجيب بلاستيك زى اللى ضاع ده
صعب جدا تلاقيه
وغالبا مش هنلاقيه
انا دورت عند الناس اللى بتبيع بلاستيك فى الزقازيق ومش لقيت عندهم اى حاجه قريبة للخامه دى
وفى واحد قال لى انت كده عاوز فرخ بلك
هوا قال ده ب حوالى 40 جنيه الفرخ وانه لازم له دوشة علشان يتركب
يعنى ايه فرخ بلك ده؟؟؟
ممكن تلاقيه عند بتوع المستعمل انا كنت جبت واحد بتاع الريجاتا زمان
1- من المنطقة الصناعية بالزقازيق
2- او بتوع المستعمل عند موقف المنصورة
شكرا على الرد بس سؤال هوا البلاستيك ده له اسم اسئل بيه عليه ولا اشرح اللى انا عاوزة للناس بتوع الاستيراد
وحضرتك كنت جبته منين وكان فى حدود كام؟؟
شكرا للتفاعل
اللى انت بتتكلم عليه دة فعلا بلك وانا عملت المووضع دة ايام ما كان عندى ال 128 دة فايدته انه بيدى دعامة لطبلة الباب وبردو بيحمى من المياه والبارومة والتراب والكلام دة ... المهم انت هات فرخ بلاك او قطع جاهزة وخلى السروجى اوبتاع الأبواب اى حد يلزقو وممكن تلاقيه عند بتوع الدوكو او بتوع مستلزمات السروجية يعنى على فكرة السروجى ممكن يتصرف ويجبهولك انما مدروش عند بتوع المستعمل عشان دى حاجة بتبقى ملزوقة فى طبلة الباب من جوة مش هيفكهالك لانه هيبيع الباب بيها ...
وربنا معاك وحاول تحافظ على الحاجات اللى زى دى اوى عشان مبتتعوضش ..
البلاستيك اللى قصدى عليه واللى كان طلع من العربية لما كانت بتتفك مش كان ملزوق فى طبلة الباب
ده موجود بين عظم الباب والزجاج
لا دة انا معرفوش .. انزل عزبة شلبى وشوف شكله فى الباب الفبريكة ودور عليه بردو هتلاقى بديل ان شاء الله
لو ملقيتش الأصلى البلستك ده بيتباع بالمتر وبيتقص على قد الباب عند بتوع اكسسوارات العربيات
ما المشكلة انى مش لاقى خامه قريبة من الخامة الاصلية وافضل خامة شفتها لغايه دلوقتى هيا خامه البلاستيك اللى بيتغطى بيه الغسيل