ارجوا الافادة عن ريو 2013
احبتى فى الله نمور قسم كيا ... برجاء الافادة عن الريو الجديدة 2013 سواء وكيل او خليجى ( الهاى لاين ) وهل هناك فارق فى الكماليات بين الاثنين وايه هى تلك الاختلافات بالظبط وهل ترشحوا لى الوكيل ام الخليجى ... كما ارجوا الاطمئنان على حالة الموتور ال 1400 فى السحب وفى استهلاك البنزين لانى خايف يتكرر معايا عيب الكارينز ... انا كان معايا كارينز 2011 كاملة هاى لاين خليجى وبعتها للظروف المادية التى لحقت بى الفترة اللى فاتت ولله الحمدوالشكر ، ولكن كان الموتور ضعيف على البودى بتاع العربية وطلعتها تقيلة وبالذات فى المطالع كانت بتبقى تقيلة جدا واجارك الله بقى لو مشغل التكييف ومحمل السلحفى تيجى جنبك وتغيظك وتقلك يا بطئ ده بخلاف انها كانت بتاكل بنزين بشراهة كانت تقريبا بتعمل فى الصفيحة داخل البلد من 150 الى 160 كم فقط .. فهل نفس الموضوع ساواجهه فى الريو ولا موتورها يعتبر كويس على حجمها واخبار البنزين ايه .. ارجوا افادتى لانى مقبل على شرائها وانوى دفع مقدم واقسط الباقى فامش عايز اندم بعد الشراء .. ارجوا من مالكيها افادتى وجزاكم الله كل الخير ان شاء الله