الموضوع: ارجوا الافادة عن ريو 2013

ا / محمد ابراهيم
كم اشكرك جزيل الشكر على تلك المعلومات الطيبة .. وجزاك الله خيرا يارب ان شاء الله وبارك الله فى سيارتك واعطاك خيرها ومنعك شرها ان شاء الله .
بالنسبة لموضوع الموتور والتكونلوجيا الحديثة فانا مدرك موضوع الاحصنة والعزم الغير مرتبطين ارتباط مباشر مع السعة اللترية للموتور .. وتوضيحا للموضوع فكانت معى الماتريكس 104 حصان وكان الموتور بصراحة ممتاز على العربية ليس بالبطئ وليس بالهجومى ولكنك تشعر بالتناسب والاعتمادية فى مواقف كثيرة عكس الكارينز اللى كان 124 حصان بفارق 20 حصان عن الماتريكس الا انه فعلا ضعيف على العربية بشكل ملحوظ جدا وبالذات مع التكييف والتجميل فعلا ماساه ... وده يرجع لان التعيير للاحصنة الكورية ليس كالاوربى الذى يعطيك القوة الحقيقة للموتور اما الكورى فللأسف العيار ليس دقيق ولا ثقة فيه وعشان كده انا فضلت اسأل مجرب وماصدقش الكتالوج بصراحة .. وارجوا ان اعرف تعليقك على استهلاك البنزين فى العربية وبتعمل كام كيلو فى الصفيحة يبقى ممتاز ...دى حاجة
الحاجة التانية ..ارجوا من حضرتك افادتى عن سبب اختيارك للوكيل وبشدة هكذا لماذا استندت للفادة .. لانى كانت الكارينز خليجى مضمونة من شركة تريب ايه وكانت افضل من الوكيل فى التجهيزات بمراحل حقيقة عن الكماليات والتقفيل والتوكيا ناس محترمة جدا وعمرهم ما سببوا مشاكل لحد او مع حد .. ولكن اذا كنت حضرتك لمست شئ اخر فارجوا افادتى ..وشكرا مرة اخرة وجزاك الله خيرا

المشاركة الأصلية كتبت بواسطة 2code

انا نفسي حد يرد على المشاركة دي ليه محدش رد عليها خالص ؟ هو طلب دليل واضح على الكلام ده عيب ؟ ياريت اي حد يراجع الرد ده وبأنتظاره لو اثبت الكلام ده : http://www.nilemotors.net/nile/3874500223-post48.html

يا استاذ احمد انت راجل متحضر وواعي ياريت كلامنا يكون على مصادر

ده على اساس اننا العرب والمصريين اللي مفتحين وعرفنا ان الاحصنة over rated والاجانب بطيخ ؟ احنا المهندسين اللي مش عارفين نعمل عجلة جوه مصر وهم الصانعين مش عارفين اذا كان ده over rated ولا لأ

دي كانت بقيت فضيحة للشركة ومحدش من الاجانب اشتراها ولا حتى يدوها 5 نجوم للامان ولا يدوها جوايز .... الخ

وهل هو السحب بيتوقف على عدد الاحصنة بس ؟ طيب والوزن فين ؟ لاحظ ان الكارينز من العربيات تعتبر ربع نقل ههههههههههههههه بالطبع كلام اعترض عليه وبشده وبأنتظار الدليل من الاخوه



ببساطة لان يجب عليك مراجعة المواضيع هنا هتقرف من الخليجي والمعارض وسرقتهم اللي يقول لك مفيش جنط استبن واللي يقول لك الكاسيت جاي غير الاصلي وحاجات كده غريبة غير الاوفر برايس للاستيلام الفوري

استاذ محمد ...شكرا كثيرا على الرد الوافى المحترم ... بس اول ملاحظة انت ليه مش عايز تعلق على استهلاك البنزين .. ولا انت نسيت
الملاحظة التانية ... الموضوع مش فتاكة مننا كمصريين والاجانب بطيخ ... بس حقيقة الامر ان العربيات اللى بتنزلك هنا غير اللى فى اوروبا نهائيا .. المواتير بتختلف والتقفيل بتختلف والموضوع غير قياسى تماما .. والموضوع بيرجع الى الوكيل المصرى للاسف اللى بيقدم اقل امانيات باعلى الاسعار لتحقيق اكبر قدر من الارباح .. والادلة كثيرة .. بالنسبة للهيونداى والكيا والكثير من السيارات .. على سبيل المثال الليفيتا ( الماتريكس ) اختلاف تام عن الماتريكس فى مصر .. الدايو لاستى ( الكروز ) اختلاف تام ..الافاناتا ( الالنترا ) اختلاف تام حتى فى العفشة الافاناتا ملتى لينك الالنترا تورشيم بيم .. موتور الدايو لاسيتى غير الكروز .. عفشة النيسان صنى فى المواصفات ملتى لينم متعددة الوصلات ,, وفى مصر بارة تورشيم بيم ...وهكذا .. ده بخلاف اننا ما عنديناش اى معاير فى الجمارك ولا قياسات او مواصفات للسيارات .. انا مش فالحين غير فالكماليات فكل ما زادت الكماليات زاد الجمرك ولو كان فى نفس السعة اللترية .. الخلاصة من الكلام ان الاستخدام والحقيقة يفرق كتير جدا عن المواصفات الاعلانية والتسويقية ولذلك السؤال واجب للمستخدم نفسه للسيارة فى مصر .. وبالمناسبة بقى يا استا محمد .. عفشة الريو ايه ,, وانا على اعتقد انها تورشيم بيم لان السيراتو الجديدة 2014 نازلة تورشيم بيم ... وهل ناعمة ولا ناشفة شوية ولا ايه الاخبار .. وما تنساش تقولة ايه اخبار استهلاك البنزين .. انا عارف انى بثقل عليك ولكن جزاك الله الخير كله ان شاء الله

نزلت النهاردة عملت جولة موسعة من التوكيل فى روكسى الى المصرية خلف الميرغن الى سمير ريان .. والحقيقة ان اول ما صدمنى ان الهاى لاين من التوكيل او من الخليجى ما فيهاش اي بى دى خالص وتقتصر على فرامل ايه بى اس فقط مع طنابير خلفية مش ديسكات والغريبة ان ناس كثير اكدت ان فيها ايه بى دى واولهم تعليق الاستاذ محمد ابراهيم على هذا الموضوع لكن فى التوكيل اكدوا لى ان اعلى فئة ليس بها فرامل ايه بى دى وكذلك كل فئات الخليجى ....طيعا الخليجى تنوعت مواصفاتها حسب الاوبشن وكلهم لخطبيطة ممكن تلاقى فتحة سقف وفرامل ايه بى اس بفوانيس ليداتامامى وهالوجين وليدات خلفى من غير مثبت واخرى تلاقى مع فتحة السقف مثبت سرعة وسنسور بارك خلفى وبلوتوث وفوانيس عادى وواحدة من والاسعار بالنسبة للهاى لاين الخليجة بتبدا من 122500 الى 130000 ودى كانت مواصفة واحدة فى عربية واحدة لقيتها عند المصرية للسيارات فيها مفتاح بصمة وتكييف تاتش دول زون والغريبة انها عربية واحدة بس اللى عندهم ومش موجودة فى اى معرض تانى خالص المواصفة دى ... طبعا الخليجى كله جنوط 17 نيكل محترمة بصراحة والعربية ما شاء الله عليها ممتازة سواء التوكيل او الخليجى اللى ما يفرقش حاجة غير شوية اوبشن صغيرة بس للاسف التوكيل التسليم بتاعة حجز 3 شهور وهذا امر يرجح الخليجى بجدارة .... العربية تقفيلها جيد جدا والمواد الداخلية المستخدمة ليست بالممتازة ولكنها ليست بالرديئة ابدا يعنى اقدر اقول برضه جيده جدا وواسعة ورحبة امام وخلف والشنطة بتاعتها ممتازة ... ما ينقصنى بصراحة اراء الناس اللى شرياها ومجرباها فعليا للاطمئنان ان شاء الله وشكرا لكل اللى افادونى فى هذه السيارة وجزاهم الله خيرا

انا نزلت التوكيل للمرة الثانية بعد تأكيد من الاعضاء المالكين لها بان السيارة بها ebd وفعلا تأكدت من هناك بعد مشاورات انها فعلا فيها ebd وان المعلومة كانت قاصرة عنده .. الاول كان بيحاول يأكد انها بدون لكن مع اصرارى وانهم قايلين فى مواصفات العربية على الويب سيت بتاعهم ان فيها ebd سأل بعض زملائه وبعدها رجع وقالى انه طلع فيها .. طبعا واضح انهم غير ملمين تماما بتقنية العربية وشغالين فى المعرض لرزقهم فقط .. ربنا يرحمنا بقى ... ربنا يبارك لماكيها ويوفقنى فى شرائها ان شاء الله