استفسار بخصوص الكاوتش

**reallistic** · 28-10-2012 06:48 AM

أنا عاوز أشتري كاوتش جديد نوع تمام و كفائة و يكون سعره معقول
مايكونش غالي أوي و يكون سعره معقول ، أنا مش عاوز أسترخص بس في القريب يعني
بس الأهم يكون نوع يتحمل و يعيش و مايتلوحش ولا يطلعله بلالين و الكلام ده قدر الإمكان
سألت واحد بتاع كاوتش قاللي كونتيننتال أو هانكوك
أنا عن نفسي جربت البيريللي و بالنسبة لي سىء جداً جداً و ناشف أوي
جربت الفولدا عجبني صوته هادي و من غير حتى ما أرصص كان مظبوط و جريت بيه لحد 160
بس بعد شوية فردة اتلوحت و بقت العجلة ترف
و مرة سمعت من واحد كان جاب كاوتش بريدجستون موديل فيه خاصية صامت silent
قاللي أنه فعلاً مالهوش صوت خالص ، هل حد جربه ؟ عاوز أعرف قوة تحمله و أخباره إيه
ولاّ فيه أنواع تانية غايبة عنّي و تكون أفضل من كل إللي فات ده ؟

يا ريت الخبراء و المجربين يفيدوني و شكراً مقدماً ...

**ahmedshoura** · 28-10-2012 07:42 AM

السلام عليكم ورحمة الله وبركاته
أنا في نفس حيرتك أخي العزيز
وعند سؤال بتاع الكاوتش قاللي على الـ"gt" الاندونيسي
قال انه ممتاز
بس انا لسه ما جربتوش
ربنا يهديك ويهدينا للصواب ان شاء الله

**momo44** · 29-10-2012 12:22 AM

الافضل فى الاداء والسعر هو
الكومهو ثم الهانكوك
البريدجستون السوبر سايلنت ممتاااااااااز
بس سعره عالى جدااااااا بالنسبة للباقى

**reallistic** · 29-10-2012 02:14 AM

شكراً لكل من شارك و في إنتظار المزيد من المشاركات للخبراء و الجميع
طيب لو تغاضينا عن السعر يكون الكلام على إيه ؟
بترتيب الأفضل ثم إللي أقل منه و هكذا ...