الموضوع: عايز اشتري سوبارو 2012 و خايف

السلام عليكم و كل سنة و انتم طيبين

محتاج مساعدتكم في اتخاذ قرار شراء الامبريزا 2012 لاني خايف جدا من الاتي:

1- خايف يحصل مشكلة كبيرة في العربية و التوكيل مايقفش معايا زي اللي حصل للاستاذ المحترم صاحب المشكلة الكبيرة اللي المحكمة حكمتلة فيها و لسة ماخدش فلوسه
2- ان الموتور يحتاج عمرة نتيجة الاوكتين زي برضه ما حصلت لاخ فاضل اخر
3- قطع الغيار ماتكونش متوفرة
4- ماعرفش ابيعها بسرعه لو احتجت فلوس


و هل العربية فعلا ثابتة اوي و تستاهل المخاطرة بالفلوس الكتير دي و الا سواقتها عادية؟

ارجو الافادة و شكرا لكم جميعا:-)

المشاركة الأصلية كتبت بواسطة ahmad--ezzat

بلاش احسن

المشاركة الأصلية كتبت بواسطة amz2011

ابعد عن الشر و غنيله

طبعا لا تعليق على الكلام ده : كلام لا يفيد بشئ طالما لا يوجد أسباب .....
الراجل محتار و عايز يطمئن بشوية نقط هو ذكرها فى الأول : يبقى الطبيعى ان الناس ترد على اسئلته و تفيده مش مجرد رأيك الشخصى من وجهة نظرك اللى أكيد مش مبنية عن تجربة..
المهم :
بص يا salmabash
معاك فى تخوفك طبعا خاصا ان فيه مشكلتين اللى انت ذكرتهم ( بس دول تجربتيين شخصيتيين و حظهم جه كده) انما المجمل الناس حتى الأن لم يواجهها مشاكل ذيها حتى الأن .. و مفيش عربية أو توكيل فى بلدك دى مفيهوش مشاكل و ناس بتتخانق و فى ناس بتجيب حقها و ناس مبتعرفش .....
فرأى متاخدش التجربتيين دول كمثال عام.
ثانيا :
بالنسبة لأسئلتك ... انا عن تجربيتى للسوبارو طوال 8 سنين حتى الأن بموديلين 2005 و 2009 (لسه ال 2 معايا)
1) عربية حلوة جدا فالثبات لا تقارن الا بال bmw , مرسيدس .... مع احترامى لباقى العربيات.
2) عربية اعتمادية من حيث : استهلكها زى ما انت عايز و مش بتحتاج صيانات كتير ( يعنى نسبة الصيانة للاستخدام مش مكلفة ذى ما الناس فاهمة) ( أسعار قطع الغيار ارخص من كل اليابانى فالسوق بتاعنا فى توكيلاتها مش من بتوع الاستيراد) شوف ده :
http://www.nilemotors.net/Nile/129999-a.html
http://www.nilemotors.net/Nile/28020...-3-2012-a.html
3) موضوع البنزين : العربية تمشى ب 92 عادى جدا من غير مشاكل لان نسبة انضغاط الموتور 1-10 و ده معناه ان العربية بتبقى افضل مع 95 فى السحب انما تستخدم 92 عادى و ده اللى فى كل موديلات العربيان من سنة 2010......
4) بالنسبة لقطع الغيار : متوفرة فالتوكيل ( انا عن نفسى مواجهتش و لا مرة طوال 8 سنوات عدم وجود قطع غيار فالصيانة و حتى لو مش موجودة مبتاخدش اكتر من اسبوعين و بتيجى) فى بعض الناس بتشتغل فالسوبارو بره التوكيل هتلاقى موضوع معمول عنهم
5) سعر اعادة البيع : هو ده المشكلة علشان السوق بتاعنا ميهموش العربية اعتمادية ولا لأ انما فيها اوبشن ايه و مرطرطة و لا لأ دون النظر لأى شئ أخر......
السوبارو فى رأى عربية لو جربتها عمرك ما هتبيعها..
اخيرا شوف انت مرتاح لايه و ربنا يوفقك و صورة مقارنة الأسعار هى دى: