الموضوع: مــنـاقـشـة : شــكــمــان الــفــيـرنا و ثــبـاتــهــا

المشاركة الأصلية كتبت بواسطة Axel

بسم الله الرحمن الرحيم

السلام عليكم و رحمة الله و بركاته

كل سنة و انتم طيبين يا نجوم هيونداي

كما هو واضح بعنوان الموضوع
شكمان الفيرنا و الثبات

سؤال هل شكمان الفيرنا نهايته موجهة للأرض اوي ؟؟؟
لأني دايما بشوف الشكمان متعدل و راكب فيه حلية مخلياه في مستوي العربية

لأن انهاردة الصبح و انا ماشي جت جنبي فيرنا و صاحبها شكله من النوعية اللي يشد و يهدي كل شوية متعرفش ايه في دماغه من كده
المهم لاحظت شئ غريب كل ما الريس ده يكبس بنزين العربية تنط من ورا كل ما يكبس العربية تنط من ورا و لو الارض مش مظبوط اوي مع الكبس العربية بتبقي مرجيحة
قولت مبدهاش بقي لازم اشوف ايه القصة هديت و جيت وراه برده يكبس بنزين العربية تنط نطة خفيفة و لو الأرض مش مظبوطة العربية بتبقي سوستة مراجيح
لما ربطت الموضوع بكبس البنزين قولت ابص ع الشكمان لقيت الشكمان موجة للأرض بشكل ملفت للنظر جداااا يعني مش موجه بشكل طبيعي فقولت مش ممكن تكون نازلة كده !!!
اكيد بتقولوا مش فاهمين حاجة

اللي بيحصل كالآتي :

لما بتكبس بنزين بيطلع ضغط ناتج عن الاحتراق في الموتور فبيطلعه الشكمان فالضغط ده المفروض يكون بمستوي العربية
لكن لما يتوجه للأرض الضغط كله بيضرب في الارض و بالتالي بيأثر و يرفع العربية من ورا نسبة بسيطة و بالتالي تلاقيها بتتنطط زي المرجيحة

نفس النظرية في ايرودينامك العربية لكن بشكل عكسي في قصة الشكمان و هو ان العربية تكون من قدام قريبة من الأرض و من ورا عند الشنطة العربية فيها ارتفاع في التصميم فالهوا يجي من قدام و يمشي و يجي في الاخر و يضغط من فوق الشنطة فيثبت العربية اكتر ع السرعة العالية و ده سبب اضافة السبولر ( الأصلي مش المنظرة ) و بيكون فيه زي ميلة بسيطة لأنه بيستقبل الهوا و يخليه يضغط ع مؤخرة العربية فاللي بيحصل مع الشكمان اياه نفس الموضوع لكن بشكل عكسي فبينطط العربية

نفس الموضوع ناس كتير معاهم التو الاقيهم بيعوجوا اخر الشكمان لتحت عشان يبطل خبط في الاكصدام الخلفي و النتيجة ان العربية بتتنطط و هي ماشية

السلام عليكم
انت بتتكلم بجد ؟؟؟؟
هو طبعا تفكيرك عالى .بس مينطبقش على حالة اى عربيه خلقها ربنا لحد دلوقتى .
الحاجه الوحيده اللى ممكن يكون كلاممك عليها صح .و اللى ينطبق عليها الكلام ده
هى الطيارات اللى مزوده بمحرك جيت و شفره بتقلب اتجاهها عشان تغير من اتجاه الطياره نفسها .زى بعض انوا ال f ال f22 f16 و غيرها من الحربى .
و كمان بيستخدم كنوع من الفرامل العكسيه فى الطيارات المدنى زات الموتور الجيت .النفاث )
و طبعا فى تطبيقات الفضاء
غير كده صعب اوى اوى .
و اللى بيعمل كده فى اى عربيه انه لما يكبس بنزين العربيه تعلى من قدام و تهبط من ورا .
احب اقول فى العربيات الدفع الامامى ده شىء عادى جدا و بتختلف النسبه من عربيه للتانيه حسب انواع و قوه المساعدين و السوست و نوع العفشه .و الخلفى العكس المؤخره هى اللى بتعلى مع كبس البنزين .عشان كده الاسبويلر بيفرق جامد فى الدفع الخلفى عشان يخلى تماسك العربيه بالارض كبير و متفقدش ال traction بتاعها .و العربيات ال awd مبتلاحظش الموضوع ده فيها .او بتلاحظه بنسبه بسيطه حسب توزيع القوه على العجل الامامى و الخلفى لو 50 الى 50 % مش هتلاقى تنطيط و كده مع كبس البنزين .و عشان كده هتلاقى اثبت عربيات هى ال awd و اامنها كمان و اسهلها فى السواقه العاديه (السواقه الرياضيه فىال awd عوزه سواق جامد عشان يعرف يلعب بيها صح )زى بردوا مش اى حد يعرف يسوق خلفى من اول مره و لازم يتعود عليه .
بالنسبه للفيرنا .:
مساعدين وسوست و ارتفاع عن الارض و شاسيه و عفشه .هى دى اسباب التنطيط و الله اعلم
لو تم تحسينهم بيفرق شويه يمك 60% تحسن لو ركب حاجه اسبور و كده .
و كان فى واحد وفق ليها عفشه و فرامل النترا 2006 و عملها فلنشات و العربيه فرقت معاه جامد جدا عن الاول و ركبلها تيل ebc green stuff و الفرامل ظبطط تمام

و الله اعلم و السلام ختام