معاناتي مع اسوا توكيل في مصر (الاسكندرية انطونيادس)

سيدي
انا لم اري في حياتس اسوا من توكيل هيونداي حتي الان توكيل لادا افضل منه
سيارتي سوناتا زرار الدركسيون بيعلق وبقالهم سنتين مش عارفين يصلحوه وبعتوني توكيل ابو رواش وغيروا الزرار مرتين وغيروا الدركسيون وبعدين قالوا العيب في ال clock spring بس مش عارفين يجيبوه وبعدين قالوا العيب في الكاسيت وفرمته 3 مرات بفلوس عند التوكيل بتاغ الجهاز الصيني ولغايت دلوقت متصلحش مهزلة الصراحة ده غير المعاملة السيئة وعدم الاهتمام
وعلي فكرة عربيتي دلوقتي في التوكيل بقالها 3 شهور اتبهدلت والبطارية باظت علشان البهوات بيستوردوا الفانوس الخلفي بقالهم 3 شهور والله 3 شهوووور
ده اسوا توكيل شفته في حياتس واخره يعمل صيانة ودي اخر مرة اقرب من هيونداي بسبب التوكيل مع ان السيارات كويسة جدا بس لة عنك مشكلة تبقي لبستها
حد يعرف اعمل ايه معاهم؟؟؟؟

يا ريت حضرتك تقول لنا عربيتك موديلها أيه
و أيه هو زرار الدركسيون
و إن شاء الله نحاول نساعدك

طيب حاول حضرتك تتصل بخدمة العملاء و تشرح لهم مشكلتك أو تروح توكيل هيونداي بالعبور

و بعدين ليه حضرتك نشرت الموضوع في أكثر من موضوع أخر بما يعد مخالفة صريحة لقواعد و قوانين المنتدي ؟

يا فندم عربيتي سوناتا موديل 2010 زرار الmulti function بالدركسيون الخاص بال mode,up & down وفعلا بقالي سنتين بحاول اصلحه
الول قالوا الزرار في توكيل اسكندرية وبعدين جابوه غلط وقالولي زي ما حضلاتك بتقوللي دلوقت روح لابو رواش سافرت من الاسكندرية الي ابو رواش مع ان توكيل اسكندرية في سموحة جنب بيتي في ابو رواش غيرو الزرار ولسه العيب موجود وبعدها سافرت مرة بعد مكلموني وقالو علشان اغير الدركسيون وبعدين قالولي معلهش مش هوه
بعدها سافرت للمرة الثالثة وغيروا الدركسيون ومفيش فايدة بعدها قالوا ده عايز clock spring وقالوا انت ايه اللي بيجيبك عندناهنبعته الاسكندرية سموحة
رحت الاسكندرية قالو لا العيب في الكاسيت
رحت توكيل الكاسيت وفرمت الجهاز 3 مرات ب 400 جنيه وبعدين قالوا العيب مش عندنا
دلوقت العربية بقالها 3 شهور في التوكيل علشان بيستوردوا الفانوس الخلفي وكل نااسال يقولوا مش عارفين هاتيجي امتي
ولما اسالهم عن زرار الدركسيون قالوا اصلنا بنستورد الزرار يعني بيعيدوا كل اللي عملوه من سنتين
رقم موبايلي 01008010312 ولو حضرتك عايز تتاكد من اللي بقول
لو انت شايف ان طبيعي اني اصلح زرار في سنتين وعلي طول مفيش قطع غيار والفانوس بتاع العربية ييجي في 3 اشهر واسافؤ القاهرة اربغ مرات وحضرتك بتطلب مني اروح العبور دلوقت مع ان التوكيل الشارع اللي جنبي فيبقس فعلا عندك حق تزعل اني كاتبه في كذا موضوع لكن الصراحه ده من ياسي خصوصا اني اشتكيت كذه مرة في الرقم بتاع هيونداي ومفيش فايدة
ة رقم الشاسيه لعربيتي 38 سوناتا 2010 اتاكد من فضلك من الموضوع علما بان التوكيل غيرلي الاسطوانة والدسك مرتين خلال شهر وكله اظن غلي الكمبيوتر عند حضرتك

يا ريت لو حد من هيونداي يتاكد من كلاميمن رقم الشاسيه 38 ويقوللي اعمل ايه او يهتم علشان انا تعبت جدا والعيوب المستمرة ضيعت فرحة العربية

الزميل العزيز
أهلا بيك على نايل موتورز
أنا مقدر موقفك تماما ومدى غضبك لأني مثلا روحت التوكيل 4 مرات عشان الكلاكس وودا مجرد كلاكس فما بالك بزرار في المالتي فانكشن بتاع الدروكسيون
احيانا بتكون هناك أعطال أو عيوب غريبة حلها بيكون مستعصي
أيا ما كان حضرتك اتبع الخطوات التالية:
اولا ادخل على موقع الشركة الأم هيونداي وابعت شكوى واشرح الموضوع كاملا في الشكوى
ثانيا اتصل بخدمة العملاء وابعت شكوى وبلغهم ان الامر لو متمش حله حضرتك هتقدم شكوى في جهاز حماية المستهلك وهتقدم فيهم شكوى في الغرفة التجارية
بالفعل لو محلوش لحضرتك المشكلة قدم بالفعل شكوى في جهاز حماية المستهلك وشكوى في الغرفة التجارية تجاه شركة د/ رؤوف غبور صاحب شركة غبور
حضرتك اعمل الخطوات دي ووافينا بالنتائج أولا بأول
مع العلم المهندس سمير الشهاوي لا دخل له بقواعد بيانات سيارات هيونداي
هو مجرد منسق للقسم يحاول ان يجد حلول للمشاكل التي تواجه أعضاء المنتدى
ويارب مشكلتك تتحل بأسرع ما يكون
سؤال الاخير معلش هل العيب دا شائع في السيارة سوناتا 2010؟!

شكرا يا فندم هاعمل كدة ويارب ينفع معاهم

مش عارف الصراحة العيب شائع ولا لأ

انا من كل قلبي بتمنى لحضرتك ان الموضوع يتحل
وان شاء الله يتحل بدون مشاكل وتستمتع بعربيتك