بكام قاعده الموتور الاماميه (كورسا 2003 سيدان)

**Yousef.Ibrahim** · 28-10-2012 03:34 PM

ازيكم يا رجاله..
عندى ليكم استفسارين
انهرضه بعد الشر عليكم العربيه برجلت فجأه (سلانسيه بس)
وشويه والعربيه مسكتت حراره وهيه واقفه بشوف فيها ايه
لقيت ميه الرادياتير قلت خااالص وبتتدخن
ف بشوف الزيت لقيت الميه دخلت مع الزيت(الزيت بقى لونه اصفر فاتح وفيه رغاوى)
الحمد لله جت على قد كده
الحاجه التانيه ان القاعده الاماميه بتاعت الموتور بايظه
كنت عايز اعرف سعر القواعد بتاعته كام
وبييجوا طقم كامل ولا كل وحده لواحدها.؟
وسعر جوان الموتور كام؟؟وشكرا ليكم وكل سنه وانتوا طيبين

**kar!m** · 30-10-2012 01:35 PM

قدر الله و ما شاء فعل.

انت هتجيب جوان وش سلندر جديد و تخرط الوش اللي عندك و تركبه عادي .. أو تجيب وش سلندر استيراد أفضل بس للأسف قليل جدا .. و خد معاك الوش القديم لو هتشتري وش تاني .. عشان وش اللانوس قريب منه جدا بس فتحات البساتم أصغر شويه .. وممكن حد يبيعهولك على انه وش كورسا .. لازم يكون معاك حد بيفهم فيهم عشان يتأكد انه زيه و بتاع كورسا 1600 مش 1400.

بس لو الوش أول مره يتخرط و مش مفقع أوي .. اخرطه و ركب جوان واحد وخلاص.

القاعده اللي قدام اللي تحت الرادياتير ب 150 جنيه تقريبا .. اللي ورا ناحية السواق ب 325 جنيه الأصلي .. 225 تركي .. اللي ناحية الراكب الأمامي .. مش عارف بكام .. بس مش أقل من 450 جنيه الأصلية.

قصدك ايه بجوان الموتور؟

**Yousef.Ibrahim** · 31-10-2012 12:44 AM

الف شكر يا جميل على المعلومات
وكان قصدى على جوان وش السلندر
انا ظبط الليله وكله تمام الحمد لله
اينعم الراجل اخد منى 350 جنيه عشان الفك والتركيب وفك الشكمان من الوش وفك الاجكشن وعشان الميكانيزمات كانت (قافش) من خليط الزيت والمياه
بس الحمد لله كله تمام