البطاريه عندي شكلها بتودع ( النترا 2008)
انا عايز اعرف هي كام امبير
اجيب اي نوع بطاريه جافه
وبكام
عرض للطباعة
البطاريه عندي شكلها بتودع ( النترا 2008)
انا عايز اعرف هي كام امبير
اجيب اي نوع بطاريه جافه
وبكام
معنديش اى معلومات غير ان احنا لسه جايبين بطاريه معرفش نوعها حتى هههههههه ب 350 جنيه
بطاريتك هتلاقيها 55 امبير
لو مش مركب زينون او عدة صوت او اي تعديلات على الكهربا يبقا هتجيب بطارية جافة 55 امبير
انصحك اما اي سي ديلكو او فارتا
الاي سي ديلكو دي سعودي والوكيل بتاعها منصور شيفروليه والافضل هاتها من منصور عشان بيديلك ضمان استبدال كامل خلال السنة بتاعة الضمان بدون ما تدفع حاجة يا عزيزي
الزينون بيستهلك من البطارية اكتر شوية يا عزيزي
لا مش هتلاقيها 45 خالص !
هي هتلاقيها 55
الافضل انك تجيب بطارية 70 امبير عشان الزينون ولو 55 امبير هتقوم بالغرض برده على فكرة :]
طيب بعد اذنك عنوان وكيل الاي سي ديلكو
كلم 16424 وهما هيدلوك على اقرب فرع ليهم تقدر تجيب منه البطارية
الف شكر ياباشا
الإلنترا بتنزل ببطاريه 45 أمبير
حضرتك ممك تركب حاجه أعلي 55 أو 60 أي سي ديلكو بطاريه ممتازه
لي سؤال هو حضرتك بتسأل ليه عن أمبير البطاريه الأصليه ؟ هي لسه شغاله في العربيه من 2008 ؟
العربيه انتاج اكتوبر.2008
عاشت 4 سنين وانا نفسي مش مصدق لان اطول عمر لبطاريه كان معايا في حياتي 3 سنين وما اتكررتش
اللي كشف عليها قولتله انا عايز اركب واحده زيها فقالي لا دي بطاريه بلادها اللي بتنزل في الالنترا والاكسنت ومش هتلاقيها ...
انا باقول يمكن اللي اشترتها منه يكون مغيرلها البطاريه ( بس هايجيب الاصليه برده!!!!)
انا نفسي اركب بطاريه زي اللي فيها ومش عارف اجيبها منين
ما شاء الله
البطاريه عملت رقم كويس
و مش شرط تبقي زيها علشان تبقي حلوه
الأهم تختار أمبير مناسب لأستخدامك و مناسب لشحن الدينامو و تكون ماركه مجترمه و مجربه
أنا مركب دي http://www.biochemical.gr/images/hugel_batteries.jpg
تركي ز بقالها ما شاء الله سنتين 65 أمبير
لكن أنا أنصحك بحاجه مشهوره زي سي ديلكو
الف شكر لاهتمامك
البطاريه كانت عندي زي الفل لغايه ما نسيت شاشاه الدي في دي شغاله يوم كامل في العربيه ومن بعدها البطاريه ماجاتش يوم لقدام
انا هاجيب اسي ديليكو ان شاء الله 55 امبير
بس بالمناسبه هو لو الامبير عالي ممكن يتعب الدينامو والا كده كده سير الدينامو شغال علي طول والدينامو بيشحن طول ما العربيه دايره ومش فارق اني اجيب 70 من 55 من 45
الدينامو بتاعك بيشحن لحد 90 امبير فمتقلقش يا عزيزي
البطاريه خلاص في اخر ايامها وروحت علشان اغيرها ما لقيتش اي سي ديليكو والراجل قالي انها بقت اي كلام وكل الموزعين دايخين مع متصور علشان استبدال البطاريات المعيوبه
نصحني ب هانكوك وبيقول ان عمرها الافتراضي اطول بس بيقول ان 55 امبير ب 435 ( حاسس انها غاليه شويتين يا اما الراجل نصاب)
في مفاجأه البطاريه عندي لقيتها 41 امبير:))) كانها بطاريه موبايل
دلوقتي ياريت تقولولي اخبار الهانكوك ايه وهل ده سعرها؟؟
وتاريخ انتاج البطاريه بيبقي مكتوب فين والمفروض انه ما يزيدش عن كام شهر؟
الهانكوك سمعت انها كويسة
هتلاقى توكيلها مع شركة النيل بتوع بريدجستون كان فيه كلام انهم هياخدوا الهانكوك كمان بس شكل الكلام ده وقف
او التوكيل الاصلى شركة موجوده فى ميدان المساحة
بس هما بيع اطارات وبطاريات واتاكد منه لو هياخد القديمة لان الاطارات كان بيبيع فقط
يا ريت يا أستاذ بكار تسأل علي السي ديلكو في مكان تاني ... و بلاش نسمع لأول واحد يقول لنا علي الحاجه إنها وحشه
ممكن يكون هامش ربحه في النوع المتوافر عنده أكثر من السي ديلكو و بالتالي مبيبعهاش
العربيه عملتها معايا رسمي وحلفت ما تدورش النهارده الصبحح وانا حاليا مش في القاهره وكنت نازل بكره للاسف فكان المتاح قدامي
1- هانكوك كوري
2-ولقيت كمان البطاريه بتاعه بلادها اسمها سوليت بس ما لاقيتش نفس المقاس عندي او نفس اماكن القواطيش وكان المتاح منها 70 امبير وكانت ب 475 جنيه فاستغليتها شويه
3-انواع غريبه تانيه
فتوكلت علي الله واشتريت الهانكوك 55 امبير
هي عمرها الافتراضي قسمه ونصيب
والف شكرا لردودكم وتعبكم معايا..وربنا يديم الخير
`الهانكوك جبتها 55 امبير
خدتها ب 430..متهيألي ممكن تجيبها ارخص من كده...بس انا سيبت نفسي لحد ما اتزنقت