مشكلة طارئة و حل مؤقت للبرسونا

**chahutpartout** · 28-10-2012 05:11 PM

السلام عليكم و رحمة الله و بركاته
يوم الوقفة نزلت الصبح و جاي افتح العربية لقيتها مش بتفتح و المفتاح بيلف ناحية القفل بس و ما بيلفش ناحية الفتح
المهم بعد محاولات فتحت العربية بسلكة من باب السواق و رحت بيها علي محل كوالين و ابواب عربيات
الراجل قعد يفك الكالون و قعد بتاع خمس ساعات و في الاخر قاللي انا عملت كل حاجة بس مش عارف اية المشكلة
اخدت العربية و رحت ركبت ريموت و انذار و بقيت افتح و اقفل بالريموت
طبعا الزرار بتاع السنتر اللي في العربية شغال كويس و مفيش مشكلة و المفتاح كمان بيقفل كويس من غير مشكلة بس مبيلفش عشان يفتح
و طبعا جربت المفتاحين بس طبعا مفيش فايدة
بس هو دة اللي حصل
السؤال بقه حد يعرف مكان اصلح فية الكالون لاني الراجل دة الصراحة المفروض انه شاطر

**ahmad--ezzat** · 28-10-2012 05:12 PM

باشا

هو مش فيه توكيل؟؟؟؟؟؟

ليه تخلي بتاع مفاتيح يفتي

**eng.m7md.ali** · 28-10-2012 05:29 PM

العربية موديل كام ؟
لسة في الضمان ولالا ؟

**chahutpartout** · 28-10-2012 08:16 PM

العربية موديل 2009 بس الضمان خلص خلاص
المشكلة ان الكلام دة حصل في الوقفة و انا كان لازم اتحرك بيها و ماكنتش حاقدر اسيبها لبعد العيد لاني شغال من تالت يوم
فكنت مضطر اني اركب الريموت

**amrelsha3er** · 09-11-2012 03:16 PM

عملت ايه ياباشا فى المشكله دى؟؟

**chahutpartout** · 10-11-2012 06:59 PM

والله لسة معملتش حاجة
انا ماشي بالريموت اللي ركبته
بس ناوي اكلم عصام صفا و اشوف لو عنده حل و لا لأ

**D . a .\ AYMAN** · 10-11-2012 10:30 PM

الموضوع محتاج واحد بتاع مفاتيح كويس يطلع الكالون برة ويبص عليه .. لأن غالبا هايكون فيه حاجة مكسورة من جوة ... وعصام صفا آخره هايقوللك تغير الكوالين بتاعة العربية كلها بطقم جديد من التوكيل .. لإنه ماعندوش فني بيفهم في حاجة زي كدة .. لو كدة كدة رايحله إسأله طبعا لكن ماتروحلوش مخصوص