☆☆ بلد الألف مئذنة۩ ┓┏ ومليوووووون مطب ﹏ ☆☆☆

『』أأاااااااااااااااااااا ه يابلد 『』
☆☆ بلد الألف مئذنة۩ ┓┏ ومليوووووون مطب ﹏ ☆☆☆
اه يابلد محتاجة عربيات فور باي فور ... اااه يابلد
اه يابلد بيعملوا كل مطب ومطب ولا الهرم ... وكل واحد معاه تمن شكارتين اسمنت قلب واعمل مطب ياجدع
في اكتوبر لمن حد بيسئلني عن عنوان بقولوا سيادتك خليك ماشي على طول وعد مطب مطبين تلاته خامس مطب هتلاقي حفرة عدي الحفرة هتلاقي بلاعه. في شارع على شمال البلاعه خوش فيه وامشي على طول هتلاقي مطب صغير سيبك منو كمل على طول هتلاقي بعديها مطب اسمنتي ناشف هيكسرلك العبشة. خش في الشارع الي بعد منو شمال على طول هتلاقي العنوان الي انتا عاوزوا انشاء الله ...

http://www.up.qatarw.com/get-9-2009-0hcaimxe.jpg

http://s.alriyadh.com/2011/11/28/img/060255150182.jpg

الي يجننك حتى في الطرق المهجورة ورى مول العرب عملين يجي ستميت مطبببب
علشان الناس الي بتهرب من ا محور جامعة مصر علشان المطبات. ... الجهاز بيقولوا لا رايح فين يا حلو ... بتهرب من المطبات يا خويا طب وحيات مامتتك لنعملك زيهم واختهم بنفس الارتفاع والموصفات والعدد في الشارع الي بتهرب منوا
وسبحان الله عديت المطبات الي على المحور والمطبات الي في الشارع الي ورى مول العرب ( المهرب ) لقيتهم بسم الله مشاء الله نفس العدد ومتوزعين بالتساوي يعني هتاكول مطبات يعني هتاكول مطبات .... بالهنا والشفى

♡♡♡♡♡♡♡♡

ومن فوائد المطبات انك بتقدر تعرف وتحدد العربية الي من المنطقة من العربية الغريبة
يعني مثلاً تكون واقف وتبص تلاقي عربية هدت قبل المطب يبقى داه من السكان الاصليين ... بس لو واقف ولقيت عربية حييييييءءءء. ودييييييب وعمل شقلباظ في الهوى وطارت العربية في الهوى. يبقى ده لسه مستجد ومش عارف المنطقة

http://www.3orod.com.sa/up//uploads/...5bf8204259.jpg

هم الناس فى بلاد برة العربيات بتاعتهم بيجيلها امراض فى العفشة زينا كده

يعنى انا اسمع ان فى بلاد ممكن عفشة العربيات الى ماشية فيها ميحصلهاش اى حاجة بالسنين عكس هنا انت بترجع من المشوار بتحمد ربنا انك رجعت سليم و ملبستش حاجة و انت ماشى

اقتباس:

---

المشاركة الأصلية كتبت بواسطة Eng.M Mahran

هم الناس فى بلاد برة العربيات بتاعتهم بيجيلها امراض فى العفشة زينا كده

يعنى انا اسمع ان فى بلاد ممكن عفشة العربيات الى ماشية فيها ميحصلهاش اى حاجة بالسنين عكس هنا انت بترجع من المشوار بتحمد ربنا انك رجعت سليم و ملبستش حاجة و انت ماشى

---

اااه واللهي يابش مهندس. وفعلاً العبشة مصممة انها تعيش سنين وسنين. لكن عندنا هما سنتين بالعدد. واقلب وهات غيرهم

الي يجننك ان بكمية الاسفلت الي بيعملوا بيه المطبات .... كانو. خدوه ورقعوا بيه النقر والحفر الي في الطريق ... والي يجننك انك احياناً الحكومة بتخيرك. ازاي يعني ؟؟؟

يعني تلاقي المطب مش مكملينوا لحد الاخر. بس في حفرة بجوار المطب. وانتا اختار ياتركب المطب ياتنزل في الحفرة ههههههههههه شايف الديمقارطية

اخت المطب ده معمول منوا تلاته في مصر واحد عند مخرج المطار بتاع القاهرة بارتفاع متر عن سطح الارض
واتنين منهم عند جامعة ستة. اكتوبر

http://img223.imageshack.us/img223/2...p717474fe0.jpg

بس الافتكاسة المصرية عاملينو مش حديد او بالاسفلت لا عاملينوا بالطوب. بتاع الارصفة علشان يعيش
ويستحمل هههههه

الى بيسوق عربية فى مصر مطلوب انه يركز و يبقى باصص فى الارض على الحفر و المطبات و مطلوب منه انه يركز و يبقى باصص على الناس الى بتعدى باستهبال و فى اى وقت و مطلوب منه برضه انه يركز على العربيات اساسا الى ماشى وسطها و لو اتبقى عنده شوية تركيز يبقى يتابع العربية عنده العدادات و كده و لو فيها اى اصوات

انت المفروض تكون فرحان ان بلدك موفرة مطبات على مستوى الجمهورية
اي نعم في حتت لسه مش دخلها مطبات حتى الان بس الحكومة مش ساكته
واستغل الفرصة ايضا لأشكر مساعدة الاهالي للحكومة في صنع المطبات بمحتلف اشكالها
ولا عزاء لأصحاب السيارات

اقتباس:

---

المشاركة الأصلية كتبت بواسطة semi

انت المفروض تكون فرحان ان بلدك موفرة مطبات على مستوى الجمهورية
اي نعم في حتت لسه مش دخلها مطبات حتى الان بس الحكومة مش ساكته
واستغل الفرصة ايضا لأشكر مساعدة الاهالي للحكومة في صنع المطبات بمحتلف اشكالها
ولا عزاء لأصحاب السيارات

---

ههههههههههههههههههههههههه ههه
حلوووووووووة

موضوع جامد شكرا يا محمد باشا ")

اقتباس:

---

المشاركة الأصلية كتبت بواسطة y a r i s

اااه واللهي يابش مهندس. وفعلاً العبشة مصممة انها تعيش سنين وسنين. لكن عندنا هما سنتين بالعدد. واقلب وهات غيرهم

---

سؤال
ماهي العبشه؟؟؟؟؟؟؟؟؟؟؟؟

بص ياباشا المطبات الي بيعملوها من الطوب
اهو زي دي بس على تلات اضعافها كده انشاء الله هبقى اخود متر واقيسوا
لو العربية خدتوا وضربت فيه. تبقى خبطت في حيطة على طول
http://t2.gstatic.com/images?q=tbn:A...KVDivF-oPPL9BQ

انا الي بيجنني حركات التموية بمعنى ممكن تلاقي يفطة احذر مطبات وتلاقي الاسفلت مدهووون. على اشكال مطبات تيجي تهدي وتبص في المرايا الي في النص وتضرب فرامل تكتشف انها بووومبة ولا في مطبات ولا يحزنوون تيجي تمشي خطوتين تبص تلاقي برضو نفس الحركة. وهدئ السرعه امامك مطبات فانتا تقول لنفسك. على مين لا يلدغ المؤمن من جحر مرتين هما مش هيبطلوا مقالب فانتا تدووس بانزين. وهيله هوووووب تلاقي عربيتك بتطير في السما ههههههههه وتاخود شقلباظ. وغطس في الاسفلت دييييييج

http://t1.gstatic.com/images?q=tbn:A...g5BRha9GnlUMYg

برضو من الحجات الي بتجنني. المطبات الي على الطرق. السريعة
ده حتى طريق مصر اسكندرية الصحراوي .... الصحرااااااااوووووووي بقه عليه مطبات
وشوية غجر رايحين فاتحين محلات واكشاك وكفتريات على الاسفلت والي بيبع بطيخ والي بيبع منجا والي بيبيع طواقي. مع ان الاصلحات خلصت بس الناس دي قاعدين بيحرسوا المطبات

وتلاقيهم حطينلك يجي عشر مطبات من العينه دي. الله مخلاص فهمنا اننا نهدي السرعة ولا ضروري تعملو دستت مطبات لازقين في بعض
http://t3.gstatic.com/images?q=tbn:A...1ugp55HgEO4rEg

احلى ى ى ى ى ى حاجة
اختراع مصري. انو يعملك مطب في شارع فيه شمس وظل ( تمووويه )
تبقى انتا ماشي وشايف الاسفلت مخطط. فانتا تفتكر انو ظل وتكمل وتدوووس بانزين. لحد ما تلاقي عربيتك طاااايرة في الهووووى. ومن كتر مالبيست مطبات فكرت باختراع اركب برشووووت علىىالعربية ينفجر زي الايرباج كده في حالة الطيران هههههههههه. او حتى اركبلها اجنحة بالكهرباااا. تفتح توماتيكي توماتيكي علشان وانا بطير من على المطب اهبط بامان .... لدرجة مرة كنت ماشي وخبط في مطب. بتوع مطبات عليك واحد وكان في شوية شباب صغير واقفين بيشربوا حاجة ساقعه. فشفوني وانا بلبس في المطب لقيتهم كلهم في نفس واحد قاموا قايليييين : هااااااااايه. وقاموا كلهم مسقفين جامد وواحد قالي حلوة قوووي النطة دي. هههههههههه.
ولقيتهم بيسقفوا وبيقولولي تااااااااني. تااااااااني. تااااااااني
هههههههههه شباب ولاد لزينه عوزين الحرق هههههه

http://t3.gstatic.com/images?q=tbn:A...GJc-m0KA4FAziM

اقتباس:

---

المشاركة الأصلية كتبت بواسطة mazher_m

سؤال
ماهي العبشه؟؟؟؟؟؟؟؟؟؟؟؟

---

هههههههههههههههه
العبشة دي لو عرفتوها .... هتبقووو عممممد هههههههههه

@@@@@@@@@@@@

شوفوا الفرعانة بونات اهرام. ٢٠١٢

http://t1.gstatic.com/images?q=tbn:A...ygKrg6qwGkh2fX

http://t1.gstatic.com/images?q=tbn:A...9DinVRC4pkXClQ

@@@@@@@@@@@@@@@@@@@

حقيقي الي بني مصر كان في الاصل فرعوني
هههههههههههههههه
وتحياتي

يجدعان حد شاف مطب في وسط كوبري انا من بنها لوحد عدي علي كوبري قليوب في اتجاه بنها يعرف اللي انا بقوله عربتين لبسوا في بعض لانه مش متخيل ان في مطب او الاسفلت فارق وعامل مطب صناعي في وسط الكوبري الواحد المفروض يرفع قضيه ويطالب بتعويض من هيئه الطرق والكباري علي حياته وانا بتكلم بجد دا لو موجود الاستهتار دا في اي بلد كانوا شاله المسئول وعجبي

بصراحة موضوع جميل ... لكن هناك مواصفات للمطب لاقيتها في مدينة رأس البر فقط وإللي راح هناك هيشوف المطب له طلعة ونازلة وقمة متدرجة ... فعلا بمواصفات هندسية 100% لأن الهدف إن العربية تهدي مش تكسير العفشة!!!

عارف يا ياريس انت فكرتنى بموقف مع اخويا كان راكب معايا واخويا دة عايش من سنين فى انجلترا
وفى مرة كان مستغرب من شكل المطبات هنا ليه كتير اوى كدة ومعلهاش خطوط توضيحية
قولتله احنا لازم نخلى بالنا ونبص كويس علشان مانلبس اى مطب يبوظ العفشة
اقف بقى عند الجملة دى واعمل سلوى موشن
انا / علشان مانلبس اى مطب يبوظ العفشة
اخويا / يعنى ايه عفشة مافيش حاجة اسمها عفشة
انا قلبت سواق تاكس ساعتها هههههه
انا / ايه يا عم العفشة .. اللى شايلة العربية المساعدين والسوست والمقصات الصاصبنشن يا عم
اخويا / oooooh i get it .. i get it
اخويا / بس دى مش بتبوظ
http://im18.gulfup.com/yv8C1.jpg

انا / يا عم انت مش بتبوظ ايه دى اكتر حاجة بتبوظ فى العربية
اخويا / لا دى فعلا مش بتبوظ عندنا وعمرها من عمر العربية لحد ماتتكهن :fdsa:
يا مثبت العقل ياااااااا رب :hitwall3:
...........................
طبعا حاجة تشل يعنى هم عندهم حالة نادرة ان مساعد يضرب زيت وماعندهمش بقى كبر السوست وحوط جلب علشان العربية تعلا
وركب جنط علشان العربية تتحول الى فور باى فور وبعد كل دة العربية تحك بردو :POINTIy2[2]:

اقتباس:

---

المشاركة الأصلية كتبت بواسطة amr.elsayed

عارف يا ياريس انت فكرتنى بموقف مع اخويا كان راكب معايا واخويا دة عايش من سنين فى انجلترا
وفى مرة كان مستغرب من شكل المطبات هنا ليه كتير اوى كدة ومعلهاش خطوط توضيحية
قولتله احنا لازم نخلى بالنا ونبص كويس علشان مانلبس اى مطب يبوظ العفشة
اقف بقى عند الجملة دى واعمل سلوى موشن
انا / علشان مانلبس اى مطب يبوظ العفشة
اخويا / يعنى ايه عفشة مافيش حاجة اسمها عفشة
انا قلبت سواق تاكس ساعتها هههههه
انا / ايه يا عم العفشة .. اللى شايلة العربية المساعدين والسوست والمقصات الصاصبنشن يا عم
اخويا / oooooh i get it .. i get it
اخويا / بس دى مش بتبوظ
http://im18.gulfup.com/yv8C1.jpg

انا / يا عم انت مش بتبوظ ايه دى اكتر حاجة بتبوظ فى العربية
اخويا / لا دى فعلا مش بتبوظ عندنا وعمرها من عمر العربية لحد ماتتكهن :fdsa:
يا مثبت العقل ياااااااا رب :hitwall3:
...........................
طبعا حاجة تشل يعنى هم عندهم حالة نادرة ان مساعد يضرب زيت وماعندهمش بقى كبر السوست وحوط جلب علشان العربية تعلا
وركب جنط علشان العربية تتحول الى فور باى فور وبعد كل دة العربية تحك بردو :POINTIy2[2]:

---

للأسف اصبحنا نضحك من كتر الهم ... يعنى زى ما بيقولوا هم يبكى و هم يضحك ... كلامك صح 100% بس هنعمل ايه فى بلد كلها بايظه

اصبحنا من اسوأ دول العالم فى كل حاجه

ربنا يخرجنا منها على خير :hitwall3::hitwall3::hitwall3:

طيب تصدقوا و تأمنوا بالله
المطبات دى ولا حاجة بالنسبه للمطبات الموجودة فى طريق المندره أبو قير
و الأغرب أن العربيات بتمشى بسرعات عاليه جدا فى المنطقة دى ممكن توصل لـ 100 أو أكتر
و بالأخص المطب إلى موجود عند محطة الإصلاح قبل البنزينه و أنت رايح على المندره
و لو فيه حد من أسكندريه و بيمشى كتير فى المنطقة دى هيأكد كلامى
و فى نفس المنطقة لكن و أنت رايح على المعمورة قبل الشرطة العسكرية و بالتحديد بعد الثورة كان فيه حفرة محطوط عليها خشب فى نص الطريق عاملة زى البلاعة بس على مربع كبير كدة كنت هنزل فيها مليار مرة لكن الحمد لله كنت باخد بالى فى أخر لحظة

الأنيل مش المطبات ولا حاجة
الأنيل فى بعض الأماكن و بالتحديد الأماكن الشعبيه إلى مفيهاش أسفلت
بتسمع صوت الطوب بيعمل طاااااك و أنت ماشى فوقة و طبعا بتحس أنك بتتسحل بجسمك مش بالعربيه

ايوة يا مانولة وفى حتة عند طوسون كدة قبل ابو قير مطبات كتير وتريلات الاتنين مع بعض بيعملوا دويتوا
وشعور بان دة اخر يوم الواحد حيعيشه ههههه و ربنا يحفظنا كلنا

الطريق الى عند الكلية الجوية و شركة بتروجيت و ابو قير للاسمدة

كمية مطبات رهيبة و عالية جدا و الطريق بيعدى عربيتين بالعافية

اه واللهي يا منولا يا اختي
بجد جيتي على الجرح .... دي مصر كلها كوووم واسكندرية دي كوم تاني .... انا كل ما اروح اسكندرية بضرب كف على كف واقول هو ايه الحكايه الكورنيش كلو مفرووش عيون القطة

في العادة. بتبقى مطبات عيون القطة كده
http://t0.gstatic.com/images?q=tbn:A...MSzbMhcQuxbAKg

لكن في اسكندرية بسم الله مشاء الله فلوس المحافظة كتيرررر
بيفرشو عيون القطة كددده

http://www.arartoday.org/contents/my...7a8c314b4a.jpg

http://www.arartoday.org/contents/my...7a8cdd40ec.JPG

لا وايه ده مرات تلاقي الي مركبها مزاجوا عالي قوي قوي قوي .... وتلاقيه واكل فريسكا ومتسلطن. عالصبح يقوم يعملك اشكال ورسومات على الارض بعيون القطة دي. تقلش بيفرقوها عندكم ببلاش ولا تقلش تيرمس وبيرميه على الارض

ببقى ماشي والاقي مرة وحده العربية كلها قلبت فايبريشن .... واسمع ديررددد ديررردد ديرررردد .... وعبشت العربية كلها تتفكك حتت حتت كده .... والغريب العجيب ان عيون القطط الي على الكورنيش دي كلها تكافي طريق مصر اسكندرية الصحراوي. رايح جي مرتين بدل مالواحد بيبقى سايق ومش شايف حاجة كده على الطريق .... ااااه مفيش واد اسكندراني كده على حق يعرف يخلعهم كده ونرجع نزرعهم على الطريق الصحراوي .... بصراحة الله يكون في عونكم وعون عبشت
عرابيتكم الي بتتفكك دي من المشي على عيون القطة الي في الطريق
@@@@@@@@@
وتحياتي

هههههههههههه
والله يا ياريس باشا انا مش عاوز اقولك قصتي مع المطبات
بس اخر حاجة حصلت كان معايا صديق ليا مغربي وراكب ورا
وماشي بسرعة وفجأة مطب طبعا بقيت طاير فالهواء وقمت نازل
والراجل اتخبط فالسقف وحسيت باحراج فظيع
اني جبته مصر علشان يطير فالهواء بالعربيات مش يمشي بيها علي الارض ..

ههههههههههههه يا بوحميد على سيرة الاجانب

http://t3.gstatic.com/images?q=tbn:A...9AJluqgtYap04w

شفت المطب الي اول ما تطلع من بوابة المطار القديم ( المطب العملاق ) ابو ارتفاع متر ونص ده
كام معايا واد سعودي. اول ماشاف المطب. اتخض لمن لاقى العربية طلعت فوقوا وقالي
( بللل. كل هذا مطب ... ياخوي هذا مو مطب هذا جبل )
ههههههههههه

المهم واحنا مروحين. فبيسئلني فاضل كتير على البيت .... قلتلوا لا مفيش كلها خمس طاشر مطب ونوصل على البيت إنشاء الله ههههههههههههههههه

http://t3.gstatic.com/images?q=tbn:A...CUZmlK1vIgeX-Q

ههههههههههههه
اه عارفهم شوفتهم وانا بوصله
بس فعلا هناك معقول لسبب واحد شباب مصر لو مفيش مطبات هناك
والطريق جميل ومغري هتشوف هناك احلي لعب
والاجانب هيفتكروا انهم مش خارجين من مطار
هيفتكروا انهم فحلبة سباق ههههههههههه ..

انتا هتقولي على الشباب الجميل بتعنا. .... دول مش عتقين حتى قدام مدارس الاطفال يقعدوا يخمسوا ويامركوا
ولو عاوز تشوف المطبات على حق روح عند مودرن اكادمي الي في المعادي

http://xa.yimg.com/kq/groups/1244644...ge.jpg?type=sn

هتلاقي بين المطب. والمطب مطب ههههههههه. .... من عمايل شباب مودرن. يعني السكان ياعني مش مكفيهم الدوشة الي حوليهم ولا الشباب الي بيطلعو من المحضرات. يقعودوا على عربيتهم لا ويجيلك وحد كمان يقوم شادد الهند ودايس بانزين ويلف العربية. يدمر عربيات الناس ياعيني الي واقفه

@@@@@@@@@

في جامعة سته اكتوبر بقه
http://t3.gstatic.com/images?q=tbn:A...zNq4aWFbmPS2Dw

كنت واقف بشتري سندويتشات فول وطعمية من عند جاد الي هناك

http://t0.gstatic.com/images?q=tbn:A...XJuskx9UTLVNBQ

المهم ويادوبك جي اخود طلبي وماشي ابص الاقيلك واد جي فاتح في الشارع البطيء وقام بكل حومرية راح داخل في اخر عربية في صف العربيات ههههههه اقولك ايه. عارف الدومنة. لمن الدومناية تخبط في التانية تخبط في التالته ههههههه. العربيات ياعني الي رااكنين كلهم اتعجنو حتى موتسيكلات مؤمن ياعني الفيزب كانوا مرصوصين جمب بعض. وابص الاقيلك كلهم ديرررررد زي الدومنة كده اتعجنوا .... الي يدحك في الموضع العيال الي مع الواد ده خدوا بعضهم وجريوا السواق قام نزل من العربية شاف الناس بتجري عليه علشان تضربوا راح اترمى على الارض ومثل دور الي مغمى عليه بدل مايغمى عليه من الضرررب هههههه

اول مرة زمان انزل أكتوبر كنت زى ما قلت غريب وكلت مطبات وخلصت قزازة مياه كل ما اكل مطب وأطير اشرب المياه واقول بالشفا واللى عنده استجماتيزم زى ما عندى مش بيشوف المطبات ليل ونهار

موضوع جميل ياباشا
مطبات مصر طلعت رحمة بقى !!!
شوفوا الفيديو ده

http://www.nilemotors.net/Nile/24861...post3874600603

اقتباس:

---

المشاركة الأصلية كتبت بواسطة amr.elsayed

عارف يا ياريس انت فكرتنى بموقف مع اخويا كان راكب معايا واخويا دة عايش من سنين فى انجلترا
وفى مرة كان مستغرب من شكل المطبات هنا ليه كتير اوى كدة ومعلهاش خطوط توضيحية
قولتله احنا لازم نخلى بالنا ونبص كويس علشان مانلبس اى مطب يبوظ العفشة
اقف بقى عند الجملة دى واعمل سلوى موشن
انا / علشان مانلبس اى مطب يبوظ العفشة
اخويا / يعنى ايه عفشة مافيش حاجة اسمها عفشة
انا قلبت سواق تاكس ساعتها هههههه
انا / ايه يا عم العفشة .. اللى شايلة العربية المساعدين والسوست والمقصات الصاصبنشن يا عم
اخويا / oooooh i get it .. I get it
اخويا / بس دى مش بتبوظ
http://im18.gulfup.com/yv8c1.jpg

انا / يا عم انت مش بتبوظ ايه دى اكتر حاجة بتبوظ فى العربية
اخويا / لا دى فعلا مش بتبوظ عندنا وعمرها من عمر العربية لحد ماتتكهن :fdsa:
يا مثبت العقل ياااااااا رب :hitwall3:
...........................
طبعا حاجة تشل يعنى هم عندهم حالة نادرة ان مساعد يضرب زيت وماعندهمش بقى كبر السوست وحوط جلب علشان العربية تعلا
وركب جنط علشان العربية تتحول الى فور باى فور وبعد كل دة العربية تحك بردو :pointiy2[2]:

---

فعلا ديه حقيقة فى معظم دول العالم
فى السعودية عمرنا ما غيرنا سوسته او مساعد
أول ماشاتريت العربية الياى اتكسر بقيت بضرب كف على كف ومستغرب جدا
وروحت لبتاع العفشه غيرت عفشة كاملة
2 ياي وو 2 مساعدين واسكاتره ومقصات علشان اريح دماغى
فى الخليج مفيش حاجه اسمها تربيط عفشة
ومعتقدش ان فيه حد اسمه عفشجى اصلا
هوه الميكانيكى بس اللى كنا بنحتاجه لو عربية موديل قديم فقط