ازاى تتعامل مع عربيتك

**elmo7amed** · 29-10-2012 12:54 AM

الموضوع دا يا جماعه انا بجد وكل الاعضاء الجدد او بمعنى اصح مالكى السيارات الجدد محتاجينه قووى ومن خلاله ححدد بعض النقط اللى حنتعرف عليها طبعا من ذوى الخبره اللى حيردو علينا ومش حيبخلو علينا بعلمهم ومش عيب اننا نتعلم ازاى نتعامل مع العربيه

طبعا احنا محتاجين نعرف النقط دى
1- مده تسخين السياره
2-لما اكون جاى من مشوار بعيد ابطل العربيه علطول
3-قياس الزيت
4-ما هو اول شئ لابد من النظر فيه قبل تشغيل السياره
5-افضل انواع الزيوت المستخدمه وهل الافضل وضع زيت ذو مسافات كبيره مثل ال 10000 كم او 5000 كم او 3000 كم ايهم افضل
6-هل صيانه السياره الدوريه مهمه اى كل 5000 كم مثلا

___________
شكرا لتعاونكم...

**Ashraf_Ibrahim** · 29-10-2012 01:22 AM

أحب أشكرك جدا على الموضوع دا والفكرة دي
دي فعلا فكرة رائعة

المشاركة الأصلية كتبت بواسطة elmo7amed

1- مده تسخين السياره

الصانع الكوري هيونداي بيقول ان سيارات هيونداي لا تحتاج لتسخين
ولكن بمجرد تشغيل السيارة وانتظار 30 ثانية -مقدار ما تضبط مراياتك وتربط حزامك وتشغل الكاسيت وتتأكد من ان لمبات التشيك خلاص طفت وتبدأ تتحرك بالعربية على الاولاني لحد ما تخرج من جراجك وبعدين تبدأ عمل تحمية سريعة للسيارة بغيارات سلسة وبدون حرق
حضرتك ممكن تتأكد جرب تسخن العربية لحد ما مؤشر الحرارة يوصل للوضع الطبيعي بتاعه بدون ما تتحرك وشوف هتاخد وقت قد ايه
وشوف هتسخن في وقت قد ايه لو شغلتها واتحركت بيها مباشرة ؟!

2-لما اكون جاى من مشوار بعيد ابطل العربيه علطول

مجرد ما تقف بالعربية وتكون عادل الدروكسيون بتاعك ورافع فرامل اليد مفيش اي ضرر مطلقا من اطفاء السيارة

3-قياس الزيت

من الاخطاء الشائعة ان قياس الزيت بيكون والعربية باردة تماما
لكن الصانع الكوري وجميع شركات الزيوت العالمية تنصح بقياس الزيت والسيارة ساخنة
يعني العربية تكون سخنة وتطفيها وتنتظر بضع دقائق -5 دقائق - ومن ثم تقوم بقياس الزيت
ينصح بقياس الزيت كل 1000 كم والتأكد من مستواه ومقارنة لزوجته بالزيت المتبقي معك في عبوة الزيت

4-ما هو اول شئ لابد من النظر فيه قبل تشغيل السياره

كل 1000 كم
راجع مستويات الزيوت ومياه التبريد
كل شهر -لمن يستخدم النيتروجين- راجع ضغط الاطارات
كل اسبوع لمن يستعمل الهواء العادي راجع ضغط الاطارات
كل يوم وقبل ركوب السيارة راجع ضغط الاطارات بالنظر وقم بالنظر تحت السيارة للتأكد من عدم وجود اي تسريبات

5-افضل انواع الزيوت المستخدمه وهل الافضل وضع زيت ذو مسافات كبيره مثل ال 10000 كم او 5000 كم او 3000 كم ايهم افضل

الزيوت التخليقية زيوت ال 10000 كم مفضلة للسيارات حديثة العمر التي لم تتجاوز محركاتها ال 100000 كم كما انها مستمرة للمحركات المضبوطة التي لا تحرق الزيت كثيرا ولا تنقصه وهي الأفضل طبعا
الزيوت المعدنية مفضلة للمحركات القديمة نسبيا والتي تجاوزت ال 100000 كم
*لعبة ان الزيت يتغير كل 5000 كم او كل 3000 كم او ما شابه دي لعبة قذرة من توكيلات السيارات
تنصح شركات الزيوت العالمية مثل شيل وكاسترول وغيرهم بفحص الزيت بعد 10000 كم ومن ثم التفكير في هل يتم تغييره ام لا بغض النظر عن نوع الزيت !
ما دام الزيت مش بينقص وما دام محتفض بلزوجته يبقا لا داعي لتغييره !
لكن بنقول عشان الجو بتاعنا تراب وبنمشي في زحمة كتير وكدة يبقا 10000 او 15000 كم على زيت تخليقي كويس جدا

6-هل صيانه السياره الدوريه مهمه اى كل 5000 كم مثلا

صيانة ال 5000 كم هي بدعة ابتدعتها التوكيلات المصرية ليس الا
الصيانة الدورية تكون كل 10000 كم

**dede_dodo88** · 29-10-2012 01:49 AM

المشاركة الأصلية كتبت بواسطة elmo7amed

1- مده تسخين السياره
يقال أنك في العربيات الجديدة مش محتاج تسخن بس أنا بسيبها دقيقتين تلاتة كده بعد كده أمشي بالراحة مبزودش على طول غير لما أمشي شوية هادي..
2-لما اكون جاى من مشوار بعيد ابطل العربيه علطول
أه عادي مفيهاش مشكلة
3-قياس الزيت
أنا الصراحة عمري ما قيست الزيت physically بنفسي بس ببص على مقياس الزيت على كمبيوتر العربية و لو لاقيته نقص و صوت الموتور أبتدى يعلى بروح أغيره على طول..
4-ما هو اول شئ لابد من النظر فيه قبل تشغيل السياره
أشوف العربية نظيفة الأول و للا لأ :).. و أبص على الكاوتش لو محتاج يتزود..
5-افضل انواع الزيوت المستخدمه وهل الافضل وضع زيت ذو مسافات كبيره مثل ال 10000 كم او 5000 كم او 3000 كم ايهم افضل
أنا بفضل الـ 10000 و بستخدم النوع اللي يقوللي عليه الوكيل اللي هو موبيل1..
6-هل صيانه السياره الدوريه مهمه اى كل 5000 كم مثلا
أنا بفضل أمشي حسب جدول الصيانة بتاع التوكيل يعني كل صيانة في معادها بالظبط.. من ناحية كحفاظ على العربية و من ناحية تانية وقت ما تبيع العربية يبقى اللي بيشتري شايفك عامل صياناتك كلها صح مع الوكيل و العربية في السليم..

___________
شكرا لتعاونكم...

**elmo7amed** · 29-10-2012 01:52 AM

حبيبى شكرا لحضرتك بس ازاى بتشوف قياس الزيت فى كمبيوتر العربيه ممكن توضيح

**dede_dodo88** · 29-10-2012 01:59 AM

المشاركة الأصلية كتبت بواسطة elmo7amed

حبيبى شكرا لحضرتك بس ازاى بتشوف قياس الزيت فى كمبيوتر العربيه ممكن توضيح

في عربيات كمبيوترها بيبقى فيه أوبشنز زي قياس لزوجة الزيت أو ضغط الأطارات,,إلخ..

**Samir Elshahawy** · 29-10-2012 07:19 PM

أنا طبعا بأشكر أخي أشرف أبراهيم علي رده الوافي الشافي لكن انا سأعلق علي بعض النقاط لمزيد من التوضيح فقط

المشاركة الأصلية كتبت بواسطة elmo7amed

1- مده تسخين السياره
في اي سيارة جديدة أو ذات موديل حديث غير مطلوب علي الاطلاق تسخين السيارة يادوب هما 30 ثانية و تبدأ الحركة علي السلانسيه دون حرق و يفضل عدم تشغيل التكييف خلال فترة التسخين تلك و التي تنتهي بمجرد أرتفاع مؤشر الحرارة أو أنطفاء لمبة الحرارة الزرقاء اللون

2-لما اكون جاى من مشوار بعيد ابطل العربيه علطول
لو جاي من مشوار عادي داخل المدينة مافيش مشكلة أنك تبطل العربية علي طول لكن ...
لو جاي من مشوار بعيد سفر يعني و كنت بتجري جامد طوال الطريق و داخل علي مكان هاتتوقف فيه مباشرة دون المرور علي منطقة ذات كثافة مرورية تستدعي الابطاء و تهدئة السرعة يجب أن تتوقف لقترة و الموتور داير لمدة لاتقل عن 5 دقائق كي تتيح الفرصة لحرارة المياه و الزيت أن تهدأ قليلا

3-قياس الزيت
يجب قياس الزيت كل 1000 كم و التأكد من مستواه و درجة لزوجته و لونه أو أذا كنت مسافر في مشوار طويل يجب ايضا التأكد من حالة الزيت
أما بالنسبة لقياس الزيت و العربية باردة أو ساخنة فذلك حسب تعليمات الصانع و بالنسبة لسيارات هيونداي يجب قياس الزيت و هو غير بارد (أي دافئ) و في بعض الموديلات يوجد قياسين للزيت علي عصا القياس احدهما في الوضع البارد و الاخر في الوضع الساخن و هذا ستجده بالتحديد في مقياس زيت الاوتوماتيك

4-ما هو اول شئ لابد من النظر فيه قبل تشغيل السياره
في الصباح و قبل أن تركب السيارة قم بجولة تفقدية حولها أفحص خلالها بالنظر الاتي :
1- حالة الاطارات
2- جسم العربية و الزجاج
3- حالة الانوار الامامية و الخلفية و سلامتها من الخدوش و الكسور
4- التأكد من عدم تسرب أي سوائل أسفل السيارة و عدم وجود أثار لهذا التسرب

و عند دخول السيارة تأكد من التالي :
1- ظبط وضع المرايات الجانبية و الوسطي
2- حالة الرؤية من خلال الزجاج الامامي و الخلفي
3- تشغيل المساحات و التأكد من وجود مياه غسيل الزجاج و ذلك بعمل غسلة للزجاج الامامي و الخلفي في بعض السيارات
4- التأكد من فك تعشيق فرامل اليد و التأكد من ان الموتور في وضع عدم تعشيق في المانيوال أو علي الوضع p في السيارات الاوتوماتيك

عند تشغيل المحرك ..
1- تأكد من ان كل لمبات الانذار و علامات التحذير تومض بالتابلوه لحظة التشغيل
2- تأكد ان صوت المحرك طبيعي و عدد لفاته كالمعتاد
3- تأكد من مستوي تانك البنزين من خلال المؤشر و ان كمية البنزين تكفي للقيام بالرحلة

دلوفتي تقدر تتحرك بعربيتك بهدوء و في امان

5-افضل انواع الزيوت المستخدمه وهل الافضل وضع زيت ذو مسافات كبيره مثل ال 10000 كم او 5000 كم او 3000 كم ايهم افضل
أهم حاجة في الزيت أن يكون مطابق لمواصفات الزيت الموصي به في الكتالوج الخاص بالسيارة بغض النظر عن الماركة او النوع أو العلامة التجارية و أن تكون مدة تشغيله طبقا لتعليمات الشركة الصانعة للزيت نفسه

6-هل صيانه السياره الدوريه مهمه اى كل 5000 كم مثلا
لأ
فالصيانات الموجودة بالكتالوج هي الاساس و هي كل 10000 كم أو 15000 كم أو 3 شهور أو 6 شهور حسب طبيعة أستخدام السيارة و الظروف البيئية المحيطة بها , لكن صيانة ال 5000 كم في أعتقادي هي مصاريف زائدة لاداعي لها لأن كل شركات السيارات و في مقدمتها هيونداي تسعي لتخفيض نفقات تشغيل السيارات بدءا من أستهلاك البنزين و أنتهاء بالصيانة و أستهلاك قطع الغيار
___________
شكرا لتعاونكم...

**Samir Elshahawy** · 29-10-2012 07:21 PM

تم تثبيت الموضوع لأهميته

**elmo7amed** · 29-10-2012 07:51 PM

اشكرك جدا يا باش مهندس واى خدمه شوف بقه اخوك الصغير بيعمل ايه وشكرا لتثبيت الموضوع :))

انا مش عارف اشكر المنتدى الجميل دا ازاى على المعلومات الجميله دى والمفيده جدا

**dr-capoo** · 05-11-2012 03:08 AM

شكرا على الموضوع
بجد موضوع مفيد جدا

الموضوع: ازاى تتعامل مع عربيتك

LinkBack

أدوات الموضوع

عرض

-

-

-

-

-

المواضيع المتشابهه

بتحضر عربيتك ازاى ؟؟

بتستخدم عربيتك ازاى؟؟؟؟؟؟؟؟؟؟؟؟؟؟؟؟؟؟؟؟؟؟

بتحافظ على عربيتك ازاى وهى راكنة؟

اتعلم ازاى تغسل عربيتك

الكلمات الدلالية لهذا الموضوع

المفضلات

المفضلات

ضوابط المشاركة