الموضوع: عربيات موديلات قديمة لكن شكلها جديد !! أختراعات مصريه

المشاركة الأصلية كتبت بواسطة y a r i s

انا فكرت في الموضوع ده بس كمشروع لمدينة الانتاج الاعلامي كان اغلب العربيات في افلام الاكشن مبتدمرش. وكلو بيبقى افتر افيكت ففكرت انو. نجيب عربيات من بره رخيصة بس في مصر غالية ونقطعها نصين تيجي مصر هنا و نلحمها ومتخرجش بره مدينة الانتاج الاعلامي وتدمر عادي .... بس بعدين لقيتهم بقو يجيبوا عربيات جمرك من السعودية تريبتك. بتتباع هناك بملاليم ... يدمروها براحتهم ويرجعوها على ونش او يصوروا بيها وبعدين يرجعوها تاني

ًوعامةً فكرتك جميلة بس المشكلة ان مفيش حد هيعرف يقفلك البدي على الشاسية عشرة على عشرة ومع المشي ومع الوقت هتبان فيها العيوب

كان زمان بيدخلوا الاند كروزر مصر ويجمركوه على اساس انوا اتوبيس رحلات ههههههه بيوقف جمركها ارخص بس الحكومة طلعت ناصحة ولاغت الحكاية دي

فكرتك جميلة والله لأن كدة كدة أستخدامها هيكون فى التدمير و مصيرها معروف لكن إلى ماشى فى طريق عام دة ممكن يموت نفسه و يموت شارع كامل حواليه , ويتهئ لى لحد دلوقتى فكرة أتوبيس الرحلات دى موجودة بس فى أنواع تانيه صح ولا أية ؟

المشاركة الأصلية كتبت بواسطة s o p h o s

ههههههههه
اتوبيس رحلات

أة والله مش بيهزر دا بيتكلم بجد , القانون فى مصر معمول بالمقاس لناس معينه

المشاركة الأصلية كتبت بواسطة shnory

موضوع الاتوبيس الخاص ده
ان العربيه اللي فيها 4 صفوف مقاعد
وموتورها اكتر من 2500 سي سي
ولازم تكون ديزل
ممكن تترخص اتوبيس خاص
والجمارك بتكون اقل بكتير من انها تترخص ملاكي
واظن ان فرق البرادو اتوبيس خاص من ملاكي حوالي 150 او 200 الف جنيه
بس علشان حد يرخص عربيه اتوبيس خاص لازم يكون عنده شركه وعدد عماله معين وشويه حاجات تانيه كده
علشان يقدر يجيب اتوبيس

أولا كل سنه و أنت طيب
ثانيا أنت مجيبتش أتوبيس ليه يا شنورى لحد دلوقتى ولا مكتفى بالطيارة الحربيه المركونه فوق السطح ؟

أيوة يا فندم الموضوع ده عملته من 3 سنين وزي الفل
إيه المشكلة؟؟؟
القصة دي مفيش منها أي مشكلة طالما بتتعمل صح، وفعلا معايا تويوتا سوبر سيرف (4Runner) دفع رباعي موديل 1997 وعلى شاسيه 1988 الشاسيه هنا في مصر والعربية كلها جاية من اليابان super surf موتور 3000 تربو أوتو+ غرز وعفشة old man emu وكافة التجهيزات. واتعملت صح بفضل الله وتم الترخيص والتجديد والموديل المثبت 1988 دون ادنى مشكلة وبأوراق سليمة ومن غير شاي ولا نعناع، والشاسيه سليم تماما. وأنصح الغاوي إنه يخطو الخطوات دي وطالما سليم مفيش مشاكل مع المرور غير الغلاسة والرخامة العادية اللي بتحصلك وانت بترخص عربيتك العادية وبس

المشاركة الأصلية كتبت بواسطة ahmed_dinamo

اعرف واحد قاريبى شغااااال فى العربيات وكده
جاب جيب شيروكى موديل تسعينات وركب عليها كروسليه 2008 على ما أظن
بس تقفيلها كان 95% يعنى لو حد بيدقق اوى يلاحظ ان فى فرق بس الصراحه كانت فكره تحفه العربيه ال ب 200 الف هو كله على بعض مكملش 100 الف

كلام سليم اوي وفعلا فارق في التكاليف بس برضه مجهود ومحتاج خبرة ومهارة