عرض للطباعة
السلام عليكم
كنت عاوز اعرف فلتر بنزين اليارس مكون من ايه .... وهل ياترى بييجى معاه الفلتر الصغير اللى بيكون موجود على طرمبه البنزين ؟
دى صورته
Google Image Result for http://i00.i.aliimg.com/wsphoto/v0/665511930/-font-b-TOYOTA-b-font-CAMRY-YARIS-font-b-FUEL-b-font-PUMP-font-b.jpg
هو في تالت مواضيع. هنا في قسم تويوتا عن تغير فلتر اليارس
واحد لباشمهندس عاصم. ASmax1وواحد ل Ahmad وبالصور
ايه انتا بتفكر تغيروا ولا ايه .... واللهِ انا كمان بفكر اغيروا بس المشكلة. كل ما اغير حاجة اندم وقوول ليه لزمتها ايه المصاريف مكانت كويسة وبالذات لو الصنايعي حتى الي في التوكيل معندهوش. زمة ولا ضمير
والي يشلك بقه اكتر ان بعد كل المصاريف دي. لو متيحسش بفرق يذكر. والي يشل اكترررر ان بعد ده كلو يطلع الفلتر القديم نضيييف ههههه
ده شكل فلتر البنزين في الياريس
http://img405.imageshack.us/img405/7066/04042012610.jpg
سعره : 450 جنيه
بيتغير كل 80 الاف كم
انا اكيد مش هغيره علشان مطلوب فى الصيانه ... بس اللى حصل انى كنت بحس برجه فى العربيه على السرعه الاولى ... كانت رجه بايخه ... رحت لمركز صيانه دخلنى فى قصه فتيس وحوار ودفعت حوالى 3500 جنيه والمشكله فضلت زى ماهى
المهم حللت الموضوع ومخمخت على رواقه لقيت ليه علاقه بدوره البنزين .... قمت حليت الفلتر مع واحد صاحبى ونضفته طلع فيه بلالالالالاوى تقريبا احنا بنموت تراب مش بنزين
بعد التنضيف العربيه بقت زى الحلاوه ... بس تقريبا رجع اتسد تانى ... فا انا هغيره واريح دماغى .... وممكن انضف التانك كمان علشان ممكن يكون فى رواسب كتير
اقتباس:
المشاركة الأصلية كتبت بواسطة y a r i s
مممم فعلا انا لما فكيت لقيت ده شكل الفلتر .... بس انا كنت عاوز اعرف هل الجزء لللى بيركب على طرمبه البنزين بيتباع لوحده ولا لازم اشترى طرمبه بنزين كمان ؟ علشان ده ملين هباب عندى
ثم السعر ده فين ... انا بسمع اسعار هبل كله ماسك فى ال 550 و ال 600
اقتباس:
المشاركة الأصلية كتبت بواسطة ahmod
انتا بتتكلم بجد حليت فلتر البانزين بنفسك يا فيدوو
طيب يا اخي يا اخي مش كنت صورتلنا طريقة حل الفلتر علشان نستفيد معاك .... واللهي ثم واللهي لو نزلت موضوع عن حل فلتر البانزين وتركيب غيروا بالصور. وبهداوة كده ووحده وحده لخليهم يثبتولك الموضوع بتاعك فوق ونديلوا تقيم فايف استار
@@@@@@@@@@@@
وعلى فكرة الرجة دي بقة طبيعية في اليارس .... حتى انا عندي بترجرج برضوا
الا صحيح. يا دكتور احمد ممكن عنوان او رقم تيلفون الي ركبت عندوا فيلتؤ بانزين. .... وهل لازم نغير الطرمبة مع الفلتر ولا بس الفلتر ؟!!
كنت فى زياره للامارات وقلت اجيب الفلتر من هناك
سعر الفلتر فى مصر ٦٠٠ جنيه ... فى الامارات ٣٥٠ جنيه
سعر طرمبه البنزين مصر ٢٧٠٠ جنيه .... فى الامارات ٩٥٠ جنيه
ان شاء الله افتكر اصور خطوات التغيير .... بس الاقي شويه وقت اعمل الموضوع ده
طيب انا عندى رجرجه ورعشه كده وانا على الاول بس هى دى اللى حضرتك بتقول عليها ولا تقصد حاجه تانيه
علشان انا كل اللى شاف الحركه دى قالى دى ديسك واسطاونه الدبرياج مع العلم ان الدبرياج عندى تقيل شويه .. وحركه الرعشه دى تكاد تكون معدومه لما العربيه تبقى بارده بس بتظهر جدا فى الاوقات العاديه
فهل المشكله اللى عندى ديسك واسطوانه ولا فلتر بنزين ؟؟؟؟؟؟؟
أنا سألت علي الفلتر لوحده في الإمارات مش موجود (الأصلي)...إما تغير الطلمبة كاملة بالفلتر أو لااقتباس:
المشاركة الأصلية كتبت بواسطة fidomido
ايوه الرجهةعلى السرعه الاولى بس .... وكمان تحس العربيه مكتومه ومش مستريحه فى المشىاقتباس:
المشاركة الأصلية كتبت بواسطة satan_satan
بالظبط ... لازم تشترى الطرمبه بالفلتر .... قمه الغباء بصراحه .... انا شوفت الفلتر بيتباع على موقع على باب ١٠٠ قطعه بحوالى ٦٠ دولار بس مش الاصلىاقتباس:
المشاركة الأصلية كتبت بواسطة swimmer25
الياريس الدبرياج فيها تقيل حبتين و بيعمل رجرجة عالاول ده للاسف حاجة في التصميم و ملهاش حل غير لو اتعودت على العربية اوي بتعرف تطلعها من غير الرجرجة دي ..
اما موضوع الرعشة على السلانسيه ممكن يكون بسبب ان في حمل على المكنة زي التكييف
او ان البوابة عايزة تتنضف .. و ده اللي حصل معايا .. بقيت كل 5000 كم انضف بوابة و فلتر ..