السلام عليكم

لو سمحتم كنت عايز اعرف مين عقشجي كويس بيشتغل ف تويوتا الشكل الجديد خليجي 2010 ( مكانة و رقم تليفونة ), انا سمعت عن واحد ف صقر قريش بس معرفش ايه نظامة


الموضوع بإختصار:

راجع على الزراعي يوم الوقفه قدامي مقطوره محمله حجر ابيض .. السواق بقي الله يسامحه " يحرقه " كان مش مغطي الحمولة كالعادة ياعني .. اخد مطب هوا و هو بيجري فنط كام حجر قدامي حاولت افادي على قد م اقدر ...

للاسف جت واحدة كبيرة تحت الفردة الشمال فطبعا الجنط اتكسر وقتي و الكاوتش فرقع... بس الحمد الله جت على قد كده..

الخسائر :
1- جنط و كاوتش ( الحمد الله اتصرفت فيهم )
2- العفشة : التيش اتعوج و المساعد اتلوح و اكيد الشمعدان حصلة حاجة ... دة الي قدرت اوصله لحد دلوقتي

ياريت يا جماعة لو حد يعرف عفشجي كويس و يكون قريب منه حد بتاع ظبط زوايا يبقي كتر خيركم

كان في زميل لينا هنا شكر في واحد اسمة احمد قريب من غمره وحد تاني قال في حد في المنيل ... يايريت تفاصيل اكتر .

ياريت نعمل موضوع متخصص للتويوتا يكون فيه ( مراكز صيانة متجربة - ميكانيكي - كهربائي - عفشجي - سروجي - سمكري - بوهيجي )