عايز اخد كورس Project managment

**SeiffoZ** · 30-10-2012 11:39 PM

المشاركة الأصلية كتبت بواسطة mtak

سيف باشا

سواء كانت الجامعه الامريكيه او ريتى او الاكادميه

كلها كورسات مؤهله للأمتحان

بمعنى انى لم اجد كورس مهندسين مدنى و اخر لمهندسين كهرباء

ادارة المشاريع ده مفهوم واسع لأى مشروع

يعنى ممكن تلاقى معاك ناس اذاب و تجارة و هندسه و انا اهو كيميائى

الفكرة ان الكورس بيشرح الخطوط العريضه و انت بتظبطها على مقاس شغلك

اللينك اللى فوق مش سليم بخصوص الجامعه الامريكيه

و زى ما قولت لك اللى هايفرق هو مدة التدريس و التدريب الداخلى داخل الكورس

انما الخطوط العريضه واحده
و الباقى عليك فى المذاكره

شكرا جزيلا يا فندم ...

**MTAK** · 31-10-2012 09:04 AM

العفو يا باشا

و انا تحت امرك فى اى شئ بخصوص هذا الموضوع

و لو عاوز تقرأ فى هذا الموضوع قبل الدخول فيه
اتفضل يا باشا

Project Management

ده كتاب مجانى و مختصر بعض الشئ

**Nistelrooy** · 31-10-2012 12:41 PM

فية برضوا شهادة اصغر منها علطول ودي مش محتاجة خبرة

اسمها CAPM وانا كنت مسجل فيها في American chamber بس مضطر اعمل refund لظروف كدا

هي للطلبة والخريجيين الجدد بـ 2900 غير كدا غالبا 4500

PMI CAPM Certification | Project Management Institute

شوف هنا

**hobiko** · 31-10-2012 01:36 PM

طبعا الشباب هنا قالوا كل حاجة

بس انا عايز أصلح مفهوم معين

pmi مش بيشترط انك تكون اشتغلت مدير مشروع لمدة 3 سنين مثلا عشان تقدر تقدم للأمتحان pmp

هو بيشترط خبرة 3 سنين فى الأدارة بصفة عامة

مثلا ..... انت مهندس موقع يبقى اكيد عندك خبرة فى ادارة شغلك و ادارة العمال اللى تحت ايديك

مثلا ..... انت مهندس تصميم فى مكتب يبقى اكيد عندك خبرة فى ادارة متطلبات شغلك و توافقها مع احتياجات المشروع او الشركة اللى انت شغال فيها

الناس دي مش بتفكر زينا ...... لدرجة ان مرة واحد بس بره مصر قدم خبرته عشان يدخل الأمتحان ...... ازاى هو ادار يوم فرحه و ازاى خططله !!!

خد الكورس الأول و بعد كده ربنا يسهل ....... الكورس مفيد و حيرتب دماغك حلو اوى