زى ما انتم عارفين انا مهندس معمارى .. و عايز اخد كورس Project managment ...
عابيز اعرف ايه افضل الاماكن و شهادتها نضيفة ... و الاسعار بردوا ...
انا عرفت اسعار الجامعة الامريكية و طلعت غالية حبتين
عرض للطباعة
زى ما انتم عارفين انا مهندس معمارى .. و عايز اخد كورس Project managment ...
عابيز اعرف ايه افضل الاماكن و شهادتها نضيفة ... و الاسعار بردوا ...
انا عرفت اسعار الجامعة الامريكية و طلعت غالية حبتين
أنا مش عارف الأسعار فى مصر بس كنت لسه واخد الكورس أوائل السنة دى فى دبي
هو عموماً أنت لازم تختار مركز معتمد من PMI علشان لما تقدم على الإمتحان ده شرط أساسي.
الموضوع على فكرة سهل و بسيط..........بس الإمتحان بقى علشان تقدم له قصة كبيرة شوية
يعنى لازم تكون أخدت الكورس فى مركز معتمد من PMI و يكون عندك 4500 ساعة خبرة فى المشروعات
طبعاً 4500 ساعة ده مش رقم قليل و لو معندكش الخبرة دى تعمل حسابك أنك لو قدمت و كتبت أنها عندك.........هيعملوا مراجعة ل 10% من المتقدمين و بيطلبوا جوابات خبرة تؤكد كلامك...........طبعاً ممكن تطلع أنت من ال 10% دول و ممكن لأ.
الظريف بقى أن أى مكان عاوز project manager بيبقى عاوزه معاه الشهادة أو خبرة أو الأتنين
و علشان تاخد الشهادة عاوزين خبرة 4500 ساعة.
نفس مبدأ البيضة الأول ولا الفرخة :)
بالتوفيق.
Riti is the best take 90 hr with 4500 but very good
طب ده شبيه بالجامعة الأمريكية؟
http://www.aucegypt.edu/academics/co..._New_Cairo.pdf
بص يا باشا
انا حاليا قربت اخلص الكورس ده فى riti
ممكن هى مش ارخص الاماكن (4500 جنيه )
بس كمان هى 90 ساعه و المطلوب منك علشان الامتحان دورة مدتها 36 ساعه فقط
فلو شايف انك عندك من الخبرة ما يغنيك عن الشرح الطويل يبقى اختار مركز ارخص بعدد ساعات اقل
المهم يكون معتمد علشان تقدم اسمه فى الشهاده
على العموم اى سؤال اخر انا تحت امرك
ملحوظه : يفضل الانتظار شويه الى اوائل العام القادم حيث ان هناك نسخه جديده PMBOK 5 سو ف تصدر و سوف يكون الامتحان بها من 31- 6 على ما اذكر
يرجى الحذف للتكرار ..................
لأ انا معنديش خبرة خالص ... معرفش اى حاجة فى ادارة المشروعات ..
أنا عايز اعرف لو Riti ده بيدى نفس منهج الجامعة الامريكية (للمهندسين ) عشان انا معمارى .. اللى هو الكورس اللى هتلاقيه فى المشاركة اللى قبل كده ...
فى ناس قالولى الاكاديمية البحرية كويسة بردوا ...
مشكلة الجامعة الامريكية هدفع فى حدود 8500 جنيه ...
فهل Riti ده شبه اللى فى الجامعة الأمريكية؟؟
سيف باشا
سواء كانت الجامعه الامريكيه او ريتى او الاكادميه
كلها كورسات مؤهله للأمتحان
بمعنى انى لم اجد كورس مهندسين مدنى و اخر لمهندسين كهرباء
ادارة المشاريع ده مفهوم واسع لأى مشروع
يعنى ممكن تلاقى معاك ناس اذاب و تجارة و هندسه و انا اهو كيميائى
الفكرة ان الكورس بيشرح الخطوط العريضه و انت بتظبطها على مقاس شغلك
اللينك اللى فوق مش سليم بخصوص الجامعه الامريكيه
و زى ما قولت لك اللى هايفرق هو مدة التدريس و التدريب الداخلى داخل الكورس
انما الخطوط العريضه واحده
و الباقى عليك فى المذاكره
العفو يا باشا
و انا تحت امرك فى اى شئ بخصوص هذا الموضوع
و لو عاوز تقرأ فى هذا الموضوع قبل الدخول فيه
اتفضل يا باشا
Project Management
ده كتاب مجانى و مختصر بعض الشئ
متابع باهتمام
فية برضوا شهادة اصغر منها علطول ودي مش محتاجة خبرة
اسمها CAPM وانا كنت مسجل فيها في American chamber بس مضطر اعمل refund لظروف كدا
هي للطلبة والخريجيين الجدد بـ 2900 غير كدا غالبا 4500
PMI CAPM Certification | Project Management Institute
شوف هنا
طبعا الشباب هنا قالوا كل حاجة
بس انا عايز أصلح مفهوم معين
pmi مش بيشترط انك تكون اشتغلت مدير مشروع لمدة 3 سنين مثلا عشان تقدر تقدم للأمتحان pmp
هو بيشترط خبرة 3 سنين فى الأدارة بصفة عامة
مثلا ..... انت مهندس موقع يبقى اكيد عندك خبرة فى ادارة شغلك و ادارة العمال اللى تحت ايديك
مثلا ..... انت مهندس تصميم فى مكتب يبقى اكيد عندك خبرة فى ادارة متطلبات شغلك و توافقها مع احتياجات المشروع او الشركة اللى انت شغال فيها
الناس دي مش بتفكر زينا ...... لدرجة ان مرة واحد بس بره مصر قدم خبرته عشان يدخل الأمتحان ...... ازاى هو ادار يوم فرحه و ازاى خططله !!!
خد الكورس الأول و بعد كده ربنا يسهل ....... الكورس مفيد و حيرتب دماغك حلو اوى
شكرا جزيلا للجميع :)