انا اتفزعت بجد وقلبي كان هيقف لاني في الدور ال 11 حد سمع الصوت ده دلوقتي
عرض للطباعة
انا اتفزعت بجد وقلبي كان هيقف لاني في الدور ال 11 حد سمع الصوت ده دلوقتي
فين ، فى القاهرة؟
أكيد طيارات الجيش بتمارس هوايتها فى اختراق حاجز الصوت
لا تقلق
هو الدوشه دى كانت فى السماء
هااااااااار أسود
اها الناس بتقول الطيارات كسرت حاجز الصوت كانو اتنين
طائرتان يخترقان حاجز الصوت فوق سماء القاهرة فجرا
تم النشر فى فن ومشاهير ، أخبار المشاهير مع 0 تعليق منذ الاثنين : 29 / أكتوبر / 2012 الساعة 5:53:46
http://secrets7days.com/files/img/1f05cb1b58.jpg
فزع العديد من المواطنين القاطنين في مدينة القاهرة الكبري حيث قامت طائرتين بكسر حاجز الصوت فوق سماء القاهرة الساعة 5 فجرا .
وقد اكد العديد من المواطنين في العديد من المناطق السكانية المختلفة سماع صوت مفزع ادي الي انزعاجهم الساعة الخامسة فجرا .
وقد اكد العديد من المتابعين علي مواقع التواصل الاجتماعي فيسبوك وتويتر ان هذا الصوت عبارة عن اختراق لحاجز الصوت من قبل طائرات
أسرار الاسبوع | طائرتان يخترقان حاجز الصوت فوق سماء القاهرة والاسكندرية فجرا
وعلى الفيسبوك :
https://www.facebook.com/asa7bess/posts/357107254384384
الغريب انه اتسمع فى القاهرة واسكندرية فى نفس الوقت ؟؟!!!!!!
ده صوت رعب
لسه الخضة من 10 دقايق حصلت
صوت مرعب بصراحة
فعلا سمعت فعلا صوت الطائرات
في الاسكندريه من دقائق
الموضوع بقي مستفز جدا ..
هما عايزين يرعبوا الناس وخلاص ..البنت قامت مفزوعه ولحد دلوقتي بتعيط ..
كل يومين نفس الهبل ده ..انما الفجر ده الجديد بقي ..
المهم تبقي طائرات مصريه ..لأن مش معقول ان الجيش هيبقي قاصد يرعب الناس الساعه 5 الفجر ومعظمهم نايم
واضح ان فيه فرق بعض الدقائق بين القاهرة واسكندرية
الظاهر ان الطيارة كانت واخدة مصر قياسة
هو الحاجز دة ملوش أهل يسألوا عليه؟؟؟
وبعدين فى حد عاقل يعمل كدة الساعة 5 الصبح؟؟؟ ولا هو كان عاوز يجرب الطيارة والشوارع فاضية؟؟
واضح ان الطيار كان طالع طلعه لحد اسكندريه فطلعها بدري قبل الزحمه وكان بيشد مع صحبه
حرام اقلاق منام المواطنين بتلك الطريقه و كان ممكن "يعملوا تجاربهم الفضائيه دي" في منتصف اليوم مثلا
"بنتي عماله تعيط و عمله فزع في البيت كله اكتر من صوت الطياره" حرام و الله
ده انا فكرت صوت رعد ومستغرب جدا ان مفيش امطار او برق او حاجة من دى .. مجاش فى بالى موضوع الطائرات ده
تعليق مسخرة على تويتر ههههههههههههههههههههههههه هههه
الرئيس مرسي :: صاحب أول خضة جوية
دا في كذا مكان وفي خبر علي فيسبوك بيقول ان ده تدريب والجيش هيوضح الكلام ده النهارده
الطيارات دى مصريه ولا هتعمل فينا زى السودان
هع مين هناك
بس بلغة الطيران، وتماشيا مع الظروف الراهنة والمحيطة، وبرضه زي ما الطيار بيتمرن بيحبوا يشركونا معاهم ويمرنونا معاهم على الصوت ده
ربنا يستر وميبقاش ده العادي بعد كده
المتحدث الرسمـى للقوات المسلحة يكشف كواليس طائرات حاجز الصوت
10/29/2012 9:24 AM
نفى العقيد أحمد على المتحدث باسم القوات المسلحة إطلاق صاروخ من الطائرة التى إخترقت حاجز الصوت صباح اليوم الإثنين قائلا:"نطمئن الجميع بان ليس هناك اى شىء يدعو للقلق غير ان تدريبات ومناورات شهرية للقــوات الجوية تجرى عادة فى جميع المحافظات فى الاسكندرية فى بنى سويف فى المنصورة فى مرسى مطروح فى القاهرة جميع المحافــظات ابناء القوات الجوية موجودين ويوكدون وجودهم هذا لا يدعى للقلق ابدا ".وتابع نقلا عن 6 ابريل : كل الناس نايمة لكن جميع السادة الضباط وجنودنا بتصحى من الفجر وقبل كدا كمان عشان الاستعداد ليوم جديد وقوة وعمل لاجل قوة تحمى مصـــر .موكدا انها مجرد تشكيلات من قوات الجويــة تقوم بعدة طلعات ، مضيفاً : سوف يكون هناك بيان بشان هذا الحدث مع الساعات الاولى من الظهر باذن الله لطمانة المواطنين ، مشيرا ليس هناك اشياء تدعو للقلق ولا اى شىمختتماً : وعلى المواطنين عدم الانسيــاق وراء اى اشاعات او القيل والقال موضحاً ابناء القوات المسلحة دائما عين مصر الساهرة.
-------------
وأنا اللى كنت فاكره هيطلع يعتذر
هو العمل لأجل قوة تحمى مصر مايجيش غير بعمل رعب للعيال الصغيرة ونقومهم مفزوعين من النوم؟
متخافيش يا ألفت دى الاولاد بيتدربوا ( ايموشن السادات )
^_^
دي رسالة واضحة لحد معين :)
انا قولت فى حرب والله هههههه
بس حلوة حكاية تجربة اجهزة الانذار دي ......... ومن ساعتها واسئلة مصدعاني اكتر من الصوت اللي حصل!!!!!
لو سر عسكري معقولة يذاع على الملأ كده؟؟؟
طب لو مش سر عسكري ليه معملوش تنويه في وسائل الإعلام ليلتها وبلغوا الناس؟؟؟؟؟ ولا مكانوش عارفين إنها هتعمل الصوت ده؟؟؟
ولا شكمان الطيارة كان مخروم؟؟؟؟
طب الصوت ده جديد علينا والخبر برضه بالبيان جديد برضه علينا مش كده؟؟؟ معنى كده إننا كنا عايشين السنين دي من غير انظمة انذار مبكر ولا حتى سنتر لوك؟؟؟
ولا النظام الجديد يتطلب ريستارت او ريفريش بالشكل ده؟؟؟ ولا بيشتغل بالبصمة الصوتية ومش بيشتغل بالرادار والترددات والموجات الكهرومغناطيسيةاللي في الكرة الأرضية كلها؟؟؟
ربنا يستر وميعملوش تجربة للقوات البحرية بنفس النظرية وإلا اسكندرية ومطروح والساحل يغرقوا وبعدين يقولوا كان اختبار غواصات
والله حاجة زفت وبعدين هو التدريب دة مينفعش غير الفجر
طيب كانو يمعلو الظهر وكنا وقفنا فى البلكونة نتفرج ولاة هوما مش عايزين حد يشوف الطيارات عشان متتحسدش
هههههههههههههههههههه بس جامدة اوووى موضوع همت دة
بس والله الى لفت نظرى ان الصوت اتسمع فى اسكندرية ومصر فى وقت قصير جدااا
ماهو لو كان شقيان فيها وجايبها بعرقه مكنش ارس عالمكنة ....
المتحدث العسكرى: اختبارات الدفاع الجوى لا يمكن الإعلان عنها مسبقا
الإثنين، 29 أكتوبر 2012 - 13:14
قال العقيد أركان حرب أحمد محمد على المتحدث العسكرى الرسمى
للقوات المسلحة عبر حسابه على موقع التواصل الاجتماعى "فيس بوك" أنه لا
يمكن اختبار قدرات أنظمة الدفاع الجوى ومدى استعدادها لمواجهة الأزمات
الطارئة لحماية سماء مصر إذا تم التنبيه مسبقا، أو الإعلان عن ذلك.
من ناحية أخرى كشفت مصادر مطلعة لــــ"اليوم السابع" أن هذه الإجراءات تتم
فى إطار رفع كفاءة القوات وبيان مدى استعدادها لمواجهة أى طوارئ قد تتعرض
لها سماء مصر، لافتا إلى أنه من الضرورى جدا أن تحدث مثل هذه التدريبات فى
أوقات مبكرة جدا من أجل الاطمئنان على مستوى جاهزية قوات الدفاع الجوى
المنتشرة فى مختلف أقاليم الجمهورية، وبيان مدى استعدادها للتعامل مع أى
أهداف جوية، كما إن الطائرات المقاتلة يجب أن تكون على ارتفاعات منخفضة حتى
يتم التأكد من مدى قدرات أجهزة الإنذار والكشف المبكر، لوحدات الدفاع
الجوى.
كانت حالة من الذعر قد سادت سكان عدد من المناطق فى القاهرة وعدد من
المحافظات الأخرى فجر اليوم بعد سماع أصوات مدوية لطائرات مقاتلة تطير على
ارتفاعات منخفضة.
[url=http://www2.youm7.com/News.asp?NewsID=830186]
ده بيان صوت الجيش
صوت الجيش | عاجل | رجاءا التعاون وإعادة النشر على وجة السرعة .
ينوة صوت الجيش المصرى أنة خلال الساعات القادمة ستشهد سماء المعمورة تدريبات شرسة تنفذها قواتكم الجوية فى كافة أرجاء جمهورية مصر العربية ولعل من سيتأثر نسبيا بصدى هذة الملحمة ال ضارية هم قاطنى المنطقتين المركزية والشمالية العسكرية لذا وجب التنبية بالآتى :
-الإطمئنان الكامل وعدم التوتر والخوف فهذة قواتكم المسلحة رمز عزتكم ومنعتكم تنفذ بعضا من تدريباتها المتلاحقة ما يبث الإطمئنان والسكينة ويجلب الفخار والتباهى أمام سائر الدول .
-نتيجة لإختراق بعض الطائرات من قواتكم الجوية حاجز الصوت قد ينتج أصوات أشبة بأصوات الإنفجارات المدوية فلا داعى للقلق كما ذكرنا .
-نرجو من جميع قاطنى الأدوار العليا والطوابق النهائية من المنشآت خاصة مواربة بعض منافذ الشقق وعدم إغلاقها كلية فعلي الأقل منفذ أو إثنين حيث أن الموجة الصادرة من إختراق الطائرات لحاجز الصوت قد تؤدى إلي كسر بعض النوافذ الزجاجية الموصدة بسبب الضغط .
-نرجو من الجميع إعادة النشر على وجة السرعة لإتخاذ اللازم ولبث الطمأنينة ويعتذر صوت الجيش عن عدم نشر ما يخص الأمر قبيل تنفيذ المناورات الجوية بوقت كاف إلا أنة بسبب خطأ إدارى وسوف يتم تلاشية مستقبلا .
وللإضافة فإن هذة المناورات تعتبر ضمن خطة التأمين داخل الأماكن المدنية وفوق المدن والتى تهدف إلى تدريب كوادر الطيارين علي كيفية التلاحم والقتال فوق المدن حال نجح العدو في إختراق المجال العسكرى الجوى مثلما حدث فى الملحمة الجوية لمدينة المنصورة وقد أصرت القيادة العسكرية على إستكمال التدريب حتى في أيام عيد الأضحى فإذا إرتاحت واحتفلت جموع الشعب فإن الجيش لا يرتاح ولا يكف عن الزئير برا وبحرا وجوا .
عاشت مصر حرة قوية مانعة قاهرة يجيشها وشعبها .
كل عام وأنتم بخير .
صوت الجيش المصرى | صوت جيش الشعب .
وده الرابط
صوت الجيش المصرى | Facebook
بيقولك دى طيارات اسرائليه جايه تعيد علينا
أنا صاحي من بدري النهارده ومسمعتش أي صوت بصراحة..
أنا ساكن في زايد.
عاوزين من ده بدل المسحراتي يا جماعه
على الاقل الناس كلها هتصحى مره واحده بدل ما نتعب المسحراتي ويلف ع رجله مصر كلها
يعني هيحصل تاني انهرده في الفجر كدة و لا لا
معنى كلام المتحدث الرسمي للقوات المسلحه ان الطيارات دي كانت عامله نفسها طيارات أجنبيه وكانو بيشوفو هل الدفاع الجوي هيلقطها ولا لاء؟ طب هل معناه ان الدفاع الجوي كان ممكن يتعامل معاها؟ مش فاهم بصراحه.