الموضوع: طائرات مقاتلة تخترق حاجز الصوت فوق القاهرة اثناء تدريبات الدفاع الجوي

المشاركة الأصلية كتبت بواسطة m_adeleid

يووووووووووووووووووووووه
منتهي السفسطه
كل جهبذ يطلع يقول ده تصرف غبي و غير مسئول ووووووووو
ارحمنا يا سيدي منك له
انت لو عيل في الشارع فرقع صاروخ تحت رجليك انت و مراتك وانتو ماشيين مش حتعرف تكلمه احسن يبهدلك
ارحمونا

يعنى أنت عاوز تفهمنى إن الطيارين مكنوش بيتمرنوا قبل كده و كان كل طيار فيهم بيروح يغسل طيارته بسفنجة و شوية يريل و يلمع التابلوه و يروح بيتهم على العصر ؟؟!!!

أنا مش فاهم يعنى مصر مليانة حتت فاضية ...يا راجل ده 4/3 بلدنا صحرا و فى الأخر إحنا الغلطانيين إن إحنا أزعجنا الجيش الهمام اللى حب يصحينا بدرى !!!

المشاركة الأصلية كتبت بواسطة a.saad

زمان ايام ناصر كان كل مكان فيه افراد مسئولين عن تجهيزه للحرب مصنع مستشفى حى حتى السكان عارفين ان لو حصل غارة بيعملوا ايه الغريب ان شعب من دعاه تحرير القدس وغزة مش مستحملين صوت طيارة امال لو الحرب حصلت الل انتم عايزينها هتعملوا ايه

معلش بس هو أيام السادات و ناصر مش كانت البلد دايما واقفة على رجل إستعدادا للحرب !!! إيه علاقة ده بأيامنا ديه ؟؟

لو انت من مكان وزير الدفاع ورئيس الأركان -- وعايز تختبر حالة الأستعداد لنظام الدفاع الجوي ( دفاع جوي و قوات جوية) تعمل ايه ؟
لو تلاحظ ان الوقت اللي عدت فيه الطيارات علي مصر هو أكتر فترة ممكن يكون فيها الأستعداد اقل ما يمكن.

فيتم تسجيل وتقييم أداء واستجابة كل كل وحدة دفاع جوي و كذلك القواعد الجوية وبالطبع قوة التنسيق بين كافة القطاعات ومن ثم اكتشاف نقاط الضعف وتقويمها.