المشاركة الأصلية كتبت بواسطة youssef.awad
نصيحة خليك فى اى نوع من اللى علمتهم باللون الاخضر
وعن تجربة الكونتيننتال اطرى فردة كاوتش واحساسك بالمطبات هايفرق معاك جامد لأن الكاوتش مرن مع النيتروجين كمان بتحس العربية ماشية على مخدات ريش نعام
وبالنسبة للى قالو لحضرتك الجوانب ضعيفة ده كلام غير مظبوط بالمرة لأنه ينطبق على كافة انواع الاطارات وده شىء متعارف عليه عالميا ان جوانب الاطارات اضعف جزء فى فيها بغض النظر عن النوع
واذكر على كلام حضرتك نفس الكلام ده اتقال من اكتر من 10 سنين على فردة يابانى تحفففففففففففففففففففففة اسمها سوميتومو حاجة كده زى الملبن ع الطريق وبرضه التجار طلعوا عليها نفس الكلام من جوانب ضعيفة بتفتح مع ركنات الرصيف ونقشة بتتمسح بسرعة !!!
نصيحتى لحضرتك ..
ابعد عن الميشلان اذا كان اى صناعة غير فرنسا - انجلترا - اسبانيا
ابعد عن البريدجستون اذا كان اى صناعة غير يابانى
ابعد عن كونتيننتال اذا كان اى صناعة غير المانيا - انجلترا - فرنسا
واى كاوتش مهما كانت النقشة لسه مرسومة لازم يتغير عند حد اقصى 60.000 كم / 5 سنوات ايهما اقرب
لا تشترى اى اطارات مهما كانت صناعتها او ماركتها اذا كان مر اكتر من عام واحد على تاريخ انتاجها