سؤال عن البورصة المصرية

**alrabeh** · 29-10-2012 10:41 PM

الموضوع أنا دارسه بفضل الله كويس قوى ولكنه موضوع يطول شرحه وأى سؤال أنا تحت أمركم ، مع العلم أن المضاربة فى البورصة تختلف تماما عن المضاربة فى الإسلام

‫سليم العوا : البورصة المصرية والمقامرة‬&lrm; - YouTube

**alrabeh** · 29-10-2012 10:46 PM

‫رسالة إلى المتعاملين فى البورصة المصرية‬&lrm; - YouTube

**khaled_legend** · 30-10-2012 07:01 AM

المشاركة الأصلية كتبت بواسطة eslamrace

يا نهار ابيض ده لسه صديق عزيز عليا كان بيكلمنى انه ناوى يبيع شقته اللى المفروض حيتجوز فيها وتعتبر راس ماله علشان يدخل البورصه وكانت وجهه نظره ان الوقت دلوقتى الاسعار نازله بعد الثوره وانه لو اشترى مثلا سهم كان وصل قيل الثوره 50 جنيه ودوتى هو ب3 جنيه فهو متخيل انه فى خلال سنه اكيد السهم ده على الاقل حيتضاعف خصوصا ان اتجاهه صعودى حاليا وبالتالى حيقق ارباح من العمليه دى وبعدها يخرج من البورصه و كان بيكلمنى انى المفترض ادخل فى المشوار بهدف انى اكبر اى مبلغ معايا وبعد السنه اخرج من البورصه
ايه رايكم باه الراجل ده كده بيضيع نفسه ولا ايه

لا تضع البيض كله في سله واحده

**MaZaGAngeE** · 30-10-2012 07:34 AM

البورصة المصرية كل علاقتها بالبورصة الاسم و بس
لكن هيه افضل و اسرع وسيلة للخسارة
و لو كسبت هتكسب ملاليم و لما تخسر بالالاف

الحمدلله كنت في الدوامة دي من 2007 و طلعت منها من اسبوعين بخسارة 30% من راس المال بعد عمليات تعويض و بدل كتيرة جدا

**Ahmed_Rahem** · 30-10-2012 11:32 AM

المشاركة الأصلية كتبت بواسطة eslamrace

ربنا يسترها معاه لانه فعلا مصمم ومش بيسمع كلام حد خالص

والله المشكله انه مراهن على اسهم شركات قطاع عام وتعتبر من وجهه نظرى خسرانه بس هو بيتكلم ان بعد البلد مجالها رئيس فكل الشركات حتكسب اظن انه كان بيكلمنى على اسهم شركه الزيوت المستخلصه و المحالج فايه راي حضرتك فيهم

انا مقدرش دلوقتى افيدك لانى مش متابع السوق بقالى اكتر من 4 سنين وبالتالى معلوماتى كلها قديمة. دة غير ان البورصة دلوقتى متذبذبة جداً بسبب تأثرها بالاحداث السياسية والى ناوى يخش ياما واحد معاة فلوس كتير فائضو وبالتالى بيخاطر ومستعد يتحمل العواقب (سواء مكسب او خسارة) او واحد ماشى ورا الاشاعات.
بلغة السوق: لو انت متابع السوق هتلاقى ارتفاع فى الاسعار على مدى اسبوع مثلاً وبعديها انخفاض (المشترى فى اول الاسبوع كسب فى بداية الاسبوع الى بعدة وبكدة بيبيع ويسيل مكاسبة) ودول الى معاهم سيولة كبيرة علشان لو حتى السوق وقع من غير مبرر يقدر يقلل من خسايرة بطرق تانية. انما صغار المستثمرين صعب يعمل كدة. الحل صناديق الاستثمار (حل آمن) او تلاقى واحد من الى معاهم سيولة كبيرة وتعمل زية - وانت وحظك.

**Eng_Doaa** · 30-10-2012 02:12 PM

المشاركة الأصلية كتبت بواسطة ahmedeihab

من داخل البورصه المصريه

بقولك لاء الوقت الحالى احنا بنمر بظروف عصيبه جدااااا

بجوار حال البلد اللى مش مستقر

و اللى جوه السوق بيحاول يخرج فلوسه بأقل خسائر ممكنه

اللى بيكسب الايام دى الناس اللى محافظها معديه ال 10 و ال 15 مليون

لانه بيشترى فى كذا ورقه بكميات كبيره

و الورقه اللى بتخسر فى ورقه او 2 بيعوضوا خسارتها

فا اكيد المبلغ ده مش متوفر دلوقتى مع حضرتك

نصيحه اخويه

بلاش خالص منها و روحى استثمرى فلوسك فى اى اتجاه تانى

^_^

شكرا لحضرتك يا فندم . انا فعلا اكتئبت :(

هو الفكرة إنى كنت حابه أشوف المجال ده فيه ايه لأنه بعيد جدا عنى .

حضرتك حاليا عملك فى البورصة و لا تعرف شخص معين بيقولك الاخبار دى؟

و فى حاجه اسمها سندات كنت برده سمعت عنها ياريت توضيح ليها

**ahmedeihab** · 30-10-2012 02:36 PM

المشاركة الأصلية كتبت بواسطة eng_doaa

شكرا لحضرتك يا فندم . انا فعلا اكتئبت :(

هو الفكرة إنى كنت حابه أشوف المجال ده فيه ايه لأنه بعيد جدا عنى .

حضرتك حاليا عملك فى البورصة و لا تعرف شخص معين بيقولك الاخبار دى؟

و فى حاجه اسمها سندات كنت برده سمعت عنها ياريت توضيح ليها

على ايه يا افندم انا بعمل الواجب

حضرتك انا محاسب فى شركه تداول اوراق ماليه

و السندات هى عباره عن

صك ملكيه بتشتريه بمبلغ معين و لكن لا يتداول زى الاسهم

و لكنه بيتداول طويل الاجل

و السند حضرتك بتخديه فى اديكى

يعنى لو ضاع او اتسرق يبقى حلال على اللى اخده

لانه لا ينتمى الى بنوك حفظ عكس الاسهم

الاسهم زمان كانت كده بردو بتشتريها و تاخديها تحطيها فى البيت عندك و لما تعوزى تبيعيها بتنزلى تشوفى مشترى ليها

بس الكلام ده زمااااااان جدااااا

دلوقتى الاسهم بقا ليها مكان بيتحط فيها و هى مصر للمقاصه

علشان كده الاسهم احسن لانك بتتداولى فيها عند التسويه و تتكون من

t+0 و دى ليكى الاحقيه انك تبيعى و تشترى فى نفس الجلسه

و عندنا

t+2

و حضرتك هتبيعى بعد يومين من الشراء

يعنى حضرتك اشتريتى النهارده الاثنين

هتبيعى يوم الاربعاء

و ال t+0 تعتبر مخاطره جااااااااااامده جداااااااا

و لو احتجتى اى حاجه انا تحت امر حضرتك

^_^

**aif** · 30-10-2012 02:41 PM

المشاركة الأصلية كتبت بواسطة eng_doaa

شكرا لحضرتك يا فندم . انا فعلا اكتئبت :(

هو الفكرة إنى كنت حابه أشوف المجال ده فيه ايه لأنه بعيد جدا عنى .

حضرتك حاليا عملك فى البورصة و لا تعرف شخص معين بيقولك الاخبار دى؟

و فى حاجه اسمها سندات كنت برده سمعت عنها ياريت توضيح ليها

السندات غير الاسهم خالص
الاسهم هي حصة في ملكية الشركة
يعني اللي مالك اسهم بيبقى شريك في رأسمال الشركة
وبيستحق جزء من الارباح في حالة ان الشركة كسبت وح توزع ارباح
السندات دي بتبقى الشركة بتقترض من الناس ... سواء المساهمين او غيرهم
في مقابل فائدة محددة
وانا من الناس اللي مش باتعامل بالفائدة تحت اي مسمى
عشان كدة تعاملي في البورصة كان في الاسهم
مع استبعاد انشطة معينة من الشركات كنت مش باعامل فيها خالص ولا بالاسهم كمان