المواصفات
تاريخ الاستلام :30 اكتوبر 2011
السعر : 71000 جنيه
الماركة : رينو
الموديل : لوجان بلاك لاين
سنة الصنع : 2012
السعة اللترية : 1597 سم سم
عدد الركاب : 4
الصالون : مالوش حل - منتهى الراحة
القطر : مرة قطرت عربية فيرنا بس بصعوبة شوية
الشنطة : ممكن تبيت فيها لو مراتك عملتها معاك ( ما حصلتش معايا بس برده الاحتياط واجب )
التكييف : معقول فى الحر الشديد ( بشغله صيف وشتا عشان الدوشة اللى بره )
استهلاك البنزين : متوسط 8 لتر / 100 كم ( MIX)
الارتفاع عن الارض : ما لمستش ولا مطب صناعى ولا طبيعى غير مرتين بس فى بلد ريفى وكان مطب جبار
عداد الكيلو متر : 17365 كم فى 364 يوم
الحوادث : خبطة فى الباب اليمين النصف السفلى تم اصلاحها ب 700 جنيه ورجعت فبريكة لدرجة انا حبيت الباب اليمين
عدد الخدوش : حدث ولا حرج لدرجة ان انا زهقت
الترخيص : 3 سنوات بدأ فى 2/11/2011 وينتهى فى 1/11/2014
الحالة : زى الفل
العيوب : الفتيس ساعات بيضايقينى فى المارش ديل
التوكيل : برده مالوش عيوب
الركاب : بيكونوا مبسوطين وهم راكبينها من سعة الصالون
التنجيد : تم تنجديد فرش تحفة من حوالى شهر هاعرض الصور قريب جدا
فرش الارضية : تنجيد فرش الارضية والشنط من حوالى 10 شهور ومحافظ على الارضية والشنطة بشكل كبير جدا ( انصح بتركيبه )
السرعة : دى الحاجة الوحيدة اللى مضايقانى ليه ؟
ملاك اللوجان اعضاء المنتدى بيجيبوا بيها 190
وانا باجى عند 160 واقف مش عارف ليه ( فى الطرق المفتوحة زى الصحراوى )
بالرغم من انها فى 1500 كم الاولى جابت 170 كم مستريح على الاخر وكانت ممكن تجيب اكتر بس انا مارضيتش
الاحساس : I am proud to be logn