لملاك الريو الجديدة تعالا جرب دي وقول لي ايه اللي حصل معاك

السلام عليكم لكل ملاك الريو وطبعاً اللي مش معاهم برضه :grinder:

ياريت تعمل الاتي وتقول لي ايه اللي حصل معاك

اضغط على زر غلق السنتر اللي في الباب جنبك وانت جواها المفروض كل ابواب العربية اتقفلت

اللي هييجي يدخل من برا مش هيقدر

كل الابواب من جوه مش هتفتح

طيب جرب تفتح كرسي اللي جنب السواق كده من جوه يعني الكرسي اللي جنب السواق جرب تفتحه من جوه هل هيفتح معاك ؟

عايزين نعرف هل ده اوبشن انك تقدر تفتح باب الكرسي اللي جنب السواق من جوه بس مش من برا في رغم ان الكراسي كلها في العربية اللي ورا مش بتفتح حتى من جوه مفيش الا الباب ده

فعايزين نعرف ايه الموضوع ده هل هي العربية كده ولا ايه ؟

بأنتظار التجارب

الله ينور على الملاحظه يا باشا .و تسلم ايدك على المواضيع

فى السيراتو باب السواق و اللى جنبه بيفتحوا عادى و السنتر مقفول .بيفتحوا من جوا فقط لكن الابواب الخلفيه مبتفتحش طبعا عشان الاطفال .
عوزين نجرب قفل الحمايه .انا لما بعمل بيمنع اى حد يفتح ازاز اى باب حتى اللى جنب السواق .و لكن موضوع الباب ده مجربتوش هجربه و اقول باذ الله

انا لسه شاري كيا ريو خليجي , جربت و فعلا بتعمل كدا انا افتكرت ان فيه مشكلة عندي هههههههههه

السلام عليكم
انا معايا الريو الشكل القديم 1600 سي سي موديل 2011 وفيها الموضوع ده انك تقفل بالسنتر لكن البابين الاماميين ممكن يفتحوا من جوه - دا ما لوش علاقة بقفل أمان الاطفال اللي في البابين الخلفيين

النترا 2012 و البابين الي قدام بيفتحو و السنتر مقفول عادي

الموضوع دة مش غلطة علي فكرة

انا عندي كل الابواب بتفتح من جوه عادي غير اللي ورا لو كنت عامل لوك الاطفال اما لو مش عامله فيفتح عادي
وده طبعا من اجراءات الامان والسلامه

تعيشوا يا رجالة كيا شايلينكم للتقيل والله

واللوجان معايا كده برضه
واللى أنا فااهمه ان كل العربيات اللى فيها سنتر كده.

اقتباس:

---

المشاركة الأصلية كتبت بواسطة 2code

تعيشوا يا رجالة كيا شايلينكم للتقيل والله

---

انت تامر يا معلم

معايا كارينز وزي ما الناس قالت كده البابين اللي قدام بيفتحو من جوه والسنتر مقفول.

لكن لو اللوك بتاع الاطفال اللي في البابين اللي ورا شغال هيخلي البابين اللي ورا ميفتحوش من جوا سواء شغلت السنتر او لاء.

اللي ناقص بقى ان السنتر يقفل لوحده لما العربيه تمشي وده موجود في السبورتاج. مش عارف موجود في السيراتو ولا لاء بس مش موجود في الكارينز.

اقتباس:

---

المشاركة الأصلية كتبت بواسطة ahmed_adham

معايا كارينز وزي ما الناس قالت كده البابين اللي قدام بيفتحو من جوه والسنتر مقفول.

لكن لو اللوك بتاع الاطفال اللي في البابين اللي ورا شغال هيخلي البابين اللي ورا ميفتحوش من جوا سواء شغلت السنتر او لاء.

اللي ناقص بقى ان السنتر يقفل لوحده لما العربيه تمشي وده موجود في السبورتاج. مش عارف موجود في السيراتو ولا لاء بس مش موجود في الكارينز.

---

السيراتو زى الاسبورتاج السنتر بيقفل لوحده اول ما العربيه تمشى و تعدى سرعه معينه .مش فاكر 20 او 40 .

مجربتش السنتر مع السرعات العالية هجرب واقول لكم النهارده هطلع على الصحراوي اجري شويه ههههههههههههه