الفرامل هربت منى وربنا ستر

**shur3000** · 29-10-2012 06:33 PM

الحمد لله وانا نازل من منزا كوبرى وبهدى لقيت الفرامل راحت والبدال بينزل للاخر وبالعافية يهدى وريحة شياط رهيبة. الحمد لله عدى الموضوع على خير لحد ما روحت ولسة هروح لفشجى جنب البيت ودة طبعا انا مايتعاملش معاة لكن مجبر لانى اخاف امشى بالعربية تانى كدة.
السؤال طبعا التيل اكيد راح بس الامامى ولا الورانى واخبار الماستر اية
وانا شارى العربية مستعملة من سنة تقريبا وفراملها ماكنتش جبارة بس كانت تقضى الغرض وملعبتش فيها غير انى مليت تيل الفرامل الخلفى.
مع العلم فرامل اليد كويسة
والفرامل والبدال رجعو زى الاول تانى بس انا خايف امشى بيها .
وانا مالعبتش فى فرامل العربية من سنة غير ان التيل الخلفى كان متاكل ومليتة وعلى كدة بس

انا عارف ان الشياط دة اكيد تيل. والبدال اللى بيهرب اكيد ماستر او خراطيم
ياريت سعر التيل وايهم افضل جولد ام جى ام
سعر الماستر
سعر الطنابير
سعر الزيت والخراطيم وربنا يسهل اروح للعفشجى بعد العيد وربنا يستر وانا رايحلة

**Mo.Kareem** · 29-10-2012 06:47 PM

دى شغل ميكانيكى مش عفشجى ، والحمد لله ان ربنا سترها عليك

**mero100** · 29-10-2012 07:10 PM

ميكانيكي طبعا .
حيراجعلك عالفرامل كلها.
ماستر عمومي لانوس في حدود 450 : 480 ج
و التيل ال ‏gm‏ ب 160 ج ده سعر منصور
الجولد أسمع إنه في حدود ال 50 ج
الgm ‎‏ كويس في إنه بيتاكل و مش بياكل الطنابير .. لو حالتهم حلوه عندك يبقي هات ‏gm‏ و لو تعبانين خليك في الجولد .
الطنابير بعض الأعضاء بيشكروا في ريمسا الأسباني .
أنا شخصيا أسمع إن بريمبو الإيطاليه أفضل طنابير بس لو كانت أصليه و أعتقد سعر الطنابير في حدود 500 ج
زيت الباكم : موبيل ‏dot 4‏ علبه سودا غطاها أصفر 15 ج
فيه أعضاء مركبين ماستر عمومي نوبيرا بيقولوا بيحسن أداء الفرامل لأنه أكبر .
أرجو أكون أفدتك.

**shur3000** · 31-10-2012 09:11 AM

رحت للعفشجى امبارح (واحنا فى المنصورة العفشجى هو اللى بيشتغل فى الفرامل مش الميكانيكى) المهم طلع جرب العربية وفركها وكان بيمشى على 100 ويضرب فرامل والعربية كانت بتقف تمام المهم خليتة يحل الاربع عجلات قدام مفيش حاجة التيل والطنابير كويسين بس لقيت كوتشات الكبالن مقطعين على الرغم انى لسة مغيرهم من 5 اشهر وخدت من عندة كوتشين استيراد الواحد ب40 المهم. فك ورا
لقيت وسواد وهباب المهم نظف بالبنزين وقالى ان خزن الفرامل باظت والسبب انى مشيت وفرامل اليد مرفوعة المهم دة اساسا ماحصلش. المهم جيبت خزنتين ب 65ج (صينى ومالقيش غيرهم وزودت الزيت والحمد لله الامور تمام والراجل خد من 60ج مصنعية فى الخزنتين وتغير الكوتشات بتاعة الكبالن. ربنا يسترها

بس هل ممكن خزنة الفرامل تعمل هروب الفرامل دة ولا اية وهل هى سبب الشياط اللى شميتة مع العلم ان التيل سليم

**MMamdouh** · 31-10-2012 11:04 AM

طبيعى فرامل ورا لما تفكها تلاقى كمية سواد كبيرة... المهم ان ميبقاش فية زيت

لو مكنش فية اى اثار للزيت يبقى الراجل اشتغلك و غيرلك ماسترين ورا على الفاضى

لو فية زيت يبقى المساتر فعلا ضاربة و هى سبب هروب دواسة الفرامل... بس دة عمرة ما بيحصل من المشى و الهاند مرفوعة

MMamdouh

**A.Saad** · 31-10-2012 12:13 PM

لو انت متقل رجلاش الفرامل الخلفية ممكن يعمل شياط
امشى بالعربية وشوف سخونة الجنط ورا وقدام
المفروض ان اللى ورا اقل سخونة من الامامى
وعد اما ترفع اليد عندك كام تكة

**samehenany05** · 31-10-2012 07:02 PM

[QUOTE=shur3000;3874604417]رحت للعفشجى امبارح (واحنا فى المنصورة العفشجى هو اللى بيشتغل فى الفرامل مش الميكانيكى) المهم طلع جرب العربية وفركها وكان بيمشى على 100 ويضرب فرامل والعربية كانت بتقف تمام المهم خليتة يحل الاربع عجلات قدام مفيش حاجة التيل والطنابير كويسين بس لقيت كوتشات الكبالن مقطعين على الرغم انى لسة مغيرهم من 5 اشهر وخدت من عندة كوتشين استيراد الواحد ب40 المهم. فك ورا
لقيت وسواد وهباب المهم نظف بالبنزين وقالى ان خزن الفرامل باظت والسبب انى مشيت وفرامل اليد مرفوعة المهم دة اساسا ماحصلش. المهم جيبت خزنتين ب 65ج (صينى ومالقيش غيرهم وزودت الزيت والحمد لله الامور تمام والراجل خد من 60ج مصنعية فى الخزنتين وتغير الكوتشات بتاعة الكبالن. ربنا يسترها

العفشجى ده فين فى المنصوره واسمه ايه بس ياريت توصفلى مكانه ضرورى

**mero100** · 31-10-2012 08:26 PM

عدد تكات فرامل اليد من 6 الي 9 تكات .

أنا فعلا كنت ساعات بفرمل بفرامل اليد ( للتجربه فقط مع مهندس التوكيل )
و فعلا قاللي مترفعش الهاند بريك و إنت ماشي لأن الحركه دي بتضرب المساتر الخلفيه .

إنت بقه لو ماستر عجله خلفي ضرب و إنت ممشيتش و الهاند بريك مرفوعه .. يبقي عمره كده .

الموضوع: الفرامل هربت منى وربنا ستر

LinkBack

أدوات الموضوع

عرض

-

-

-

-

المواضيع المتشابهه

للمرة الثانية الفرامل هربت و العربية لفت علي طريق السويس

الحقوني الفرامل هربت و كنت هعمل حادثة

فرامل gen 2 هربت و لبست و الميكروباص

الفرامل هربت !!!!

الفرامل راحت فجاة وربنا ستر

الكلمات الدلالية لهذا الموضوع

المفضلات

المفضلات

ضوابط المشاركة