السلام عليكم
كل سنة وانتو طيبين
كنت عايزة اسأل عن ازاي العربية الامامي الباربريز اتشرخ كله ولازم يتغير
عايزة اسأل عن اقرب مكان وعن سعره
العربية سوزوكي تراكر
وانا في مدينة نصر
اشكركم
عرض للطباعة
السلام عليكم
كل سنة وانتو طيبين
كنت عايزة اسأل عن ازاي العربية الامامي الباربريز اتشرخ كله ولازم يتغير
عايزة اسأل عن اقرب مكان وعن سعره
العربية سوزوكي تراكر
وانا في مدينة نصر
اشكركم
اهلا و سهلا بحضرتك
فيه واحد في الحي التامن في الشارع اللي بيجيب من عند المصرية لـشارع حسن المأمون اسمه دكتور خالد تقريبا
و فيه واحد لسه فاتح جديد في شارع دمشق مصر الجديدة جنب محل ابراهيم للاكسسوارات الناس بتشكر فيه و ده انا ارجحه أكتر لأني شوفت شغله ما شاء الله نضيف
لكن بصراحة متعاملتش مع اي واحد منهم
بخصوص الاسعار ع حسب النوع , بس عامة الجميع بينصح بتركيب ازاز اسمه ( آمان ) بدلا من ( جريش ) نظرا لوجود طبقة من البلاستيك بتمسك الازاز لو اتكسر و ميتفتفتش مليون حتة
و سعره يتراوح 250-350 ج ع حسب
بس سؤال عربية حضرتك سوزوكي ايه ؟ فيتارا و لا جيمني ؟
اشكرك جدا
شكلي حروح للي في التامن اقربلي , س لو حروحله بكرة حيعملهولي في خلال اد ايه ؟
ولو رحت اعمل رخصة السواقة بالازاز المكسور حيوافقو عادي ؟
عربيتي سوزوكي تراكر
لو تجديد رخصة فقط هتركينيها بعيد و تدخلي تجددي عادي لكن لو فحص مينفعش
و الأفضل طبعا تروحي بالنهار عشان تشوفي كويس الازاز اللي هيركب انه سليم و مفيهوش خدش و الفينيش
و انا عن نفسي أفضل اللي في شارع دمشق لكن زي ما تحبي
و التركيب في خلال ساعة-ساعتين بالكتيير ان شاء الله هيفك القديم و ينضف مكانه و يجيب الجديد و يلزق و يركب مكان القديم
بخصوص العربية لو امكن اي صورة ليها من ع النت لأن تراكر فتوقعت اما فيتارا او جيمني
رخصة سواقة مش رخصة عربية
اعتذر مخدتش بالي من انها رخصة قيادة
لو اختبار لاستخراجها لأ العربية اللي هتدخلي بيها الاختبار لازم يكون ع الاقل ازازها سليم عشان الرؤية و محدش يتلكك و تكون العربية سليمة عشان الاختبار و قبل ما تدخلي اربطي حزام الأمان عشان بيبصوا ع الموضوع ده
و احفظي العلامات المرورية الامتحان النظري
لو تجديد بس ملهاش علاقة
طيب انا حروح بيها الاختبار وشكرا على التنبيه :) ربنا يستر
بس معلش سؤال تاني هي الاوراق المطلوبة 3 حاجات بس
الشهادة الطبية والبطاقة والصور وبس ؟
الاوراق المطلوبه
شهاده رمد
شهاده باطنه
فصيلة الدم
صور البطاقه
صور شخصيه
بس
شهادة باطنة و نظر لاستخراج رخصة قيادة
صور البطاقة
صور شخصية
معرفش موضوع فصيلة الدم ده لأني لما جيت اطلعها مطلبوهاش
باقي الاوراق و الملف هيتم سحبها من هناك المصاريف حوالي 90-100 ج
ده اللي اتكلفته كله ساعة ما جيت اعملها و كنت عاملها في مرور التجمع الخامس و هناك الاختبارات بسيطة
حاولي تروحي بدري ع اد ما تقدري
هتدخلي اختبار نظري مكتب و يسألك العلامات المرورية معناها ايه و لازم تجاوبي عليها صح
الاختبار العملي اهم حاجة تقعدي مرتاحة في العربية وحزام الامان مربوط و تكوني مسخنة العربية قبل ما تدخلي و لو جيتي تلفي يمين تدي اشارة يمين شمال تدي اشارة شمال كل ده بيتم اخذه في الحسبان
الاختبار ع ما اتذكر كان زي حرف s و في وسطه مطب صناعي صغير زي اللي بيبقي في الرحابده اللي اتذكره لما جيت اطلع الرخصة من حوالي 4-5 سنين
في انتظار انك تبلغينا انك طلعتي الرخصة او اي حاجة جديدة في الاختبارات :)
بالتوفيق
كلام مظبوط حتي لو العربية باسمك و مفيش رخصة قيادة خاصة لا يسمح لك بقيادتها
و خلي بالك لو سايقة عربية مش باسمك لازم يكون المالك معاكي او يكون معاكيرخصة العربية و توكيل من المالك بقيادة العربية( ده توكيل بيكون للقيادةفقط لأثبات ان المالك سامح لك بقيادتها ) و التوكيلبيتعمل في الشهر العقاري
:dzey:رخصة العربية مش باسمي وصاحب العربية مسافر وماعنديش توكيل
حضرتك قلتلي بتاع الازاز الي في الحي التامن في شارع حسن المأمون اسمه دكتور خالد
ممكن تقولي شارع حسن المأمون ده فين بالظبط في التامن يعني ادخله منين ؟ قربلي بس المكان الله يخليك
وبارك الله فيك
اعتذر عن التأخير لكن فعلا مشوفتش المشاركة الا دلوقتي
هو مش في حسن المأمون هو في شارع متفرع منه
لو عارفة مدرسة المنهل الشارع اللي قدامها اللي بيودي ع النادي الأهلي هتمشي في الشارع ده كأنك رايحة ع النادي الأهلي اول تقاطع تقابليه ( هتلاقيه ع النواصي بتوع فاكهة ) ادخلي يمين هتلاقي كام روشة جنب بعض هو هناك
و بخصوص العربية و الرخصة حاولي تتصرفي و خاصة ان دلوقتي اللجان و المرور ما شاء الله شادين حيلهم
إستحالة تكونى شارية العربية دون تسجيل أو توكيل لو عاملة عقد بيع بس دون تسجيل أو توكيل تبقى مشكلة كبيرة جداً جداً . أكيد حضرتك شارية العربية بتوكيل اللى عملتيه فى الشهر العقارى لما أشتريتى العربية ياريت تحتفظى بصورة منه مع الرخصة اللى تبيقى معاكى دايماً فى شنطة اليد بتاعتك أو فى محفظتك وأوعى تسبيهيها فى العربية
هو التوكيل ده بيغنى عن أى شىء لا ضرورة لوجود توكيل بالقيادة الكلام ده لو أنت مش شارية العربية يعنى مثلاً لو العربية بإسم زوجك أو والدتك أو أى حد تانى وأنت بتركبيها بس من غير ما تكون ملك يبقى لازم يكون معاكى توكيل بالقيادة . لكن التوكيل اللى أنتى عملتيه فى الشهر العقارى وأنت بتشترى العربية هو أقوى ودليل على ملكيتك للسيارة
الكلام ده كله طبعاً سببه سرقة السيارات المنتشرة يعنى لو حضرتك ورق العربية مش مظبوط حيفترضوا مبدئياً إن العربية مسروقة وحتتسحب منك العربية لحد ما تثبتى ملكيتك للسيارة وتجيبى الرخصة اللى بتكون بإسمك أو بتوكيل من اللى بإسمه الرخصة ليكى سواء توكيل بالتصرف والبيع ( لو شارية العربية ) أو توكيل بالقيادة لو أنت راكبة العربية بس وهى بتاعت حد من قرايبك مش ملكك
اخدت الرخصة النهاردة
:ask::hlopaet_prv: