محتاجة افادة بعد اذنكم بس بسرعة

**om mohammed** · 09-07-2008 03:17 AM

شوفت النهاردة عربية برودوا كانشيل موديل 2001 وعاملة 46الف كيلو وفيها سنتر وزجاج كهربا ومجهزة للتكييف لكن مفيهاش تكييف
وصاحبتها عايزة فيها 27 الف
عايزة اعرف دة فعلا سعر كويس ليها ولا كتير خصوصا ان العربية محتاجة وش نضافة وكوتش جديد وتكييف وهل التكييف ينفع لها ولا كتير على الموتور وهى 900 سى سى
انا طلبت منها انى ارفعها فى بنزينة وهى وافقت بس اهم حاجة عايزة اعرف دة سعر مناسب ولا كتير
محتاجة رد بسرعة لانها عايزة تعرف الرد بتاعى

وطبعا مفيش احسن من المنتدى هنا عشان تجاوبونى بصراحة خاصة انى معنديش اى خبرة فى العربيات غير السواقة فقط

**om mohammed** · 09-07-2008 04:45 AM

**hazem_khidr** · 09-07-2008 05:48 AM

يا اخت فيفيا ما تستعجليش انت باعته الرساله الفجر ف قليل لو كان حد قاعد.
بالنسبه للعربيه فالتمن دا يقل الف او اتنين و خصوصا انها غير مكيفه .
اما بالنسبه للتكييف ف مش حيبقي كويس علي العربيه للاسف لان الموتور صغير و حيخنق العربيه .
الخلاصه لو جبتيها حاولي علي 25 او 26 لو صممت اوك بس لما تبيعيها حتخسري.
التكييف تركيبه حيبقي حمل جامد علي العربيه .

**om mohammed** · 09-07-2008 06:30 AM

شكرا جدا لردك واهتمامك يا استاذ حازم
وممكن تقوللى ام محمد
انا فعلا حسيت انى مفيش حد موجود ممكن يرد عليا لأن الوقت دة مفيهوش اعضاء كتيير
اما بالنسبة لموضوع التكييف فى عربيات نفس الموديل بتبقى متركب فيها تكييف انا بصراحة افتكرت ان دة ممكن يكون عادى
من ناحية تانية انا مش عايزة عربية اخسر فيها على الاقل ابيعها بنفس تمنها دة لو حبيت اغيرها

يعنى رأيك ان هى مش فرصة

**hazem_khidr** · 09-07-2008 07:31 AM

الله يخليكي يا ام محمد
بصراحه مش فرصه و مش اي حد غاوي النوع دا يعني لما تيجي تبيعيها مش حتتباع بسهوله.
طب عاوز اعرف في حدود كام ناويع تدفعي علشان نشوف ايه الحاجه المناسبه ليكي

**mohamed2002** · 09-07-2008 12:44 PM

المشاركة الأصلية كتبت بواسطة hazem_khidr

الله يخليكي يا ام محمد
بصراحه مش فرصه و مش اي حد غاوي النوع دا يعني لما تيجي تبيعيها مش حتتباع بسهوله.
طب عاوز اعرف في حدود كام ناويع تدفعي علشان نشوف ايه الحاجه المناسبه ليكي

فعلا العربية سعر اعادة البيع بتاعها صعب شوية ,لكن هية عربية حلوة وصغيره وتمشي في زحمة القاهرة ,لكن قطع الغيار موجودة لكن مش منتشره اوي

**om mohammed** · 09-07-2008 04:12 PM

المشاركة الأصلية كتبت بواسطة hazem_khidr

الله يخليكي يا ام محمد
بصراحه مش فرصه و مش اي حد غاوي النوع دا يعني لما تيجي تبيعيها مش حتتباع بسهوله.
طب عاوز اعرف في حدود كام ناويع تدفعي علشان نشوف ايه الحاجه المناسبه ليكي

ممكن يكون معايا لحد 20 والباقى كنت هتصرف فية بس للسف الفوس اللى معايا تجيب 128 او 127 وانا مش بحب العربيات دى نظرا للسمعة الغير طيبة لحالات العربيات دى حاليا واللى معاة عربية نضيفة مش بيبيعها وانا مش بحب بهدلة العربيات عشان كدة لقيت ان البرودوا سعر كويس واهم حاجة البنزين عشان التوفير نظرا لانى مش بشتغل حاليا فلازم اوفر بالاضافة ان التوكيل بتاعها اللى فى طريق مصر الاسماعيلية سمعت انة كويس وقطع غيارها مش غالية اوى وبعدين انا دورت فى المنتدى هنا عليها هى مش منتشرة صحيح لكن عرفت ان هى عربية حلوة بس مش واخدة حقها
فاية رأى حضرتك فى الكلام دة

**mohamed2002** · 09-07-2008 04:41 PM

المشاركة الأصلية كتبت بواسطة veva

ممكن يكون معايا لحد 20 والباقى كنت هتصرف فية بس للسف الفوس اللى معايا تجيب 128 او 127 وانا مش بحب العربيات دى نظرا للسمعة الغير طيبة لحالات العربيات دى حاليا واللى معاة عربية نضيفة مش بيبيعها وانا مش بحب بهدلة العربيات عشان كدة لقيت ان البرودوا سعر كويس واهم حاجة البنزين عشان التوفير نظرا لانى مش بشتغل حاليا فلازم اوفر بالاضافة ان التوكيل بتاعها اللى فى طريق مصر الاسماعيلية سمعت انة كويس وقطع غيارها مش غالية اوى وبعدين انا دورت فى المنتدى هنا عليها هى مش منتشرة صحيح لكن عرفت ان هى عربية حلوة بس مش واخدة حقها
فاية رأى حضرتك فى الكلام دة

ممكن تكملي علي المبلغ ال 20 شوية وتجيبي ماروتي وسعر اعادةالبيع حلو لانها عربية مطلوبة وقطع غيار في كل حتة

**أبو عبدالله** · 09-07-2008 06:37 PM

المشاركة الأصلية كتبت بواسطة veva

شوفت النهاردة عربية برودوا كانشيل موديل 2001 وعاملة 46الف كيلو وفيها سنتر وزجاج كهربا ومجهزة للتكييف لكن مفيهاش تكييف
وصاحبتها عايزة فيها 27 الف
عايزة اعرف دة فعلا سعر كويس ليها ولا كتير خصوصا ان العربية محتاجة وش نضافة وكوتش جديد وتكييف وهل التكييف ينفع لها ولا كتير على الموتور وهى 900 سى سى
انا طلبت منها انى ارفعها فى بنزينة وهى وافقت بس اهم حاجة عايزة اعرف دة سعر مناسب ولا كتير
محتاجة رد بسرعة لانها عايزة تعرف الرد بتاعى

وطبعا مفيش احسن من المنتدى هنا عشان تجاوبونى بصراحة خاصة انى معنديش اى خبرة فى العربيات غير السواقة فقط

بصراحه انا اختلف مع أخوتي لأن العربيه مناسبة جدا جدا لظروفك وسعرها مناسب جدا العربيه دي بيطلب فيها في الثلاثينات وكمان موديلات التسعينات
وممكن تدوري على النت على المستعمل بتاعها هتلاقي اسعاره في الثلاثينات

اما عن العربيه جميله جدا واداء عالي وتوفير في البنزين محصلشي
وانصحك بها بعد الأستخارة ان شاء الله

**mohamed ibiza** · 09-07-2008 06:46 PM

في رأيي صفقة لا تستحق الاقتناص...

اولا التكييف هيكلفك ما لا يقل عن 1500 جنيه علي ما اعتقد و كمان الموتور صغير و التكييف هيبقي عبيء عليه

و حضرتك بتقولي عايزة تترش يعني لو رشيتيها بوية اوميجا تاخدلها في حدود كيلو و نص و الكيلو دلوقتي بحوالي 90 جنيه و لسه كمان نفس الكمية ورنيش غير المصنعية و دي بوية رخيصة اساسا لو هتحطي حاجة نضيفة هتجيبي مثلا بوية Rm الكيلو ب 200 جنيه و ورنيش برضه العملية مكلفة كده كمان اعادة البيع بتاعتها في الضيااااااااااااااااااااا اااااااااااااااااااااع يعني حضرتك لو خدتيها ب 27 الف و تكييف و و رش يعني هتعدي 2000 جنيه مصاريف يعني داخلة علي 30 الف لو جيتي تبيعي مش هتجيبلك الرقم ده اصلا لو عايزو تجيبيها خلصيها ب 24 الف اكتر من كده في رأيي يبقي كتير عليها
و حضرتك كمان قلتي انها عايزة كاوتش شوفي النهاردة اسعار الكاوتش وصلت بقت كام يعني انا من سنتين كنت بجيب الفردتين للابيزا ابريد جستون اندونيسي 175\65 جانط 14 ب 560 جنيه شوفي دلوقتي سعر الفردة وصل كام اكيد طبعا الكانشيل مقاسها اقل بالتالي ارخص بس برضه هتبقي مكلفة

الموضوع: محتاجة افادة بعد اذنكم بس بسرعة

LinkBack

أدوات الموضوع

عرض

محتاجة افادة بعد اذنكم بس بسرعة - انشر الموضوع فى :

-

-

-

-

المواضيع المتشابهه

محتاجة افادة الله يكرمكم

محتاجة مساعدة إني اقرر اشتري عربية...ممكن مساعدة بسرعة

محتاجة مساعدة بسرعة بليييييييز

بعد اذنكم ممكن اعرف اسعار الحاجات دى بسرعة

محتاجة نصيحتكو ضروري و بسرعة ....بيطفشوني من الشغل اعمل ايه ؟؟

الكلمات الدلالية لهذا الموضوع

المفضلات

المفضلات

ضوابط المشاركة