السلام عليكم
عندي مشوار بكرة في مكتب امين الجامعة و محتاج اعرف اركن فين
كان فيه زمان ساحة انتظار جنب تجارة
ايه الوضع دلوقتي؟
عرض للطباعة
السلام عليكم
عندي مشوار بكرة في مكتب امين الجامعة و محتاج اعرف اركن فين
كان فيه زمان ساحة انتظار جنب تجارة
ايه الوضع دلوقتي؟
موجوده وممكن تلاقى فى شارع قصر الزعفرا بس انت وحظك ايه ده ده احمد كمال هنا متصلتش ليه يا تيييييت اشوفك واحشنى
أزيك يا أحمد باشا ومنور مصر
بص يا باشا هى الساحه اللى جنب كليه التجاره المفروض إنها موجودة
لكن الأفضل إنك تركن فى الشارع اللى جنب مستشفى عين شمس التخصصى والشارع كبير وفى أماكن كتير قدام المستشفى وهيكون دة أفضل لك لو جاى من مصر الجديدة أو مدينه نصر إنك تيجى من صلاح سالم وتدخل الشارع اللى بعد كوبرى الفنجرى اللى هو نهايه عمارات العبور وبعدها بيبتدى سور حاجه خاصه بالجيش مش فاكر إسمها . المهم هتدخل بعد نهايه السور دة للاخر هتلاقى على اليمين سور المعهد للقوات المسلحه والجهة المقابله سور مستشفى عين شمس التخصصى وهو دة اللى تركن قدامه لأن المعهد مش مسموح الركن قدامه .
لأنك لو عاوز تركن فى ساحه كليه التجارة هتضطر تنزل ميدان العباسيه وترجع تانى لو جاى من الخليفه المأمون ولو جاى من صلاح سالم برضو هتضطر تروح العباسيه والعباسيه الصبح بشعه .
وتوصل بالسلامه .
الباركينج اللى جنب المستشفى فيه عيال سايس وهياخدوا فلوس منك ومش هتلاقى المكان الا بعيد شويتين يعنى هتمشى شوية محترمين وهتدفع فلوس للعيال بتاع البارك
شارع بتاع المدينة الجامعية واداب اللى بيودى على قصر الزعفران مشكلة الشارع ده زحمة جدا وممنوع الوقف وساعات الكلابش بيعدى من هناك ويكلبش فى الكل
افضل حل باركينج الكلية هو مش فاكر تقريبا ل 2.5 او 5 جنية مدة مفتوحة وهتلاقى اماكن وجنب الجامعة عالطول
دى خبرة يجى 5 سنين
انت محتاج توثق ورق لو رايح علشان كدة قولى وهساعدك علشان انا لسه عامل الموضوع ده ليا
أنصحك بالبارك اللي ذكرته حضرتك ..
لأنه أمان في المقام الأول .
عارفين يا جماعه .. أيام الكليه كنت بركن فيه من 15 سنه ..و كان أرض تراب .. دلوقتي بقي أسفلت ..
أنا قلت 15 سنه؟.. تصدقوا أول مره أحسبها إني متخرج من 15سنه .
تفتكروا الواحد يروح الكليه يستخرج شهاده التخرج النهائيه؟
أنا علي حد علمي إنها بتستخرج بعد 10 سنين من التخرج.
البارك اللي بجوار باب كليه التجاره مباشره
البارك لسة موجود يا ابو كماال جنب باب تجارة ... و يعتبر ارخص بارك فيكي يا جمهورية مصر العربية ب 2.5 بس :d
اه شكلها شيك
انت دفعة كام
انا خريج تجارة ٢٠٠٠ م
هل الشهادة النهائية ليها لازمة؟
يعنى الموضوع يستاهل المشوار؟
تحياتى لخريجى تجارة
هى تعتبر الشهادة النهائية
وشكلها حلو لو عايز تبروزها
موجود يا باشا الجراج و هو اسلم حل لانة اولا رخيص بى 2.5 جنية وثانيا لازق فى تجارة انا بركن فية على طول