بخصوص شهادة المخالفات الخاصه برخصه القياده

**AHMEDCAR** · 29-10-2012 10:20 PM

السلام عليكم

حاليا انا هجدد رخصه القياده و انا تبع مرور مدينه نصر يعنى هروح التجمع علشان اجددها بس فى ناس قالتلى لازم تجيب شهاده مخالفات الاول من مرور مدينه نصر اللى فى رابعه العدويه هل الكلام ده صحيح

**Mohamed.Fawzy** · 29-10-2012 10:27 PM

ايوه صحيح ... لازم تجيب شهاده مخالفات من نيابه المرور التابع لها رخصه القياده

**Land_Cruiser** · 29-10-2012 10:32 PM

:b4_095:

المشاركة الأصلية كتبت بواسطة ahmedcar

السلام عليكم

حاليا انا هجدد رخصه القياده و انا تبع مرور مدينه نصر يعنى هروح التجمع علشان اجددها بس فى ناس قالتلى لازم تجيب شهاده مخالفات الاول من مرور مدينه نصر اللى فى رابعه العدويه هل الكلام ده صحيح

فعلا لازم الاول تجيب شهاده مخالفات لرخصه القياده بتاعه حضرتك من المرور اللى حضرتك تبعه اللى هو مرور مدينه نصر و هتحتاج كمان ٣ او ٤ صور شخصيه (خللى معاك ٤ اضمن) و شهاده باطنه و عيون و فصيله دم دول المفروض تحضرهم الاول و بعد كده تروح القياده المؤمنه اللى فى التجمع الخامس علشان تخلص باقى الاجراءات و تتصور و ان شاء الله تستلمها فى نفس اليوم . بالمناسبه علشان تجيب شهاده مخالفات رخص القياده دى هتقف على الشباك بتاع مخالفات رخص السيارات برضه لكن مش هتجيب استعلام لوحات منصرفه و لا حاجه زى بتوع رخص العربيات. حضرتك هتقف فى الطابور و هتديله رخصه القياده و البطاقه فقط علشان ما تعدش تلف على الفاضى و ربنا معاك فى الطابور :)