كاوتش هيونداى النترا 2008

**welly2000** · 29-10-2012 11:38 PM

طالب مساعدتكم يا رجالة فى اختيار كاوتش لعربيتى النترا 2008 مقاس 195/65/r15
سمعت من ناس كتير بيشكروا فى الهانكوك بس للأسف مش عاجبنى خالص اول سبب صوتة عالى جدا ومزعج لو مش قافل الإزاز تانى حاجة باظ بسرعة جدا يعنى عربيتى عاملة 75000 كيلو غيرتو مرتين اول مرة كان نازل مع العربية غيرتة على 45000 وما كنش عاجبنى بس لما جيت اغير قولت اريح دماغى واجيب زى اللى كان نازل مع العربية وخلاص تانى مرة ما كملش 30000 وعامل مشاكل باعبيط صوت عالى وصرخة مع الفرامل خلانى اروح التوكيل مرتين وظبطت الزوايا برة التوكيل مافيش اى مشكلة ولا فى العفشة ولا الزوايا اخر مرة فى التوكيل قالولى عيب كاوتش
المهم انا طولت عليكو عاجبنى البريدجستون اليابانى التورانزا g90 ناس كتير اوى بيشكرو فيه بس مشكلته انه غالى اوى الفردة عاملة حوالى 670 جنية
بفكر فى الفاير ستون التايلاندى tz700 مش عارف كويسة ولا لأ؟؟؟؟؟؟؟؟؟؟؟
يا ريت لو حد يفيدنى فى ايه كويس مع العلم انى بجرى بالعربية يعنى يا ريت لو كاوتش يكون صوتة هادى وبيدى ثبات وفرامل كويسين ويكون بسعر معقول ولو مافيش هضطر استنى للشهر اللى جى واجيب التورانزا وامرى لله

سمعت من بعض الزملا ان توكيل بريدجستون بيدى خصم لاعضاء المنتدى لو حد يعرف ازاى الواحد ياخد خصم

**HOSSAM99** · 30-10-2012 12:03 AM

هو فعلا ثمن الفرده غالي لكن تقدر تمشي بها مطمن لغاية 75000 كم بدل ما تغير مرتين كاوتش و التورانزا هي أهدي صوت كاوتش في مصر
لو مخطط للعربيه تبقي مع حضرتك أكثر من 60000 كم يبقي علي طول بريدجستون ياباني

الفايرستون مع إنه موجود في فروع بريدجستون إلا إنهم عمرهم ما عرضووه علي و لا ذكروه و أنا بشتري كاوتش (معرفش عنه حاجه )

الأفضل بريدجستون ياباني أو بريدجستون MYo1 تايلندي و أظن الأخير مش أرخص بكتير

**welly2000** · 31-10-2012 08:01 PM

متشكر اوى يا باشا على ردك هستنى ان شاء الله واجيب البريدجستون اليابانى حد عندة فكرة عن اليوكوهاما اليابانى واسعارة

**moumen_hs** · 03-11-2012 11:37 AM

البرجستون أحسن من اليوكوهاما والكونتننتال جامد فرنسى أنا لسة جايبة بس مقاس 185 / 15 /65 كان ب 525 جم جامد والمقاس بتاع حضرتك ارخص مش عارف لية 490 : 480 أنصحك جيبة وخد بالك من تاريخ الانتاج لاى كاوتش وبالتوفيق

**himabmw** · 04-11-2012 12:17 AM

أنصحك بالبريد جستون الفرن ساوى جميل آوى وصوته وأطى خالص يعمل حوالى ٥٥٠ اكتر شوية

**welly2000** · 04-11-2012 06:34 PM

هو فيه بريدجستون فرنساوى؟؟؟؟؟
دى معلومة جديدة بالنسبالى بس مافيش حد عندة اى فكرة عن الدانلوب الألمانى اذا كان كويس ولا لأ بصراحة لو كويس وكاوتش المانى بالسعر ده يبقى حاجة ممتازة