الخلاصة أنا طولي حوالي 178 سم و وزني حوالي 105 كيلو..وعندي دهون زيادة في جسمي..
أنا مشكلتي إن الحرق عندي مش قوي.
محتاج حد فاهم يدلني إزاي أقدر أخس في زمن قياسي ويبقي شكلي كويس لأن الموضوع مضايقني خاصة في اللبس.
وشكرا مقدماً
عرض للطباعة
الخلاصة أنا طولي حوالي 178 سم و وزني حوالي 105 كيلو..وعندي دهون زيادة في جسمي..
أنا مشكلتي إن الحرق عندي مش قوي.
محتاج حد فاهم يدلني إزاي أقدر أخس في زمن قياسي ويبقي شكلي كويس لأن الموضوع مضايقني خاصة في اللبس.
وشكرا مقدماً
حضرتك جربت دكتور تغذية؟
هو اللي هيفيدك
وكل ما عدا ذلك فتي أو تجارب شخصية مرة تصيب وعشرة تخيب
والل ينفع زيد ماينفعش عبيد
دوّر على دكتور ثقة ووفّر وقتك وصحتك
المشي ساعه يوميا و الجري و لو قادر علي السباحه توكل علي الله و لا تنس عدم تناول اي نشويات و قلل من السكريات
السمنة مصيبة كبيرة
ان شاء الله ناوي اروح لدكتور تخسيس الاسبوع ده في مدينة نصر و الصراحة عامل شغل جامد مع كذا واحد من العيلة و ده اللي شجعني اروحله , كمان زهقت من شكلي اللي عامل زي الكورة ... انا بقيت بدحرج مش بمشي يا ناس
د/ ماجد زيتون
بشارع النزهه قبل كنيسه سانت فاتيما .
صديق ليا جربه و كانت النتيجه ممتازه في زمن قياسي.
السمنه نتيجه للعادات الغذائيه الغير صحيه ... انا طولى 192 و وزنى وصل ل 145 و حاليا 128 و لسه ناوى انزل ان شاء الله ...
انا ماشى مع دكتور بس الموضوع ممكن يتلخص فى شوية نصايح لو مشيت عليها (كلها) هتخس (النصايح كلها مهمه مش بترتيب معين)
1- متاكلش غير لما تجوع مش عشان معاد الاكل جه و الاكل اتحط تاكل !!! و لو بتجوع بسرعه قسم وجبتك على اجزاء
2- قلل من كمية الاكل يعنى متقومش و انت شبعان 100% و فعلا حديث الرسول صلى الله عليه و سلم "نحن قوم لا ناكل حتى نجوع و اذا اكلنا لا نشبع" هو الطريق الصحيح
3- ابعد عن الرمرمه و الjunk food
4- وجبتك متكامله يعنى تاكل نشويات و بروتين و خضلر بس قلل النشويات (رغيف او رغيفين بس فى اليوم ... لو رز يبقى 4 -5 معالق بس فى الوجبه) متاكلش لحمه ملبسه و حاول الطبيخ يكون بزيت قليل و يستحسن زيت زتون ... السلطه الخضرا (البلدى) او كل حاجه لوحدها (خيلر- جزر- فلفل- طماطم-خس ...) هم الصديق تخليهم معاك فى اى وقت جعان اديها خضار
5- اخر اكل يبقى مش بعد 7-8 بالليل و ده لو هتنام على 12 ... لو هتنام بدرى يبقى اخر اكل قبل 4 ساعات من النوم
6- الشاى الاخضر ممتاز
7- متزودش عن 4 معالق سكر فى مشروباتك فى اليوم
8- نام كويس و يستحسن بدرى
-9 الرياضه على الاقل من نص ساعه لساعه لو تقدر كل يوم بس لو متقدرش يبقى يوم و يوم و يستحسن فى نفس التوقيت عشان جسمك يتعود انه يحرق فى الوقت ده و متشربش ميه او تاخد دش غير بعد ما تخلص المجهود بنص ساعه على الاقل
10- طبعا انسى البيبسى و المياه الغازيه ... ممكن الدايت بس يستحسن تقلل منها كمان
+111111111111111111111
اسمح لى ازود حاجه على الكلام اللى فات
الشاى الاخضر - القرفه - الجنزبيل - شاى التخسيس - كل ده كلام فى الجون
اشرب على قد ما تقدر سوائل فى اليوم وعلى الاقل 4 لتر ميه يوميا ويسلام لو توصل ل 6 لتر ميه فى اليوم
زى ما استاذ محمد قال لحضرتك اجمالى السكر فى اليوم ميزدش عن 4 معالق فى كل مشروباتك - وان كنت افضل انك بالكتير تاخد معلقتين سكر بس فى اليوم مقسمه على 8 أكوب مشروبات ساخنه
.
ممنوع حضرتك تشرب ميه ساقعه خاااااااااااااااااااالص
الحاجات الساقعه الدايت ممنوعه خاااااااااااااااااالص
دور على اى رياضه مهما كانت تافهه تقدر تمارسها يوميا وتعملها كالتالى - ثبت وقت معين تتمرن فيه على سبيل المثال - كل يوم الساعة 7 لازم تتمرن لمدة 30 دقيقه - الجميل انك تبقى فاضى الساعه 9 مثلا اتدرب ان شاء الله حتى لمدة 5 دقائق - بمعنى اصح حاول تعمل اى مجهود بسيط بشكل متواصل لمدة 5-10 دقائق
.
حاول تاخد اى فيتامينات مره واحده فى اليوم وتكون الصبح وبرضو معاها كمية مياه كبيره
كل 20 أو 25 يوم اجبارى ليك 3 ساعات تاكل فيهم اللى انت عايزه - واذا كنت من هواة الدهون اديها ما ترحمهاش ومتخفش - وان شاء الله هاتلاقى نتيجه مبهره بعد أول 30 يوم
يفضل انك تروح لدكتور تغذيه لأنه هايوصلك لنتائج احسن وفى وقت أقل
كل تعليقات و نصائح الاخوة رائعة لكن صدقنى أهمهم انك تروح لدكتور تغذيه لأنه هايتاعك و يتابع وزنك وهايوصلك لنتائج احسن وفى وقت أقل و مش مكلف تقريبا اول مرة حوالى 40 او 50 جنيه و كل زيارة بعد كده فى حدود 5 او 10 جنيه على حسب الدكتور
الاراده ثم الاراده ثم الاراده
معندكش أراده عمرك ما هتخس حتى لو رحت لأعظم دكاتره العالم
^_^
الدكتور بالنسبالى هو مجرد عامل نفسى لو هتمشى على الطريقه الغذائيه الصحيه لوحدك ممكن متحتاجوش
الاهم فعلا هو الاراده يعنى هتلاقى نفسك خارج مع اصحابك و بيضربو اكل و عينك هتطلع عليه و جعان و هم مبيستروش عمالين يوسوسولك ما تاكل و كده .... الاراده انك تقول لأ :))))
وقد تحتاج الاستعانة بأدوية مساعدة طالما الارادة ضعيفة
بيتكلموا مؤخراً عن (الميزو أورال) لذوى الإرادة الضعيفة وأنه بيخسس 10 كيلو فى أربعين يوم على وجبة غذائية متوازنة.
مشكلة الادويه ان دايما بيكون ليها اثار جانبيه على الكبد ... بتكون long run بس متضمنش اللى بياخدها هيستعملها صح ولا لأ ... لو هيستخدم ادويه يبقى فى رأيى لازم يمشى مع دكتور و يسمع كلامه ياخدها امتى و ازاى و يوقفها لما يقوله يوقفها
إضافة سريعة
كنت قرأت من قريب على اسلوب للحياة life style اسمه علم اللقيمات
مرحبا بكم فى الموقع الالكترونى لدكتور الهاشمى - الصفحة الرئيسية
و ده رابط الكتاب و فعلا مفيد جدا
معاكو في المشوار ده لو الواحد تخلص من شيكارة الاسمنت -حوالي 50كجم-اللي ملازماه دي طول الوقت حيبقي ميه ميه
بس انتي فيييييين يا ارادة
هووف