عاوز أعمل مشروع .. زهقت من الشغل .. بفكر ف مشروع مطعم كريب

**cutie_honey** · 16-02-2013 05:44 PM

انا عارفة ان الموضوع قديم وممكن تكون انت صرفت نظر عنه او ممكن عملته بس لو ناوي تفتح محل "كريب " نصيحة مني افتحه في حتة حلوة اوي (زمالك + مهندسين + الميرغني .....) المناطق اللي عليها رجل كتير واللي الناس ممكن في يوم عادي تعدي من جمبها بالصدفة ومرة تانية تيجي بشلة من اصحابها ((( انا شخصيا حصللي الموقف دم مع محل وافيليشيوس Waffilicious)))
كمان ناس المناطق دي ممكن تدفع ٢٠ جنيه في كريب لكن في حتة تانية صعب
لأن لاحظ مكوناتها غالية اوي ( كريب النوتيلا والموز) بكام النوتيلا اصلا ! و التوبينجز لازم كل الاشكال والانواع اللي في الدنيا
زي المالتيزرز + سنيكرز + بلوبري ....الخ فيه شريحة من الناس ما تعرفش ايه دول ؟ ف انك تفتح الحاجة الصح في المكان الغلط حتضيع مجهودك وتخطيطك كمان اعمل حسابك في محل فيه امكانيه وضع ٣-٤ ترابزات برة مثلا ؟ زي زوبا zooba في الزمالك ده طبعا في حال امتلاء المكان في الداخل
وفي الاخر احب اتمنالك التوفيق والنجاح

**mxz911** · 17-02-2013 04:39 AM

المشاركة الأصلية كتبت بواسطة ahmedeihab

موفق ان شاء الله

اهم حاجه اختيار المكان المناسب

^_^

ربنا يكرم وان شاء الله لو لقيت مكان مناسب هبدأ

المشاركة الأصلية كتبت بواسطة alynubira

تمام تكلفه المشروع مش ةكبيره فغلا
بس انت زهقت من الشغل هههههههههههههههههه ده انا نفسى اى حد يشغلنى واسيب التجاره خالص
بص اول عيوب التجاره انك واخد الشغل معاك فى كل حته البيت الاجازه يعنى انسى انك تتهنى
تانى العيوب الموظفين يعنى اقل محضر ب 5000 جنيه وممكن سنه حبس و 10000 جنيه
عايز نصحتى خليك فى شغلك

أكيد مش عاوز مشاكل كده بس أعتقد الكلام ده فى حاجه غير المطاعم مثلا . لأن حضرتك بتقول تجاره وانا شايف ان المطعم مش هتكون تجاره وفيها مشاكل التجاره . وربنا يكرمك بأحسن شغل

المشاركة الأصلية كتبت بواسطة cutie_honey

انا عارفة ان الموضوع قديم وممكن تكون انت صرفت نظر عنه او ممكن عملته بس لو ناوي تفتح محل "كريب " نصيحة مني افتحه في حتة حلوة اوي (زمالك + مهندسين + الميرغني .....) المناطق اللي عليها رجل كتير واللي الناس ممكن في يوم عادي تعدي من جمبها بالصدفة ومرة تانية تيجي بشلة من اصحابها ((( انا شخصيا حصللي الموقف دم مع محل وافيليشيوس Waffilicious)))
كمان ناس المناطق دي ممكن تدفع ٢٠ جنيه في كريب لكن في حتة تانية صعب
لأن لاحظ مكوناتها غالية اوي ( كريب النوتيلا والموز) بكام النوتيلا اصلا ! و التوبينجز لازم كل الاشكال والانواع اللي في الدنيا
زي المالتيزرز + سنيكرز + بلوبري ....الخ فيه شريحة من الناس ما تعرفش ايه دول ؟ ف انك تفتح الحاجة الصح في المكان الغلط حتضيع مجهودك وتخطيطك كمان اعمل حسابك في محل فيه امكانيه وضع ٣-٤ ترابزات برة مثلا ؟ زي زوبا zooba في الزمالك ده طبعا في حال امتلاء المكان في الداخل
وفي الاخر احب اتمنالك التوفيق والنجاح

صح كلامك مظبوط جدا وانا عارف دول كلهم . وهيه فعلا أهم حاجه . زى مثلا بتاع الوافل اللى ورا جنينه مول ( واخد حته صغيره أوى من محل Quick ) اللى جنب أشرف فرغلى . تقريبا واخد متر فى متر . مكانه المميز جدا بيخلى ناس تجيله بكميه محدش يتخيلها
كريبو اللى فى الكوربه جنب قهوه أسوان ... بصراحه محل جودته مش عاليه . اكله مش بحس انه نظيف أوى .لكن عشان لازق فى قهوه أسوان فهوه بيجيله كميه رهيبه من الناس . انا شغلى كان فى الكوربه وبعد على قهوه أسوان كتير وبشوف انه مش ملاحق أصلا على الزباين ماشاء الله
ونفس الكلام بالنسبه ل كريبيانو اللى فى أول مكرم عبيد ناحيه الاكشاك بس ده نظيف حسب ما انا شايف
بالنسبه لأسعار مكونات الكريب . اانا بدقق كويس الناس معظمها اللى بتعمل كريب والشوكولاته فيها حلوه زى النوتيلا بالظبط . بيستخدمه نوع شيكولاته اسمه NuCream دى العلبه الصغيره منها ال 200 جم ب حوالى 9 جنيه ونص . اما النوتيلا ال 200 جم ب حوالى 17 جنيه ( قرب يبقى ضعف السعر ) وبالنسبه لطعم الشيكولاته ف أنا قلت اشوف بنفسى وجبت NuCream دى ودوقتها ... بجد بجد رهيبه ! انا مصدقتش انها بالطعم ده وانا أصلا مكونتش بشترى غير نوتيلا فى البيت بطلت اجيبها وبقيت اجيب NuCream

أنا سعيد انى اتكلمت مع حد شايف الدنيا اللى انا شايف وفاهم أصدى . وشكرا جزيلا لباقى اعضاء نايل موتورز على مشارتكم الطيبه

والمحل اللى كنت كاتب عنه فى أول الموضوع خلاص مش هينفع أعمله كريب دلوقتى . لأنه مطعم صينى ( ملكنا برضه ) بس كنت بفكر أمسك انا موضوع الكريب كله من أوله لأخره لكن نظرا لأنشغالى أجلته مؤقتا . وهشوف مكان تانى أحسن ان شاء الله
وعلى فكره انا مصرفتش نظر عن الموضوع .. ممكن نقول مثلا اتأجل شويه لأنى اتشغلت فى حاجات كتير جدا .. بس انا مش بقترح حاجه الا اما اكون ناوى اعملها ان شاء الله

**mxz911** · 17-02-2013 05:03 AM

أسف اسمها NuCrema مش NuCream

ودى علبتها :

**Ahmed_selmy** · 17-02-2013 11:10 AM

ربنا يوفقك .... بس متسيبش شغلك غير اما مشروعك يقف على رجله.

**Hossam_hassan4** · 17-02-2013 02:13 PM

انا بصراحه مش مع فكره الكريب اوي لانها انتشرت جداا و زي ما تقول خلاص حاجه الناس جربتها و زهقت منها :). مش بحبطك الله اعلم. ممكن ينجح بسبب ان مفيش جنبك ماكن بيعمل اكل كويس مثلا

فكره الوافلز كنت هقولك عليها دي كويسه اوي بس برضه هلي حسب المكان

**mado83** · 17-02-2013 02:39 PM

خليك فى سندوتشات الجمبرى وانا ممكن اوردلك الجمبرى كمان

**sha2e** · 17-02-2013 04:05 PM

محدش عاجبه حاله :)
كل حاجه ليها مميزتها وعيوبها
كونك شغال فى مكان عيوبه انك بتكون تحت سلطه المدير لكن على الجانب الاخر انت مش شايل هم حاجه كسب - خسر - مشاكل اداريه - قانونيه - انت ملكش دعوه بكل ده

كونك صاحب مشروع بصراحه عيوبها أكتر :
اول حاجه : عشان تفتح مشروع جديد بتحس قبل افتتاحه واوله بضغط نفسي رهيب لانك بتكون خايف انه ميحققش العائد المتوقع منه وساعتها هتحمل نفسك المسئوليه كامله
ثاني حاجة ادارة المشروع : اى مشروع فى دنيا بيكون قايم على التعامل مع تلات اطراف اساسيه
الطرف الي بتشتري منه المكونات او الجملة او المنتج الاولي ودول في فترة من الفترات هتحس انك تحت ايديهم ولو حاسو ان مشروعك شغال كوس هيبدؤا ينفسنو منك ويشجعوا ناس تانيه انها تفتح قريب منك وتنافسك واهو كلو مكسب ليهم
الطرف الي بيشترى منك المنتج بتاعك : ودول لازم تتحمل رزالة بعضهم عشان متخسرش جزء من عملائك وميتقلش عليك " تنك " ويطلعك سمعه
الطرف الثالث الناس الى شغاله عندك فى مشروعك ودول بيكون فيهم ناس يكفروا سيئات اى حد ومشاكلهم مبتخلصش

ده غير بعض الاطراف التانيه الى مبجيش من وراها غير كل شر زي بعض الجهات الحكوميه : ضرايب - تأمينات - صحة - بيئه وامن صناعي ........الخ

وزي مقال بعض الاخوة لما تكون شغال فى مشروع شغلك بيبدأ من الساعه كذه للساعه كذه فقط لكن لو انت صاحب المشروع تفكيرك فى شغلك بطول اليوم "هم وخصوصا فى اوله "

نصيحة اخيره لو انتم ليكم مشروع بتاعكوا وليكم خبرة فيه حاول انك تشتغل فيه وتنمية وتكبره افضل من الدخول فى مشروع جديد وتحمل المخاطره خصوصا فى الايام الى احنا عيشنها دلوقتي