ماهو السنه الميته دى لازم منها ياباشا علشان الماستر العمومى مايكونش مضغوط على طول و بعد فتره تلاقيه بضرب
ماهو السنه الميته دى لازم منها ياباشا علشان الماستر العمومى مايكونش مضغوط على طول و بعد فتره تلاقيه بضرب
لا ياباشا العربيه و هيه زيرو بيكون فيها كده و تعالى للاى معرض نجرب
لا انا اختلف معاك في النقطه دي انا معايا العربيه من الزيرو 2008 -1600 ولغايه دلوقتي فاكر حساسيه الدوسات وبذات الفرامل لان اول مشوار وانا وخدها من التوكيل الي المرور فضلت اظبط رجلي لان الفرامل كانت علي الشعره
وبعدين منظومه الفرامل بتبقي لسه التيل الامامي والخلفي جداد -زيت الفرامل لسه بخواصه-منظومه الفرامل لسه مدخلهاش هواء- الطنابير لسه مخسش منها حاجه
انما بعد كده كل حاجه بتختلف التيل بيتاكل -الزيت خواصه بتقل -المواسير بيخشلها هواءه -الطنابير بتخس
دا الواحد لما بياخد الهواء بس اداء الفرامل بيتغير
ولو كلامك صح وان فيها السنه دي حتبقي نفس السنه بعد5 سنين استعمال
طيب انت حضرتك مجتش ناحيه الرجلاش ده خالص
وبعدين الرجلاش لو بصيت عليه مفهوش رجلاش كتير زي ماحضرتك مفكر دايدوب لفه وانا لما شرحت قلت ربع لفه ونجرب
يا ريت يا رجاله نجيب معلومات و ننشرها بدون مشحنات أو تشهير أو شخصنه ملهاش لزمه
كل واحد يفدنا باليعرفه
و ممكن نتقابل نطبق الكلام و نشوف فكرة كل واحد على الطبيعه
ربنا ينفعكم بما عندكم من علم و نفعنا الله بكم
انا بقول لحضرتك تعالى نجرب اى عربيه زيرو و نشوف مع بعض لازم يكون فيها سنه خفيفه جدا جدا و انا برضو عربيتى من 2008 معايا من الزيرو و عملت بيها حاليا 90 الف كيلو و الحمد لله مش حاسس الاحساس اللى انت بتقول عليه ده و على فكره انا على 60 الف غيرت كل الزيوت من باور و فرامل و دبرياج يمكن علشان كده انا محستش باللى انت حاسس بيه
بص انا هبص على عربيه لانوس عندى و اشوف فى رجلاش فى الدواسه زى الفيرنا ولا لأ بس اللى متاكد منه انه مافيش قيها رجلاش بين الماستر و السيرفو و بصراحه الفيرنا مش عارف فيها رجلاش بين الماستر و السيرفو لا لأ
الاخ aymn6666 بعد التحيه
في مثل شعبي بيقول كل شيخ وله طريقة
يعني تجربتك في موضوعك ازاي ترجلش دوسات وفرامل اليد للفيرنا
وشرح طريقتك ممكن تختلف عن طريقة شخص أخر يعني انا اعرف ميكانيكي لما بيكشف على موتور عربية بيجيب خشبة مقشة ويحطها على الموتور ويحط الخشبه في بقه ...!!! الغريب انه بيقولك الموتور فيه ايه ...!!!
كنا في عيد قبل كدة ومعايا عربية انا وصديق ولقيت الراديتير بيخر ميه فكلمته قالى حط معلقة بن في الراديتير والتنقيط هيختفي ...!!! الغريب ان في ناس كتير بتروح للمكانيكي ده وكنت رحت له في تصليح عربية غلب حمار كل الميكانيكية فيها وهو اللى جاب الزتونة التايهه وصلحها ... الراجل ده كبير في السن كان بيقولي انه كان زمان قبل الخراطة لما وش سلندر يفقع بيحطه على وش الموتور وبينهم ورقة سنفره حدادي ناعمه ويفضل رايح جاي الى ان يطبع الوش على الموتور ...!!! ولما بناقش طريقة الميكانيكي ده في الكشف والتصليح مع اي ميكانيكي اخر يقولي معقول هو فيه حد كدة ...!!!
الباشمهندس Mista Lonewolf من الشخصيات المحترمة والمعروفة وراجل دماغة ذرية في المكن والكهرباء عن دراسة وبيشتغل بإيده وطبيعة عمله في مواقع البترول وصدقني لو قابلته في مقابلة هتعرفه كويس
لما قرأت الموضوع بداء باختلاف وجهات النظر الفنية بينكم ولقيته اخد منعطف تاني بينكم ....!!!!
وعجبني رد الاخ SaberMan
يا ريت يا رجاله نجيب معلومات و ننشرها بدون مشحنات أو تشهير أو شخصنه ملهاش لزمه
كل واحد يفدنا باليعرفه
و ممكن نتقابل نطبق الكلام و نشوف فكرة كل واحد على الطبيعه
ربنا ينفعكم بما عندكم من علم و نفعنا الله بكم
فياريت نهدي الحوار بينا ونستعيذ بالله ونفضل اخوان وزملاء واصحاب
وتقبلوا تحياتي ...