فى رأى اة الألنترا احسن
فى رأى اة الألنترا احسن
اولا : كلنا متفقين ان كل عربيه ليها مميزات وعيوب بس انا شايف ان عيوب الالنترا لا تغتفر انما عيوب اللانسر فى حدود المسموح بيها يعنى مثلا لو عملنا مقارنه سريعه :
اللانسر توكيلها ممتاز لا يقارن بغبور
اللانسر اعاده بيعها اعلى بكتير ولو عاوز تبعها بكره هتبعها انهارده
الاعتماديه والعمر الافتراضى وقطع الغيار اللانسر تكسب
بالنسبه لقوه الصاج لو فى اللانسر صاجها ضعيف يبقى الالنترا مفهاش صاج اساسا
والالنترا تكسب فى عزل ونعومه المحرك والباور اخف بس برضه مش وحش اوى فى اللانسر
بالنسبه للشكل ده مسأله اذواق واعتقد استهلاك البنزين متقارب والثبات ايضا
يبقى فى المحصله النهائيه اللانسر تكسب عن جداره
لانسرررررررررررررررررر
لانسرسررسرسرسسررسرسرسرسرر ررررررررر
على فكرة انا من انصار المتسوبيشي
للأسف للأخ اللي بيسأل مش هتقدر تغير ثقافة شعب اللانسر عامله زي الموبايل النوكيا كده في مصر بس لو انت مرتاح للألنترا هاتها وميهمكش رأي حد . وده طبعا مش تقليل من قيمه اللانسر لا سمح الله بس كل واحد بيعمل اللي بيريحه في الاخر .
.
يا جماعه بلاش تعصب و تحيز لأي ماركه مش بس اللانسر
الناس بتدخل المنتدي للحصول علي اراء و تجارب اصحاب السيارات علشان يقدرو ياخدو قرارهم
تيجو انتو تملو دماغهم من ناحيه عربيه و بعدين الناس تدفع و تشتري و تدعي عليكو؟؟
و بعدين الناس اللي بتقول ان من مميزات اللانسر انها بياعه و جنيه دهب خلافه........
ايه الكلام ده هو احنا لسه عايشين في الزمن السحيق و اهم حاجه ان الفرخه اللي شايلها تبقي كبيره علشان لما اجي اقايضها تجيب بيض اكتر؟؟
يا جماعه و انا راكب العربيه ميهمنيش غير نعومه القياده و راحه الضهر و انا قاعد و شويه حاجات تانيه زي العزل الممتاز و صوت الموتور الواطي و خلافه
انما اقعد اقول شعر في العربيه و هي دون ذلك المستوي يبقي كلامي مش مظبوط
يا جماعه بلاش اتباع سياسه القطيع من دون حكم شخصي علي الامور
انا مجربتش الالنترا الجديده بس معانا لانسر 1600 2007 و احب اقول انها ( بغض النظر عن انها معمره) فهي اكبر مقلب ممكن الواحد يتحط فيه
عربيه عاديه عاديه جدا جدا و كراسيها مش مريحه في المسافات
العزل مش تمام قوي ثبات مشكوك في امره
بس مميزتها:
تكييف
باور
سنتر
4 زجاج كهربائي
كاسيت و سماعات
و فيه مميزات تانيه:
معمره
معبوده الجماهير
جنيه دهب
اه نسيت اسمها لانسر ( ودي اهم ميزه لها في عيون القطيع)
بصوا يا جماعه انا مقتنع ان الالنترا انعم و موتورها اقوى و كمان فراملها اقوى و الباور فيها احسن بس مش مقتنع انها ثابته قوى زى الانسر و مش مقتنع ان صاجها زى صاج الانسر ان ما كانش اضعف كمان ومش مقتنع ان قطع غيارها سهله زى الانسر ومش مقتنع ان عمرها الافتراض ييجى حتى نص العمر الافتراضى للانسر و لما قعدت في الالنترا فى معرض اتوماك صالونها معجبنيش زى الانسر مع احترامى للمعجبين بشياكه صالونها بس انا مشكلتى ان اكتر حاجه بتغرينى فى العربيه بعد الثبات فى المنحنيات ان تكون فراملها قويه و فرامل الانسر مش عجبانى و كمان بيغرينى النعوميه و قوه الموتور
أنا مش حقول مين أحسن الالنتر ولا اللانسر بس حقول يا جماعة فككم من الأوهم الهي دي ياباني وحد يقارن ميتسوبيشي بهيونداي الكلام د إنتهى من عالم العربيات bmw ومرسيدس و-audi لهم عربيات زبالة واسمهم شركات كبيرة وألماني فبلاش نبقى مع ماركة واحدة علطول الخط فجاميع الفئات
بصراحة انا مختلف معاكم كل الاختلاف !!!!!!!!!!!!!!!!!!!!!!!1
انا ركبت اللانسر و ركبت الالنترا و الاثنين 1600 سي سي و لكن بغض النظر عن قدرة المحرك الي ان الالنترا تتميز في سرعة الاستجابة و النعومة بشكل كبير جدا عن الانسر و العبرة مش بقدرة المحرك كما قال بعضكم و لكن هذة القدرة عند كام لفة الالنترا 121 حصان عند 5200 لفة و الانسر 122 عند 5700 لفة دة واحدة
اما بخصوص التجهيزات الداخلية و الشكل الداخلي الفرش لا يختلف عن الانسر كثيرا من ناحية الخامات فهي تقريبا واحدة و لكن بخصوص التابلوة و التجهيزات الداخلية فمن وجهة نظري الالنترا الجي ال اس افضل و اشيك و احدث .