شكرا جزيلا أستاذ سيد
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
السلام عليكم ورحمة الله وبركاته
اخواني واخواتي اعضاء نايل موتورز الكرام
تحية طيبة وبعد،
سبق وكان لنا الحديث عن افكار واساليب او نصائح لترشيد استهلاك الوقود وقد تزامن اطلاق او نشر الموضوع مع مشكلة الوقود وعدم توافره او فيما يطلق عليه أزمة الوقود
اما الأن فقد اطلقت هذا الموضوع ايضاً لتزامنه مع غلاء الوقود او ما يطلق عليه رفع الدعم عن البنزين
الجزء الأول من الموضوع يحمل عنوان "موور قد المستطاع" ونظراً لما وجدته بعد اطلاق الموضوع من بعض الملاحظات علي بعض النقاط، فكان يتوجب علي تصحيح هذه النقاط بعد مناقشتها وتجربتها العملية وقد اتضح لي صحة هذه الملاحظات وخطأ في نقاطي التي قدمتها
وسأقوم الأن بعرض هذه النقاط السابق ذكرها في الجزء الأول من الموضوع او الأصدار السابق من الموضوع بعد تعديلها وأضافة بعض النقاط الأخري والتي عثرت عليها من خلال بحثي في الأنترنت من بعض المواقع والصفحات الألكترونية.
1- ارفع رجلك من علي البنزين
علي قد ماتقدر ارفع رجلك من علي دواسة البنزين وسيب العربية تمشي لوحدها، ودة عن تجربة هيقلل جداً الأستهلاك لأن عدم الضغط علي الدواسة (بالزات في العربيات الأنجيكشن) دة معناه ان الكنترول هيوقف الأمداد بالوقود - يعني هتقطع اطول مسافة ممكنة بدون ولا نقطة بنزين
- يعني لو انت داخل علي اشارة وشايفها قافلة شيل رجلك من علي البنزين بمسافة كافية لأنك كدة كدة هتوقف
- لو عارف ان في مطب في المكان الفلاني شيل رجلك من علي البنزين بمسافة كافية وليكن 500 متر وسيب العربية ماشية براحتها
- لو الطريق منحدر وانت مش مستعجل اوي شيل رجلك من علي البنزين وسيب العربية تمشي بقصورها الذاتي
2- ريح العربية في الغيارات
- حاول ماتحرقش علي الغيار وانقل علي الغيار الأعلي بحد اقصي علي 2.5 rpm ولو عايز تريحها خالص يستحسن تنقل علي 2 rpm وانا شخصيا بنقل علي 2 ولو بحرق بوصل 2.5 بحد اقصي
3- اغلق زجاج جميع الأبواب
- حاول تقفل جميع شبابيك العربية وانت ماشي ودة هيقلل بدوره مقاومة العربية للهواء وهيوفر معاك في البنزين علي المدي الطويل لو بتسافر او بتمشي مسافات طويلة علي الدائري
4- قلل المسافات قدر المستطاع
- حاول تقلل المسافات المقطوعة بالعربية قدر المستطاع ، يعني لو بأمكانك تمشي في شارع موازي للشارع الي انت رايحه وتدخل في شارع مقابل لليو ترن عشان تقلل المسافات الي هتهدرها في الرايح والجاي يكون دة افضل
مثال : لو انت عايز تروح مكان محدد في شارع الطيران وانت ماشي في شارع يوسف عباس حاول تدخل في الشارع الصح الي مقابل لليو ترن عشان ماتمشيش مسافة مالهاش لازمة وهترجعها تاني لما تلف
5- تجنب المطالع
- لو المكان الي انت رايحه عارف ان الطريق بتاعه فيه مطالع حاول تمشي في طريق تاني معتدل
مثال : انا شخصيا لو رايح 6 اكتوبر بروح من طريق الواحات لأن الطريق معتدل نوعا ما لكن لو روحت عن طريق مصر - اسكندرية الصحراوي تقريبا همشي المسافة كلها مطالع
6- بنفس المنطق دور علي المنازل
- بنفس المنطق السابق حاول تختار طريق انت عارف انه منزل او منحدر
مثال : لو انت راجع من اكتوبر ورايح الهرم حاول تمشي طريق المحور ثم مصر - اسكندرية الصحراوي لأن تقريبا هتستهلك ربع البنزين فقط لو طبقت النصيحة الأولي وهي انك ترفع رجلك من علي دواسة البنزين وتسيبها علي الله.
7- بطل في الأشارات
العربية بتستهلك بنزين كتير جدا في الأشارات
- لو انت اغلب مشيك جوة البلد اصبح معظم الأشارات دلوقتي الكترونية وفيها عداد بيقولك هتفتح امتي ودة هيديلك وقت مناسب جدا انك تبطل العربية وترجع تدورها قبل الأشارة ماتفتح ودة هيوفر معاك بنزين لو بتمشي جوة البلد كتير.
بس بشرط : ان يكون معاك الوقت الكافي بحد أدني 50 ثانية. لأنه ثبت عملياً ان ابطال المحرك وأدارته في وقت بسيط بيزيد من استهلاك الوقود ويقلل من عمر أجهزة الأدارة والمحرك عموماً.
8- خفض السرعات
تقريبا معظم العربيات سواء كربراتير او انجيكشن بتستهلك مرة ونص لما بتتخطي سرعة 96 كم/ ساعة
- فحاول علي قد ما تقدر ماتمشيش بسرعة اعلي من 90 منها عشان الرادار ومنها هتوفر في البنزين كتير
9- خفف من وزن العربية
لو قدرت تفضي شنطة العربية من الأشياء عديمة القيمة في الوقت الحالي هتوفر كتير من بنزين العربية لأن عزم الطلعة من اكتر الأوقات الي العربية بتستهلك فيها بنزين عن غيره من الأوقات
10 - لا تطيل من وقت تسخين المحرك (خاص بمحركات الأنجيكشن)
يكفي فقط 30 ثانية من وقت أدارة المحرك لتكتمل عملية تزيت جميع اجزاءه، وإلي ان يصل المحرك لحرارة تشغيله المثالية (درجة حرارة فتح ثرموستات الكوعة) يكون السير علي سرعات منخفضة. وبعدها تستطيع الأنطلاق بسرعات اعلي
11- مون بليل وانت اولي بالفرق
معروف ان الحرارة بتمدد الغازات ودة بيخلي الطرمبة بتاعة المحطة معيارها يختلف عن البنزين الحقيقي الي بينزل
يعني لو مونت بليل 20 لتر يمكن فعلا تحط في العربية 20 لتر
لكن لو مونت الصبح 20 لتر يمكن فعلا يتحط في العربية 19 لتر
وفي سبب علمي اخر لنفس النقطة وهو ظاهرة التطاير ونسبة البخر والتي ترتفع مع ارتفاع درجة الحرارة وتنخفض بأنخفاض درجة الحرارة اي انها متناسبة طردياً مع درجة الحرارة.
12 - اضبط الموتور وغير البوجيهات ونظف الكربراتير او البوابة والرشاشات
لو ضبطت موتورك وعملت السيرفيس بتاع عربيتك يمكن يكلفك اقل من تكلفة البنزين الي مش موجود اصلا
13- اضبط ضغط الأطارات
الكاوتش لو مريح شوية بيزيد من احتكاكه بالأسفلت وبالتالي بيزود استهلاك البنزين
14- قلل من استخدامك للعربية قدر المستطاع
لو هتنزل تشتري حاجة ينفع تشيلها علي ايدك فمفيش داعي من استخدام العربية
منها تمشي رجلك شوية ومنها ماتسخنش وتستهلك ومنها ماتمشيش بيها وتستهلك
ولو تقدر تروح شغلك مواصلات يبقي بردو خير وبركة
15- خليك دايماً مفول
معلومة عرفتها مؤخراً وبعد التجربة ثبتت معايا صحتها. وهي ان كلما ازدادت كمية الهواء داخل تانك البنزين - كلما زادت نسبة البخر للبنزين -
ولو حضرتك عايز تجربها لأثبات صحة هذا الأفتراض أملأ تانك البنزين لأخره (فوول) وبعد اول ربع اعد الملأ مرة اخري واحسب كمية الأستهلاك ثم اعد ملأه مرة اخري عند مستوي ربعين (عند نص التانك) واحسب الأستهلاك مرة اخري - ستجد ان استهلاك الربع الأول اقل من استهلاك الربع التاني.
ولهذه الملاحظة جانب نفعي أخر للسيارات التي توجد طرمبة البنزين داخل التانك - فأن البنزين يكون بمثابة مبرد للطرمبة يعمل علي تبريدها لتعمل بكفاءة أكثر ويطيل من عمرها الأفتراضي.
16- مش لازم تشحن البطارية قبل ما تنام
عادة سيئة اكتسبها المصريين من الصنايعية والمهنيين - وهي الأعتقاد ان قبل اطفاء المحرك يجب الضغط علي دواسة البنزين مرة او اتنين او أكثر لشحن البطارية - رغم انك للتو قطعت مسافة بالسيارة تكفي لشحن البطارية ، فلا داعي من هذا الفعل حيث انك تزيد من الأستهلاك ولا تستفيد في المقابل بشحن البطارية كما تتصور.
17- نقي الشارع اللي هتمشي فيه
اصبح اليوم معظم شوارع مصر الداخلية مسفلتة (حتي لو مش قد كدة) ولذلك حاول ان تسلكها عوضاً عن السير في شوارع غير ممهدة او وعرة حيث ان وعورة الطريق تؤثر بالسلب علي استهلاك الوقود وتزيده بنسبة تصل الي 30%.
18- ماتحملش اوي وانت مسافر
حاول تقليل عدد الشنط قدر المستطاع اثناء السفر بحيث لا تتعدي مساحة شنطة السيارة مما يضطرك لوضعها فوق سطح السيارة. فوضعها بتلك الطريقة يزيد من مقاومة الهواء وبالتالي ارتفاع نسبة الأستهلاك. فيكفي انها وزن زائد يزيد من الأستهلاك في حد ذاته فلا تجمع علي نفسك تأثير سلبي اخر بجانب التأثير الأول يكفي عليك وزنها فلا تجعلها وزن زائد وعائق للهواء في نفس الوقت. (راجع النقطة 9- خفف وزن السيارة)
19- استخدم انسب بنزين لعربيتك
معروف ان لكل محرك نسبة انضغاط وبناء علي هذه النسبة يتحدد الرقم الأوكتيني للبنزين، فاستخدامك للبنزين ذو الرقم الأوكتيني المناسب يضمن لك تحقيق انسب قدر من استهلاك الوقود. فقد يكون استخدامك لبنزين ذو رقم اوكتيني اعلي (اغلي) اوفر لك من استخدام بنزين ذو رقم اوكتيني اقل (ارخص) والعبرة بعدد اللترات المستهلك مقابل عدد الكيلومترات المقطوعة.
انا شخصيا سيارتي نسبة انضغاط محركها 1:10.2 مما يعني استخدام بنزين 92 او اعلي ومكتوب علي غطاء تانك البنزين ينصح باستخدام بنزين 95 وعند تجربة هذين النوعين اكتشفت تقارب شديد في استهلاك السيارة حيث ان استخدام بنزين 95 جعلها تقتطع مسافة معينة بعدد اقل من لترات البنزين عند قطع نفس المسافة باستخدام بنزين 92 بعدد لترات اكثر.
نصائح اخري لم تجرب ولا اعرف حتي كيف تجرب ولكن سأنقلها من باب الأمانة فقد تفيد البعض
1- قلل معدل ضخ البنزين اثناء التزود بالوقود - فزيادة معدل الضخ يزيد من نسبة البخر اثناء التزود بالوقود (قد يكون لمسدس الضخ سرعات - وعند استخدام السرعة القصوي تزداد معه نسبة البخر)
2- الأسراف في تشغيل مكيف الهواء داخل السيارة يزيد من استهلاك الوقود (لم اشعر بها في سيارتي فتشغيل المكيف لا يؤثر عندي في الأستهلاك او قد لا اشعر انا بهذا)
3- لا تملء خزان الوقود اثناء اعادة ملء المحطة بالوقود من شاحنات نقل الوقود لأن ذلك يزيد من معامل البخر ويحرك الشوائب والترسبات لتدخل الي تانك سيارتك - اعتقد ان معظم المحطات في مصر بتغلق اثناء تزودها بالوقود ولا تسمح لقائدي المركبات بالدخول اثناء عملية التفريغ لدواعي الأمن والسلامة.
اتمني ان النصايح دي تكون وافية ولو حد عنده افكار اخري لتقليل استهلاك العربية في البنزين ياريت يقولنا عليها ونستفاد بيها كلنا
والله المستعان
،
،
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
شكرا جزيلا أستاذ سيد
سبحان الله والحمد لله ولا إله إلا الله ولا حول ولا قوة إلا بالله العلى العظيم
رقم العضوية : 21177
تاريخ التسجيل : 05Oct2008
المشاركات : 8,766
النوع : ذكر
الاقامة : damietta
السيارة: الحمد لله
السيارة[2]: opel vectra 1600 mo.1999
دراجة بخارية: لا يوجد
الحالة :
الله ينور يا هندسه ..
1-لو كل اشاره او مطب هدخل عليه همور وبعد كده ادي الغيار الاول او التاني وامشي يبقي بكده انا بوفر بنزين وباستهلك طقم الدبرياج ,فعلا الافضل اني اخف رجلي من علي البنزين لغايه مااحس ان الموتور عاوز النقله الاقل اغيرها ي اللحظه دي وبرده استفيد من موضوع فرمله المحرك لو قابلني اي عرض
13-المفروض اني قبل ماابطل الموتور وانزل من العربيه اعمل حمل مؤقت علي البطاريه في حاله اني راجع من مشوار كبير او سفر وده علشان احمي البطاريه من الشحن الزائد اللي بيقصر عمرها الافتراضي ازاي اعمل حمل مؤقت ؟ ؟ لو مروحه التبريد كانت شغاله وانا واقف ,اسيبها شغاله واطفي الموتور هتفضل شغاله لحد ماتبرد الموتور او ممكن استني خمس دقايق وانا مشغل الكاسيت او النور الفراني بعد مابطل الموتور
اخوكم /فادي محمد عيد ..من مواضيعي المصوره للفيكترا بي ....
http://www.nilemotors.net/Nile/97671...post3872017889 تغيير اويل سايل اسبراتير
http://www.nilemotors.net/Nile/13044...post3872432932تنظيف الايديال كونترول
http://www.nilemotors.net/Nile/15035...post3872669019تعديل في اضاءه التابلوه
http://www.nilemotors.net/Nile/143705-b.html#post3872580355تغيير فرش السقف للفيكترا
http://www.nilemotors.net/Nile/181441-a.html#post3873046581تغيير جوان وش التاكيهات
hellboy سابقا
رقم العضوية : 82537
تاريخ التسجيل : 02Dec2010
المشاركات : 11,874
النوع : ذكر
الاقامة : Egypt
السيارة: الحمد لله رضااااااااا
السيارة[2]: شاهين 2004
دراجة بخارية: موتوسيكل صينى
الحالة :
تسلم ايديك يابشمهندس
بس لا تعقيب بسيط
- لو الطريق منحدر وانت مش مستعجل اوي شيل رجلك من علي البنزين وسيب العربية تمشي بقصورها الذاتي
القصور الذاتى لما اكون ماشى على طريق افقى وامور العربية أو أطفى المحرك وتستمر السيارة فى الحركة رغم زوال قوة لمحرك ..بنسميها ماشية بالقصور الذاتى
انما النزول على منحدر والمحرك لا يعمل مش قصور ذاتى
بيكون حركة على مستوى مائل بسبب مركبة وزن السيارة فى اتجاه ميل المنحدر بتأثير الجاذبية الأرضية
بالنسبة للنقطة رقم 15 مش مقتنع بيها
ومش عملية
لو كل ما التانك يفضى شوية اجرى على محطة البنزين علشان افول
هتعمل ازمات وتكدسات بزيادة على محطات البنزين
وكل شويه هتدفع بقشيش بغض النظر عن كمية البنزين اللى حطيتها
فتهلاقى نفسك اتكلفت اكتر
رقم العضوية : 58100
تاريخ التسجيل : 06Jan2010
المشاركات : 5,727
النوع : ذكر
الاقامة : السعوديه
السيارة: not yet
السيارة[2]: ..
دراجة بخارية: no
الحالة :
الله ينور على المواضيع الهايله تسلم الايادى
إنا لله وإنا إليه راجعون
ولا تحسبن الذين قتلوا في سبيل الله أمواتا بل أحياء عند ربهم يرزقون
رقم العضوية : 20697
تاريخ التسجيل : 01Oct2008
المشاركات : 246
النوع : ذكر
الاقامة : دمياط
السيارة: ---
السيارة[2]: Hyundai, New accent 2009
دراجة بخارية: لا
الحالة :
نصائح مهمة جداً ،وألف شكر عليها
Falcon191
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
شكر للمجهود في حاجه لو الشوار تتعدل شويه والزحمه والخنقه تفك
الا ستهلاك هايقل كتير
يعني انا نص التانك عندي بيضيع في الاشارات وكوبري اكتوبر
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 117675
تاريخ التسجيل : 11Dec2011
المشاركات : 292
النوع : ذكر
الاقامة : cairo
السيارة: Mercedes
السيارة[2]: Golf
دراجة بخارية: TokTok
الحالة :
تسلم ايدك يا محمد والله
مجهود كبير....ربنا يكرمك
اللهم ارزقنا القناعة والرضا بما رزقتنا
gasser_beek سابقا
رقم العضوية : 93617
تاريخ التسجيل : 06Apr2011
المشاركات : 353
النوع : ذكر
الاقامة : cairo
السيارة: sahin 2006
السيارة[2]: يامسهل
دراجة بخارية: no
الحالة :
موضوع مهم جدا ربنا يباركلك
رقم العضوية : 129815
تاريخ التسجيل : 29Sep2012
المشاركات : 3,491
النوع : ذكر
الاقامة : Earth
السيارة: Just one car
السيارة[2]: Renault Logan 2013 Auto
الحالة :
موضوع مفيد جدا جزاك الله خيرا
بس أول مرة أعرف إن تشغيل التكييف لا يزيد من استهلاك البنزين !
حد ممكن يأكد لنا أو ينفي لنا المعلومة دي ؟2- الأسراف في تشغيل مكيف الهواء داخل السيارة يزيد من استهلاك الوقود (لم اشعر بها في سيارتي فتشغيل المكيف لا يؤثر عندي في الأستهلاك او قد لا اشعر انا بهذا)
Freelancer Web Designer & E-marketer
( --- جــمــيــــع مــوضــوعـــاتـي --- )
المفضلات