هوة طبيعى الفتيس ينقل لما اشيل رجلى من عالبنزين؟؟

**elshreef_hemo** · 31-10-2012 01:45 AM

حاجة غريبة بتحصل لما اكون فى وضع الثبات واتحرك بالعربية وارجع اشيل رجلى من عالبنزين الاقى العربية خدت الغيار التانى بنطرة كدة ، وكمان بتحصل فى الغيارات التانية لما تكون سرعة العربية قريبة من النقل (على ار بى ام 2.5 مثلا) واشيل رجلى من عالبنزين عشان اهدى الاقيها خدت الغيار الاعلى!! ياترى ده سببه ايه علما بأن الغيارات بتتاخد بسلاسة بدون تأخير و من غير ما احس بيها لما اكون دايس بنزين و الفتيس لسة مغيره استيراد وطبعا مغير الزيت

**estimation** · 31-10-2012 04:15 AM

حضرتك ده طبيعي في الأوتوماتيك وده أحسن للعربية عشان الار بي ام يقل و بالتالي استهلاك البنزين يقل عشان مبنحرقش وتجيب اخر الغيار

**medomorgan** · 31-10-2012 10:56 AM

عادي في الاوتومتك

**kar!m** · 31-10-2012 11:02 AM

ده الطبيعي .. عشان كده لما بكون ماشي في زحمه كتير .. و بتمشي و تقف كتير .. و السرعه مش هتزيد عن 20 مثلا لفتره طويله .. بجيب الفتيس على 1 .. عشان متجيبش من الأول للتاني و من التاني للأول كل شويه.

مش عارف ده صح ولا غلط .. بس بحس ان كده أحسن للفتيس.

**elshreef_hemo** · 31-10-2012 11:32 AM

بس يا جماعة المفروض لما اشيل رجلى من عالبنزين الفتيس يفهم انى عايز اهدى وانزل نقلة مش ازود نقلة!! يعنى ابقى ماشى عالتالت واسيب بنزين يقوم واخدة الرابع ويرجع تانى ينزل بالغيارات!! مش منطقى وبتزعجنى الحركة دى

**ahmedeihab** · 31-10-2012 12:26 PM

يا فندم ده الطبيعى

لان الفتيس بينقل عند 2.5 او 3 أر بى أم على حسب العربيه

و بعدين هو بيدى النقله الاعلى علشان يهدى العربيه

لانك لو خدت النقله الاقل العربيه هتجرى

ده عادى متقلقش

^_^

**elshreef_hemo** · 31-10-2012 04:52 PM

شكرا ليكم طمنتونى ان مفيش حاجة غلط

**hany63** · 31-10-2012 06:26 PM

المشاركة الأصلية كتبت بواسطة elshreef_hemo

بس يا جماعة المفروض لما اشيل رجلى من عالبنزين الفتيس يفهم انى عايز اهدى وانزل نقلة مش ازود نقلة!! يعنى ابقى ماشى عالتالت واسيب بنزين يقوم واخدة الرابع ويرجع تانى ينزل بالغيارات!! مش منطقى وبتزعجنى الحركة دى

الفتيس هيفهم ازاي انك قصدك تهدي و لا قاصد تشيل رجلك عشان تنقل على ار بي ام واطي؟
وعشان كده بيضيفوا خاصية المانيوال الستبترونيك عشان تثبيت النقله مهما شلت رجلك
و عندي مثلا بتحكم من خلال الدركسيون في النقله لو بسحب و بهدي و اسحب تاني بفضل على نفس النقله او بسقط بدري