مكرر
عرض للطباعة
مكرر
أنا توقعت الرقم ده فى مشاركة قبل كده
بس مافتكرش اننا ممكن نصعد الموضوع
لأن فى الحاجة اللى بتسبب عطل فى العربية فعلاً وكتير مننا انكوا بنارها وهى البوابة ماعملناش حاجة وفشلنا فى تجميع بعضنا لأى خطوة إيجابية، يبقى ايش الحال فى أوبشن عمود الاتزان اللى ولا كنا ندرى بيه وعرفناه بالصدفة.
هههههههههههههههههههههه انتوا كمان ؟!!!
والله ديه حاجة هم ........ان الحمد لله رب العالمين كنت اول واحد يركبه في المنتدي للصني
من الاخر لو مشيك عادي وغرزك هادية مش هاتفرق جامد ......... بس كل شهر هاتروح تظبط زوايا مثلا
لو غرز غبية وملفات سريعه و طريق نقر ومطبات ...... لالالالالالازم يركب لانه مهم جدا
بيكلبش العربية في من الناحيتين ولو خدت نقرة او مطب هو العربية بتزل وتطلع كلها ماشاء الله
والملفات باخدها بسرعتي مااشاء الله علي حسب الملف
العربية قبليه كانت سلطة واي نقرة ولا بتاع تلاقي العربية حدفت ....... انا معرفش ازاي كانت نازلة من غيره ربنا يصبرنا حتة بار حديد ميسواش اصلا
نصيحة ركبوه وشوفوا حد بتاع استيراد هاته منه البار والكاوتشات من التوكيل .......... بس براحة علشان دلوقتي الموضوع ده سمع عن
بتوع الاستيراد و انتوا عارفين الاستغلال
علشان مش بعيد يقلك ب2000 جنيه في التوكيل ولا حاجة وربنا يستر طريقكم
حققققققك والله يادوك ...حركة ديرتي بنت تيييييت كمان :)))
هاتوه استيراد وكبرو دماغكم...
Sent from my LT18i using Forum Runner
بالنسبة للنيسان .... فى عربيات قادمة من الخارج متقطعة لايوجد بها SWAY Bar ودة انا شوفتة بعينى كتير
عشان بس منظلمش التقفيل المصرى
هو فعلا بدونة بيخلى العربية شوربة لو فى نقر ومطبات متقاربة ولو حاولت تاخد غرزة بس فى واحد بتاع عفشة خبرة قالى ادام العربية نازلة كدة يبقى ملهوش اى لزمة لانة متعوض عنة بتصميم العربية
انا شخصيا متعقد من ثبات النيسان... بالرغم من عشقى لنيسان
ولو فى اى حد يعرف هل مثلا ممكن ميزان نوع عربية اخرى يركب فى الصنى بدون مشاكل يعنى يكون نفس الابعاد.
شوف ياباشا، ببساطة:
ملف حاد: لما جسم العربية يميل.. العجلة الـinner بترفع، والعجلة الـouter بتنزل (بفعل السوست والـLoad-transfer).. هو ده الـroll
الـStabilizer-bar بيخلى فيه لينك بين حركة العجلتين -لفوق وتحت- يعنى:
لما العجلتين يتحركوا مش Synchro مع بعض..
البار بيلف جوه الجلب -المتثبته فـ القنطره- بيحصله twist كل طرف فـ إتجاه حسب الملف،
فـ بيشد -أو بيدفع- الـdrop-link أو تيش الميزان.. ويحرك بيه المقص/السوسته (و المساعدين فـ بعض العربيات)..
بيقاوم ان تعليق العجلة الـinner ينضغط جامد، وفـ نفس الوقت بيضغط العجلة الخارجية!!
كده بيحافظ على تماسك العجلة (و الكاوتش) فـ الأرض، وبيقلل إستجابة العفشة قدام للنقر والمطبات (بيخليها ثابتة: مش تـroll يمين وشمال من أقل حاجة)؟!!
بص كده الـAnimation فـ الصفحة دى:
Reducing Body Roll | Ultra Racing Canada
شوف: هو أنا برضه مش قادر أوصلك الـmechanism بيشتغل إزاى؟؟!!! لازم تشوفها بعينك!
أو تبص عليه وهو راكب فـ العفشة عشان تتخيل الـtwist بيحصل إزاى؟!!
طبعا ليه علاقة مباشرة، بيقلل تأثر العفشة قدام بالـroad-pumps والتنطيط والدركسيون يحدف يمين وشمال؟!!
دا فيه Aftermarket كمان ياسحس.. بيبقى البار سمكه أعلى والـTwist بتاعه أقل (أنشف Stiff)
فـ الأوروبى بيبقى Bilstein و H&R
فـ النيسان هتلاقى Cusco و Tein وممكن Ultra-racing؟!!
بس أنا لاحظت حاجة: ان رينو-نيسان بتحطه فـ عربيات وعربيات لأ -مش عشوائى كده:
- هو لا يجرؤ يشيله من عربية باور عالى + وزن ثقيل.. كده هتبقى مش أمان؟!! :nosmile:
يعنى الفرق بين اللوجان-سانديرو أوتو 16v والـSOHC 8v حوالى 20 حصان باور أكبر؟!!
والفرق بين الـBluebird سيلفى والصنى مثلا مش أقل من 200 كجم وزن!! وكده.
مع إحترامى ياباشا لكلام العفشجى: مش صحيح
أزاى عامل حسابها فـ التصميم؛ وهو أصلا العفشة (مقصات وسوست ومساعدين ووزن) كل حاجة واحد بالمللى؟؟!!!
- كلامى على النيسان صنى، وده لا يتناقض مع الرد اللى فوق (بيحطه حسب الباور والوزن) :worried:
Still دى إسمها -تقليل تكلفة- أو إستخسار بلغة العربيات؟!!!
بالنسبة للبديل:
ماتشوفوا بتاع الرينو Symbol أو النيسان Tiida إستيراد.. (أعتقد كلهم نفس الشاسيه)
أو حتى حاجة aftermarket -طالما هتدفعوا فلوس بقى- تجيبوا حاجة سبورت أكثر؟!!
زى مثلا Ultra-Racing عند عادل وجدى؟!! ماعتقدش يعدى 500-600 جنيه بالجلب والتيش؟!!
والله أعلم
Rgds،
اولا الف شكر ليك يا باشا على الشرح بس بصراحة فهم الموضوع كان صعب من الكلام
الanimation وضح الفرق بشكل كبير و بكدة فرحتني ان احساس الفرق بين المانيوال و الاوتو في العفشة مكانش هذيان لأني عارف ان ال2 واحد بالملي زي مانت ما قلت بس كدة بان سبب الفرق من غير مابص على عفشة المانيوال
اللي اعرفو كمان ان شاسيه اللوجان هو هو شاسيه التيدا فممكن بتاع التيدا يركب عندنا عادي استيراد
بس عادل وجدي ده عندو الشدادات و الcomponents بتاعة العفشة بتاعت الultra racing جديدة ولا مستعملة و في نفس الوقت هل بتيجي generic ولا في تصميم لكل عربية بعينها؟
طبعا هيركبوه و تمنه 1033 جنيه بدون التركيب و سألت عليه استيراد 850 بدون التركيب و 1000 بالتركيب طبعا هزل و اى كلام
انا هدور على الموضوع بدقه كده و هجيبلكم اخره ان شاء الله لأنى بصراحه مش بحب انخدع حتى لو وصلت انى اعمل شكوى بس عاوز اشوف عربيه مانوال متركب فيها عمود الاتزان ده علشان ابقى بقاوح عن حق
ممكن أسأل سؤال ألى الأستااذ أحمد ربنا يكرمه يارب دلوقتى أنا موسوس و حأركبه أى كان تمنه أنا رايح أعمل صيانة العشرة ألاف أو السنة يوم الأحد القادم أن شاء الله هل أنت متأكد أنه عندهم دى حاجة و أنا رايح العبور و أنت متأكد أنه تمنه 1030 جنيه يعنى بالجلب و التركيب ممكن يخش له في 1500 جنيه مثلا مش كده أنا أصلا بأشتكى من أتزان العربية و مش عارف أعمل أيه أنا عملت ضبط زوايا أربع مرات في التوكيل و كاوتش نيتروجين و أنا مش بأشتكى من الغربية في حاجة ألا في موضوع الأتزان و الموضوع ده بالذات اللى ما خلانيش أجيب عربيات زى الفيرنا و اللانوس و أنا عامل بالعربية 4303 كيلو منهم 600 كيلو العبور علشان موضوع الزوايا و البوابة و الحمد لله البوابة أتغيرت مش ناقص ألا موضوع الأتزان لدرجة أنى فكرت أغير الكاوتش ياريت تقوللى أتأكد ازاى أنه موجود و أتأكد أزاى من التكلفة بالظبط