| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 14

  1. #1

    الصورة الرمزية superhano

    رقم العضوية : 29806

    تاريخ التسجيل : 11Jan2009

    المشاركات : 102

    النوع : ذكر

    الاقامة : Cairo - Nasr City

    السيارة: NA

    السيارة[2]: Nissan Sunny 2011 EX Salon

    دراجة بخارية: NA

    الحالة : superhano غير متواجد حالياً

    افتراضي نصائح ممتازة لتخفيض استهلاك الوقود - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته
    اخواني واخواتي اعضاء نايل موتورز الكرام
    تحية طيبة وبعد،

    سبق وكان لنا الحديث عن افكار واساليب او نصائح لترشيد استهلاك الوقود وقد تزامن اطلاق او نشر الموضوع مع مشكلة الوقود وعدم توافره او فيما يطلق عليه أزمة الوقود
    اما الأن فقد اطلقت هذا الموضوع ايضاً لتزامنه مع غلاء الوقود او ما يطلق عليه رفع الدعم عن البنزين
    الجزء الأول من الموضوع يحمل عنوان "موور قد المستطاع (موور قدر المستطاع)" ونظراً لما وجدته بعد اطلاق الموضوع من بعض الملاحظات علي بعض النقاط، فكان يتوجب علي تصحيح هذه النقاط بعد مناقشتها وتجربتها العملية وقد اتضح لي صحة هذه الملاحظات وخطأ في نقاطي التي قدمتها

    وسأقوم الأن بعرض هذه النقاط السابق ذكرها في الجزء الأول من الموضوع او الأصدار السابق من الموضوع بعد تعديلها وأضافة بعض النقاط الأخري والتي عثرت عليها من خلال بحثي في الأنترنت من بعض المواقع والصفحات الألكترونية.

    1- ارفع رجلك من علي البنزين

    علي قد ماتقدر ارفع رجلك من علي دواسة البنزين وسيب العربية تمشي لوحدها، ودة عن تجربة هيقلل جداً الأستهلاك لأن عدم الضغط علي الدواسة (بالزات في العربيات الأنجيكشن) دة معناه ان الكنترول هيوقف الأمداد بالوقود - يعني هتقطع اطول مسافة ممكنة بدون ولا نقطة بنزين

    • يعني لو انت داخل علي اشارة وشايفها قافلة شيل رجلك من علي البنزين بمسافة كافية لأنك كدة كدة هتوقف
    • لو عارف ان في مطب في المكان الفلاني شيل رجلك من علي البنزين بمسافة كافية وليكن 500 متر وسيب العربية ماشية براحتها
    • لو الطريق منحدر وانت مش مستعجل اوي شيل رجلك من علي البنزين وسيب العربية تمشي بقصورها الذاتي
    2- ريح العربية في الغيارات


    • حاول ماتحرقش علي الغيار وانقل علي الغيار الأعلي بحد اقصي علي 2.5 rpm ولو عايز تريحها خالص يستحسن تنقل علي 2 rpm وانا شخصيا بنقل علي 2 ولو بحرق بوصل 2.5 بحد اقصي
    3- اغلق زجاج جميع الأبواب


    • حاول تقفل جميع شبابيك العربية وانت ماشي ودة هيقلل بدوره مقاومة العربية للهواء وهيوفر معاك في البنزين علي المدي الطويل لو بتسافر او بتمشي مسافات طويلة علي الدائري
    4- قلل المسافات قدر المستطاع


    • حاول تقلل المسافات المقطوعة بالعربية قدر المستطاع ، يعني لو بأمكانك تمشي في شارع موازي للشارع الي انت رايحه وتدخل في شارع مقابل لليو ترن عشان تقلل المسافات الي هتهدرها في الرايح والجاي يكون دة افضل
    مثال : لو انت عايز تروح مكان محدد في شارع الطيران وانت ماشي في شارع يوسف عباس حاول تدخل في الشارع الصح الي مقابل لليو ترن عشان ماتمشيش مسافة مالهاش لازمة وهترجعها تاني لما تلف


    5- تجنب المطالع

    • لو المكان الي انت رايحه عارف ان الطريق بتاعه فيه مطالع حاول تمشي في طريق تاني معتدل
    مثال : انا شخصيا لو رايح 6 اكتوبر بروح من طريق الواحات لأن الطريق معتدل نوعا ما لكن لو روحت عن طريق مصر - اسكندرية الصحراوي تقريبا همشي المسافة كلها مطالع


    6- بنفس المنطق دور علي المنازل

    • بنفس المنطق السابق حاول تختار طريق انت عارف انه منزل او منحدر
    مثال : لو انت راجع من اكتوبر ورايح الهرم حاول تمشي طريق المحور ثم مصر - اسكندرية الصحراوي لأن تقريبا هتستهلك ربع البنزين فقط لو طبقت النصيحة الأولي وهي انك ترفع رجلك من علي دواسة البنزين وتسيبها علي الله.


    7- بطل في الأشارات

    العربية بتستهلك بنزين كتير جدا في الأشارات
    • لو انت اغلب مشيك جوة البلد اصبح معظم الأشارات دلوقتي الكترونية وفيها عداد بيقولك هتفتح امتي ودة هيديلك وقت مناسب جدا انك تبطل العربية وترجع تدورها قبل الأشارة ماتفتح ودة هيوفر معاك بنزين لو بتمشي جوة البلد كتير.
    بس بشرط : ان يكون معاك الوقت الكافي بحد أدني 50 ثانية. لأنه ثبت عملياً ان ابطال المحرك وأدارته في وقت بسيط بيزيد من استهلاك الوقود ويقلل من عمر أجهزة الأدارة والمحرك عموماً.


    8- خفض السرعات

    تقريبا معظم العربيات سواء كربراتير او انجيكشن بتستهلك مرة ونص لما بتتخطي سرعة 96 كم/ ساعة
    • فحاول علي قد ما تقدر ماتمشيش بسرعة اعلي من 90 منها عشان الرادار ومنها هتوفر في البنزين كتير
    9- خفف من وزن العربية


    لو قدرت تفضي شنطة العربية من الأشياء عديمة القيمة في الوقت الحالي هتوفر كتير من بنزين العربية لأن عزم الطلعة من اكتر الأوقات الي العربية بتستهلك فيها بنزين عن غيره من الأوقات

    10 - لا تطيل من وقت تسخين المحرك (خاص بمحركات الأنجيكشن)

    يكفي فقط 30 ثانية من وقت أدارة المحرك لتكتمل عملية تزيت جميع اجزاءه، وإلي ان يصل المحرك لحرارة تشغيله المثالية (درجة حرارة فتح ثرموستات الكوعة) يكون السير علي سرعات منخفضة. وبعدها تستطيع الأنطلاق بسرعات اعلي

    11- مون بليل وانت اولي بالفرق

    معروف ان الحرارة بتمدد الغازات ودة بيخلي الطرمبة بتاعة المحطة معيارها يختلف عن البنزين الحقيقي الي بينزل
    يعني لو مونت بليل 20 لتر يمكن فعلا تحط في العربية 20 لتر
    لكن لو مونت الصبح 20 لتر يمكن فعلا يتحط في العربية 19 لتر
    وفي سبب علمي اخر لنفس النقطة وهو ظاهرة التطاير ونسبة البخر والتي ترتفع مع ارتفاع درجة الحرارة وتنخفض بأنخفاض درجة الحرارة اي انها متناسبة طردياً مع درجة الحرارة.

    12 - اضبط الموتور وغير البوجيهات ونظف الكربراتير او البوابة والرشاشات

    لو ضبطت موتورك وعملت السيرفيس بتاع عربيتك يمكن يكلفك اقل من تكلفة البنزين الي مش موجود اصلا

    13- اضبط ضغط الأطارات

    الكاوتش لو مريح شوية بيزيد من احتكاكه بالأسفلت وبالتالي بيزود استهلاك البنزين

    14- قلل من استخدامك للعربية قدر المستطاع

    لو هتنزل تشتري حاجة ينفع تشيلها علي ايدك فمفيش داعي من استخدام العربية
    منها تمشي رجلك شوية ومنها ماتسخنش وتستهلك ومنها ماتمشيش بيها وتستهلك
    ولو تقدر تروح شغلك مواصلات يبقي بردو خير وبركة


    15- خليك دايماً مفول

    معلومة عرفتها مؤخراً وبعد التجربة ثبتت معايا صحتها. وهي ان كلما ازدادت كمية الهواء داخل تانك البنزين - كلما زادت نسبة البخر للبنزين -
    ولو حضرتك عايز تجربها لأثبات صحة هذا الأفتراض أملأ تانك البنزين لأخره (فوول) وبعد اول ربع اعد الملأ مرة اخري واحسب كمية الأستهلاك ثم اعد ملأه مرة اخري عند مستوي ربعين (عند نص التانك) واحسب الأستهلاك مرة اخري - ستجد ان استهلاك الربع الأول اقل من استهلاك الربع التاني.

    ولهذه الملاحظة جانب نفعي أخر للسيارات التي توجد طرمبة البنزين داخل التانك - فأن البنزين يكون بمثابة مبرد للطرمبة يعمل علي تبريدها لتعمل بكفاءة أكثر ويطيل من عمرها الأفتراضي.


    16- مش لازم تشحن البطارية قبل ما تنام

    عادة سيئة اكتسبها المصريين من الصنايعية والمهنيين - وهي الأعتقاد ان قبل اطفاء المحرك يجب الضغط علي دواسة البنزين مرة او اتنين او أكثر لشحن البطارية - رغم انك للتو قطعت مسافة بالسيارة تكفي لشحن البطارية ، فلا داعي من هذا الفعل حيث انك تزيد من الأستهلاك ولا تستفيد في المقابل بشحن البطارية كما تتصور.


    17- نقي الشارع اللي هتمشي فيه

    اصبح اليوم معظم شوارع مصر الداخلية مسفلتة (حتي لو مش قد كدة) ولذلك حاول ان تسلكها عوضاً عن السير في شوارع غير ممهدة او وعرة حيث ان وعورة الطريق تؤثر بالسلب علي استهلاك الوقود وتزيده بنسبة تصل الي 30%.


    18- ماتحملش اوي وانت مسافر

    حاول تقليل عدد الشنط قدر المستطاع اثناء السفر بحيث لا تتعدي مساحة شنطة السيارة مما يضطرك لوضعها فوق سطح السيارة. فوضعها بتلك الطريقة يزيد من مقاومة الهواء وبالتالي ارتفاع نسبة الأستهلاك. فيكفي انها وزن زائد يزيد من الأستهلاك في حد ذاته فلا تجمع علي نفسك تأثير سلبي اخر بجانب التأثير الأول يكفي عليك وزنها فلا تجعلها وزن زائد وعائق للهواء في نفس الوقت. (راجع النقطة 9- خفف وزن السيارة)


    19- استخدم انسب بنزين لعربيتك

    معروف ان لكل محرك نسبة انضغاط وبناء علي هذه النسبة يتحدد الرقم الأوكتيني للبنزين، فاستخدامك للبنزين ذو الرقم الأوكتيني المناسب يضمن لك تحقيق انسب قدر من استهلاك الوقود. فقد يكون استخدامك لبنزين ذو رقم اوكتيني اعلي (اغلي) اوفر لك من استخدام بنزين ذو رقم اوكتيني اقل (ارخص) والعبرة بعدد اللترات المستهلك مقابل عدد الكيلومترات المقطوعة.
    انا شخصيا سيارتي نسبة انضغاط محركها 1:10.2 مما يعني استخدام بنزين 92 او اعلي ومكتوب علي غطاء تانك البنزين ينصح باستخدام بنزين 95 وعند تجربة هذين النوعين اكتشفت تقارب شديد في استهلاك السيارة حيث ان استخدام بنزين 95 جعلها تقتطع مسافة معينة بعدد اقل من لترات البنزين عند قطع نفس المسافة باستخدام بنزين 92 بعدد لترات اكثر.


    نصائح اخري لم تجرب ولا اعرف حتي كيف تجرب ولكن سأنقلها من باب الأمانة فقد تفيد البعض

    1- قلل معدل ضخ البنزين اثناء التزود بالوقود - فزيادة معدل الضخ يزيد من نسبة البخر اثناء التزود بالوقود (قد يكون لمسدس الضخ سرعات - وعند استخدام السرعة القصوي تزداد معه نسبة البخر)
    2- الأسراف في تشغيل مكيف الهواء داخل السيارة يزيد من استهلاك الوقود (لم اشعر بها في سيارتي فتشغيل المكيف لا يؤثر عندي في الأستهلاك او قد لا اشعر انا بهذا)
    3- لا تملء خزان الوقود اثناء اعادة ملء المحطة بالوقود من شاحنات نقل الوقود لأن ذلك يزيد من معامل البخر ويحرك الشوائب والترسبات لتدخل الي تانك سيارتك - اعتقد ان معظم المحطات في مصر بتغلق اثناء تزودها بالوقود ولا تسمح لقائدي المركبات بالدخول اثناء عملية التفريغ لدواعي الأمن والسلامة.


    اتمني ان النصايح دي تكون وافية ولو حد عنده افكار اخري لتقليل استهلاك العربية في البنزين ياريت يقولنا عليها ونستفاد بيها كلنا

    والله المستعان
    ،
    ، منقووووووووووووووووووووول

    -=superhano=-
    ARRIVE ALIVE


  2. #2

    الصورة الرمزية ahmedeg1

    رقم العضوية : 72357

    تاريخ التسجيل : 05Jun2010

    المشاركات : 1,226

    النوع : ذكر

    الاقامة : egypt

    السيارة: رينو لوجان 2012

    السيارة[2]: 128&رينو1987&لانوس2010

    دراجة بخارية: .3.

    الحالة : ahmedeg1 غير متواجد حالياً

    افتراضي -

    جزاك الله خيرا على المعلومات القيمه

    لا تكن أحادي الرأي فمن الجميل أن تؤثر وتتاثر


  3. #3

    الصورة الرمزية mohsunny2009

    رقم العضوية : 110022

    تاريخ التسجيل : 11Aug2011

    المشاركات : 314

    النوع : ذكر

    الاقامة : Assuit

    السيارة: sunny A/T 2009

    السيارة[2]: Hyundai

    دراجة بخارية: no

    الحالة : mohsunny2009 غير متواجد حالياً

    افتراضي -

    نصائح جيده بارك الله فيك

    [url=http://nileup.com/up/][img]http://nileup.com/up/uploads/thumbs/nilemotors_136

    [marq="3;left;1;scroll"]Dr. Mohamed Salah [/marq]


  4. #4

    الصورة الرمزية Dr'AhmZZong

    رقم العضوية : 72112

    تاريخ التسجيل : 02Jun2010

    المشاركات : 6,052

    النوع : ذكر

    الاقامة : الجيزة ... المنوفية

    السيارة: Duster E2-Terios

    السيارة[2]: Nissan Sunny-Tiida

    دراجة بخارية: هوندا اليت

    الحالة : Dr'AhmZZong غير متواجد حالياً

    افتراضي -

    من الآخِر .. متحركش العربية ههههههههههههه


  5. #5

    الصورة الرمزية Youssef.Awad

    رقم العضوية : 42730

    تاريخ التسجيل : 19Jun2009

    المشاركات : 6,353

    النوع : ذكر

    الاقامة : Riyadh - KSA // Banha - Egypt

    السيارة: NISSAN ALTIMA 2.5 SL '13

    السيارة[2]: FSO Polonez '88 - NISSAN SUNNY EX Saloon '10

    دراجة بخارية: 000

    الحالة : Youssef.Awad غير متواجد حالياً

    افتراضي -

    شكرا عالتجميعة الحلوة دى بس اشك ان اى حد فينا هايطبق ربعها هههههههههههه

    Y2Y1500 سابقا


  6. #6

    الصورة الرمزية tarekiooo

    رقم العضوية : 79361

    تاريخ التسجيل : 03Sep2010

    المشاركات : 327

    النوع : ذكر

    الاقامة : alexandria

    السيارة: nissan sunny

    السيارة[2]: OPEL astra

    دراجة بخارية: no

    الحالة : tarekiooo غير متواجد حالياً

    افتراضي -

    ملعوبة


  7. #7

    الصورة الرمزية AbuHusam

    رقم العضوية : 15292

    تاريخ التسجيل : 27Jul2008

    المشاركات : 308

    النوع : ذكر

    الاقامة : القاهرة

    السيارة: E-Mail

    السيارة[2]: نيسان تيدا

    الحالة : AbuHusam غير متواجد حالياً

    افتراضي -

    نصائح قيمة فعلاً ولك كل الشكر والتقدير.. موضوع استهلاك البنزين ده ليا فيه مشوار طويل وبعض الأعضاء عارفين قصته بالتفصيل.. وبالتجربة وجدت فعلاً إن أهم نقطتين هما عدم الضغط المستمر على دواسة البنزين وتموير العربية وهما فكرتهم واحدة وبيحققوا نفس الغرض.. وبرضه مسألة ضغط هواء الإطارات مؤثرة جدا في الاستهلاك..
    أما بقية النصائح فهي ممتازة لكن مثالية شوية.. يعني صعب الواحد يختار يروح مشوار من طريق ما يكونش فيه مطالع ويرجع من طريق تاني فيه منازل.. أعتقد 6 أكتوبر استثناء يصعب القياس عليه. أما تقليل المسافات باختيار شوارع مقابلة تماماً لفتحة اليوترن فدي بقى حاجة شبه مستحيلة.. علشان الواحد بيدور على أي شبر فاضي يمشي منه أصلاً حتى لو هايروح ويرجع ويدخل في بيت جحا.. بس المهم ما يقفش في الزحمة اللي بتحرق الدم وكدة كدة بتحرق بنزين.


  8. #8

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -

    تسلم على الموضوع الجميل .. وربنا يبارك اللى عمله .. وتسلم على نقله للافادة

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  9. #9

    الصورة الرمزية gadoo30

    رقم العضوية : 25063

    تاريخ التسجيل : 13Nov2008

    المشاركات : 586

    النوع : ذكر

    الاقامة : القاهرة

    السيارة: افيو 2006

    السيارة[2]: دوجان 1996

    الحالة : gadoo30 غير متواجد حالياً

    افتراضي -

    تقرير جميل وانا بعمل حاجات كتير من اللى مكتوب وبتوفر فى البنزين خاصة موضوع المور فى المنازل
    كل يوم الصبح فى نفق الازهر و القاهرة الجديدة


  10. #10

    الصورة الرمزية waleed mohamme

    رقم العضوية : 127750

    تاريخ التسجيل : 18Jul2012

    المشاركات : 89

    النوع : ذكر

    الاقامة : giza

    السيارة: no

    السيارة[2]: nissan sunny super salon

    دراجة بخارية: لا يوجد

    الحالة : waleed mohamme غير متواجد حالياً

    افتراضي -

    hasad">

    مجهود يستحق التقدير



 
صفحة 1 من 2 1 2 الأخيرةالأخيرة

المواضيع المتشابهه

  1. نصائح لتخفيض استهلاك الوقود - موور قدر المستطاع 2
    بواسطة SYD في المنتدى المنتــــــدى العـــــــــــام للسيــارات
    مشاركات: 19
    آخر مشاركة: 07-02-2013, 05:42 PM
  2. نصائح ممتازة لتخفيض استهلاك الوقود
    بواسطة SYD في المنتدى أخبار السيارات في مصر والعالم
    مشاركات: 12
    آخر مشاركة: 31-10-2012, 10:31 AM
  3. توطية السلانسيه لتخفيض استهلاك البنزين
    بواسطة sniper2010 في المنتدى لادا
    مشاركات: 19
    آخر مشاركة: 24-09-2011, 07:07 AM
  4. نصائح مهمة للتقليل من استهلاك الوقود
    بواسطة alaaaboelata في المنتدى القــــسم التعلــــيمى
    مشاركات: 19
    آخر مشاركة: 17-03-2009, 01:28 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2