جالي على الميل
قانون المرور الجديد بس مش عارف حكايه الحبس
دي لسه مستمره في القانون ولا اتشالت :chris:
http://img175.imageshack.us/img175/5712/trafficmk6.gif
http://img175.imageshack.us/img175/5...631673d3cb.jpg
عرض للطباعة
جالي على الميل
قانون المرور الجديد بس مش عارف حكايه الحبس
دي لسه مستمره في القانون ولا اتشالت :chris:
http://img175.imageshack.us/img175/5712/trafficmk6.gif
http://img175.imageshack.us/img175/5...631673d3cb.jpg
شكرا ليك القانون
بس اعتقد انه عقوبه الحبس اتشالت
هما هيحبسوا مين ولا مين
انا متهيألي هما يحبسوا اللي هيطبق القانون اوفرلهم واحسن
طب ايه رأيكم بقى انى لغاية دلوقتى بشوف الناس مبتربطش حزام الأمان وعلى رأسهم سواقين التاكسى
والسير عكس الاتجاه بعد صدور القانون بقى أكتر من الأول !!!
وطبعا شرب الحاجة الساقعة زى ماهو وكذلك استخدام الموبايل أثناء القيادة
يبقى دلوقتى هل القانون هيطبق ولا لأ ؟؟ ولا اتطبق بس الأمناء والظباط مطنشين ؟
tab ya gm3a incase
mafish felos by3melo aih bys7bo el ro7'sa wla aih??
kman fi site bta3 wezret el d7'lya msh gayben syret en 7yb2a fi t7seel lel mo7'lfat
لو مفيش فلوس للدفع و التصالح الفوري بتاخد وصل تدفع بيه المخالفة في المرور خلال 3 أيام .. لو مدفعتش خلال 3 ايام بتتحول مخالفتك للنيابة و تدفع هناك .. مدفعتش برده بتبقي قضية
الحبس بيبقي علي حسب المخالفة خاصة لو فيه خسائر سواء مادية أو في الأرواح .. و برده بتتطبق عقوبة الحبس إذا كان هناك إصرار علي إرتكاب المخالفة .. بمعني إن حد مثلا اتكررلوا كتير مخالفة تخطي السرعة و مفيش فايدة برده بيتخطاها .. تبقي عقوبته حبس إلي جانب دفع الغرامة .
و القانون هيتطبق من شهر 8 .. مصدر كلامي حوار مع رئيس إدارة مرور العاصمة في برنامج العاشرة مساء .
بالمناسبة انا كنت في أكتوبر امبارح و كان فيه عربية رادار كل خمسة كيلو و كانت فعلا حاجة تفرح و الناس كانت محترمة نفسها و محدش بيجري ولا يعمل غرز إلا قليلين أووووي اللي غالباَ ميعرفوش .. بس أحسن بكتير من الأول ده كان ولا دريم بارك ! و ليه الناس متحترمش نفسها علي طول من غير حاجة !!
نفس قيمة المخالفات تزيد عن كدة علشان الناس تهدى شوية والمصايب تقل شوية
لما كنت عايش فى الأمارات كانت العربيات النقل والباصات والمعدات تلتزم بالحاره اليمنى وممنوع التجاوز نهائيا حتى فى الطرق الطوالى والغرامه حبس شهر والترحيل
ياريت يكون القانون فيه ماده تحدد الحارات وذلك حسب نوع المركبه
وده يبقى احسن حاجه فى القانون الجديد
يا ريت يعملو كدة عندنا .... واقترح ان الترحيل يبقى الي صفط اللبن او ارض اللواء ... او محافظة حلوان :) ( باهزر طبعا )
بجد بقى
انا اللي سمعته في الراديو غير كدة
سمعت ان المحمول والحزام مخالفة فورية 300 جنية
والسير عكس الاتجاة 3000 ايوه ثلاثة آلاف جنية مش غلط في الكتابة
يعني الواحد لازم يعمل جمعية قبل ما يسوق عربيتة
والله انا بس خايف من سوء التطبيق من ناحية امناء الشرطة والمندوبين ....
انا نفسي اعرف بس الناس اللي فرحانه اوي بالحبس دي هتنبسط
لو مراتها او اختها او حتى والدتها اتحبست
ولو حتى يوم مش شهر علشان كانت ماشيه بسرعه او علشان ظابط من غير اي لازمه غير انه حب بس يغلس عليها علشان البيه متضايق او شكلها معجبوش ؟؟؟؟!!!!!!!!!!
يا جماعه الراجل نوكى ده عنده حق جامد موووووووووووووووت
يعنى ايه تمشى وسط المدينه على 60؟؟؟؟ والدائرى على 80؟؟؟؟؟؟؟؟؟؟؟؟؟؟؟؟؟؟
دنا بمشى على الكوبرى على 90 ل 100
الناس دى بتهرج لاما نايمه فى البطيخ....؟؟؟ اصلها مش حكايه التزام دى حكايه ان المرور مش لاقى فلوس يجيبها فقالك افرد عضلاتى على الشعب مهى ناقصه
واحد ركن صف تانى يتحبس؟؟؟؟؟؟؟؟؟؟؟؟؟؟؟؟ ده على كده كلنا هنشرف على البورش
مش بقولكوا ناس نايمه فى البطيخ وبعدين بفرض ان كل ده تم 100% انا اجيب منين ظابط المرور اللى مش مرتشى اللى ينفذه بالحرف الواحد؟؟؟؟؟؟؟؟؟؟؟؟؟؟ او تضمن منين ان بتوع المرور مش هيلعبوها لحسابهم
بكره تعرفوا كلامى لما تلاقيك ماشى على 60 ولا 50 ووقفك ظابط وقالك انتا عديت السرعه القانونيه يا تظرفه يا ............
وانا اسف على الكلام ده والله بس ده حال البلد وحال ضميرنا واخيرا الواقع
أولا سرعة الدائري 90 كم / س مش 80
ثانيا وسط البلد في أي بلد في العالم ........... السرعة لا تزيد عن 60 و في بعض الدول بتصل إلى 50 كم / س
ثالثا
السرعات على الكباري يجب أن تكون منخفضة و لا تزيد عن 60 إلى 70 كم / س
و 90 أو 100 على كوبري .......... دي غلط جدا جدا جدا
أحنا في مصر للآسف منعرفش يعني أيه
Safety
حكومتنا مش بتعلمنا يعني أيه " أمان و سلامة "
أو بتعملنا أي حاجة أصلا .............
بس ينزلوا قانون من غير ما يعلموا الناس يسوقوا
و أي حد بيطلع رخصة . من غير ما يكون بيعرف يسوق أساسا و إن كان بيعرف يحرك العربية .......... ما يعرفش يعني أيه قانون أو اشارة مرور أو أحترام حارة مرورية
و الموضوع سبهلله في سبهلله
............ و أجدع سلام لرجال ج ع ع
و السرعة هي السبب الرئيسي لحوادث السيارات حوال العالم و خصوصا في الدول النامية و المتخلفة و دول العالم الثالث التي لا يوجد بها قانون أو لا يوجد بها من ينفذ القانون أو شعوبها الذين لا يحبون الإلتزام بالقوانين
زي ج ع ع