ازرار التابلوه فى لانوس مش شغالة

**goodboy12340** · 31-10-2012 01:59 PM

عربيتى لانوس 1 مو 99
الازرار اللى جنب التكييف (اللى هى فيها بكرة الدفاية احمر و ازرق و اللى فيها البكرة بتاعت تكييف الوجه و تكييف القدم و تسخين الزجاج) دى كلها مش شغالة
و رحت للكهربائى قالى هى بتبوظ على طول و محتاج تغيرها كلها مش غير مايبص عليها
مع العلم ان التكييف شغال عادى و البكرة اللى بتعليه و توطيه شغالة كويس برضه
انا حتى فكرت انها تكون معمولة منظر و ملهاش وظيفة اصلا

يا ريت لو حد مجرب او من الخبراء يفيدنى هل فعلا لازم تتغير ولا ممكن حاجة تانية
و لو هتتغير هتكون فى حدود كام

**JAM** · 31-10-2012 02:35 PM

غالبآ محتاج يتغير الويرات بتاعة السخن والبارد وتغير إتجاه خروج الهواء... هما 3 وايرات واى كهربائى يركبهوملك

**moumen_hs** · 31-10-2012 03:23 PM

بص أخويا كان عندة نفس العيب فى عربية النوبيرا حضرتك الاول خلى الكهربائى يفكها لان هى جو عبارة عن قطع بلاستيك وبتركب على بعض لو فى سنان مكسرة ممكن تتلحم خير - حل تانى أنة بتظبط أتخاة خروج الهواء على أتجاة وحدة وبيفصل الباقى أو بتغير الوحدة كلها بوحدة أستيراد كان جابها ب 120جم للنوبيرا .

**goodboy12340** · 31-10-2012 06:33 PM

المشاركة الأصلية كتبت بواسطة moumen_hs

بص أخويا كان عندة نفس العيب فى عربية النوبيرا حضرتك الاول خلى الكهربائى يفكها لان هى جو عبارة عن قطع بلاستيك وبتركب على بعض لو فى سنان مكسرة ممكن تتلحم خير - حل تانى أنة بتظبط أتخاة خروج الهواء على أتجاة وحدة وبيفصل الباقى أو بتغير الوحدة كلها بوحدة أستيراد كان جابها ب 120جم للنوبيرا .

دا تقريبا اللى الكهربائى قالهولى بس من غير ان فيه حاجة ممكن تتلحم

**highbrain** · 04-11-2012 07:17 PM

المشكلة ديه عند كل اللى معاهم لانوس هما ال 3 ويرات دول هتلاقى فيهم واحد او اكتر مكسور منهم الجزء البلاستيك اللى بيثبت الوير عند الفلابات او عند ازرار التابلوه و ديه مالهاش حل غير انك تغييرهم لغاية ما حد يبدل الجزء البلاستيك ده بجزء معدنى. و حاول تتعامل مع الازرار برقة متناهية و حاول تشحم الفلابة اللى موجودة جنب دواسة البنزين

**hany essa** · 04-11-2012 07:53 PM

لو اللفه تحس انها خفيفه كده يبقى المكان اللى بيمسك فيه الواير اتكسر وممكن يتصلح

**Khaled Lanos** · 04-11-2012 11:56 PM

نفس المشكلة اللي عندي دلوقتي لو الويرات مقطوعة بتجيب 3 ويرات جديدة من عند أبو الحسن بــ 75 جنيه تقريبا..أما لو الزراير نفسها مكسورة من ورا ملهاش حال غير انك تجيب الوش كامل استيراد للأسف.

**goodboy12340** · 05-11-2012 12:33 PM

طب حد يعرف الوش كامل عامل كام؟؟

**Khaled Lanos** · 06-11-2012 09:24 AM

المشاركة الأصلية كتبت بواسطة goodboy12340

طب حد يعرف الوش كامل عامل كام؟؟

هو الوش عندك أسود ولا فضي؟

أصلها بتفرق في السعر.

عموما الوش الاسود بالويراته بتاعته كان عامل 120-150 جنيه استيراد حسب لمكان وانت وشطارتك في الفصال

**memofree** · 08-11-2012 04:56 PM

المشاركة الأصلية كتبت بواسطة goodboy12340

عربيتى لانوس 1 مو 99
الازرار اللى جنب التكييف (اللى هى فيها بكرة الدفاية احمر و ازرق و اللى فيها البكرة بتاعت تكييف الوجه و تكييف القدم و تسخين الزجاج) دى كلها مش شغالة
و رحت للكهربائى قالى هى بتبوظ على طول و محتاج تغيرها كلها مش غير مايبص عليها
مع العلم ان التكييف شغال عادى و البكرة اللى بتعليه و توطيه شغالة كويس برضه
انا حتى فكرت انها تكون معمولة منظر و ملهاش وظيفة اصلا

يا ريت لو حد مجرب او من الخبراء يفيدنى هل فعلا لازم تتغير ولا ممكن حاجة تانية
و لو هتتغير هتكون فى حدود كام

نفس العربيه و الموديل
و نفس المشكله . عشان كلها بلاستيكات بتنشف و تتكسر
ابا ما تغير الوش بتاع المفاتيح نضف البوابات بتاعت اتجاه الهواء الاول عشان ممكن تكون مزرجنه فى حركتها و بالتالى تكسرك الجديد