الموضوع: تقييم بسيط عن كيا ريو 2013 خليجي

2- الرؤية لو انت سايق وماشي هتبقي كويسة بس انت مش هتبقي شايف الكبوت , لو عايز ترجع وجيت تبص ورا مش هتشوف حاجة والرؤية صعبة لازم تعتمد علي المرايات و السنسور .

سبحان الله نفس مشكلتي بس انا من قدام اتعودت على مقاس العربية انما من ورا ده مصيبة

المشاركة الأصلية كتبت بواسطة ahmed refat

انا نزلت التوكيل تانى النهاردة وطلع موظف المبيعات وللاسف الشديد هو اللى مش عارف وانا اكدت له انها فيها ebd وانهم كاتبن فى مواصفات العربية فى صفحتهم الرسمية على النت ان الهاى لاين فيه ebd والراجل سأل زميل ليه ورجع قالى انا اسف ده طلع فيها ebd قلتله انا كنت عارف بس حبيت اعرفك انت علشات تقول للى هايسال عليها بعد كده ... اما بخصوص كمبيوتر الرحلات فيه مواصفة نازلة كمبيوتر الرحلات اللى فى الكليو متر عندك فى العدادات مستطيل فى حدود 2سم فى 4 سم تقريبا وفى فئة اعلى كمبيوتر الرحلات مدور كبير واخد عداد السرعة كله ويادوب السرعات حواليه من بره وبتظهر فيه رسمة للسيارة اذا كان احد ابوابها مفتوح او الشنطة او كده .. هو ده قصدى .. واخيرا ربنا يبارك لك فيها ويعطيك خيرها ويكفيك شرها يارب ان شاء الله

طيب الحمد لله ربنا يوفقك و يرشدك للاختيار السليم , و انا عندي الفئة الأعلي اللي بيظهر فيها جسم العربية و فيها 7 او 8 اوبشنز مش فاكر بالظبط زي ما مكتوب في الكتالوج والف شكر ليك و اي استفسارات تانية انا تحت امرك :)

المشاركة الأصلية كتبت بواسطة 2code

سبحان الله نفس مشكلتي بس انا من قدام اتعودت على مقاس العربية انما من ورا ده مصيبة

نفس الكلام يا باشا من قدام مفيش مشاكل خلاص بس من ورا بحس اني مش متحكم خالص من الاخر الرجوع للخلف ده استخدمه لما ابقي عايز ارجع حاجة بسيطة و ربنا يخليلنا البارك سنسور ::d

المشاركة الأصلية كتبت بواسطة mohab555

الف مبرررررروك يا باشا و ربنا يكفيك شرها يارب
وياريت لو كام صوه كده من جوه و برده علشان التقرير يكمل و ليا معلش كام سؤال علشان انا ان شاء الله عاوز اجبها بس متردد فى انى اجبها بسبب الاسئله دى :
---------------------------------------------------
1- ايه اخبار السحب مع التكييف و من غير التكييف
2- استهلاك البنزين ايه اخباره جوه البلد و بالتكييف
3 - اخبار العفشه ايه ؟؟ ناشفه اوى ولا عاديه ولا ايه نظامها ؟؟؟
4- اخبار الفرامل كويسه ولا مش قد كده ؟؟
معلش ياباشا تعبك معايا

الله يبارك فيك يا فندم و براحتك خالص انا تحت امرك :)

1- السحب معقول جدا و قريب اوي من 1600 مع التكييف او من غير التكييف بس اعمل حسابك ان لو دست علي الدواسة خفيف العربية هتنقل بدري والسحب مش هيبقي قوي عشان النقلة بتبدأ من 1 ار بي ام و شئ طبيعي ان الاداء هيبقي ضعيف انما لو قرصت سنه او دخلت في الاستيبترونيك هيبقي السحب رائع ان شاء الله .

2- استهلاك البنزين جوة البلد من 10-11 لتر في الزحمة مع التكييف تقريبا مش متأكد اوي انما في السفر من غير تكييف بيبقي 6 لتر و بالتكييف 7.5-8 لتر .

3- العفشة معقولة جدا مش ناشفة قوي بس مقدرش احكم عليها اوي دلوقتي .

4- الفرامل ممتازة جدا ما شاء الله ة الثبات جميل :) .

اللي لسه ملاحظه ومدايقني اني لما اقفل العربية كنت عايز الزجاج والمرايات الضم يقفلوا اوتوماتيك مش لازم اقفلهم بنفسي ينفع اعمل كده ولا ايه ؟؟