الاخوة الكرام
يا احلى اعضاء فى احلى قسم
يا صقور النيسان
عاوز رايكم فى الفرش الداخلى بيج ام اسود فى اللون الموكا او الاحمر نيو صنى
مع العلم انى عندى اطفال
عرض للطباعة
الاخوة الكرام
يا احلى اعضاء فى احلى قسم
يا صقور النيسان
عاوز رايكم فى الفرش الداخلى بيج ام اسود فى اللون الموكا او الاحمر نيو صنى
مع العلم انى عندى اطفال
الاسود افضل من البيج فى حالة وجود اطفال ..
شكرا اخى يوسف
الاسود أشيك
شكرا د هشام
الاسود افضل بكتير اشيك و افخم و بيبان فيه النظافة و مايبانش عليه الاتساخ بسهولة
أنا معايا موكا فرش أسود بصراحة عملى جدا فى حالة وجود أطفال
اسود سواء فى اطفال او سواء مفيش اطفال:argue1:
احنا فى حد ذاتنا بنكون اسواء من الاطفال:Ob_mak1[1]:
بص يا زعيم أنا معايا موكا فرش بيج و عندى طفلين مش عاوز أكلم بيعملوا ايه :crying2: فى عربيتى ربنا يباركلى فيهم
لو لون العربية موكا أو احمر أنا شايف ان البيج أحلى عليهم لانه مفتح العربية
لكن الأسود قفلها جامد بصراحة
ده رأيى الشخصى ودى أذواق علشان محدش يزعل منى
و انا شوفت بعينى الالوان دى على بعضها كتير و أنصحك تشوف بنفسك
نيجى لمشكلة اللون البيج أنا بأعترف ان مشكلته النضافة
يعنى مثلا تسند ايدك على الباب من جوا على البلاستيك تلاقى على خفيف أثر لايدك
لكن خلى بالك من حاجة انا مثلا معايا البرونزى الفرش البيج و التابلوه رمادى
أقصد ان التابلوه و الكونسول والأرضية رمادى و ده بيستحمل الوساخة
ولما بتطلب الفرش بيج بيبقى فرش الكراسى و الابواب من الداخل هو اللى فقط بيج
طبعا بلاستيك الابواب سهل تنضيفه بسفنجة أو المناديل الخاصة بمسح التابلوه من كارفور وممكن تلمعه بالاسبراى فعملى بصراحة موضوع ان الباب كله بلاستيك
تتفضل مشكلة تنضيف الفرش البيج القماش الأصلى
فطبعا بسبب الأطفال
ركبت فرش جلد تفصيل بيج برضه طبعا ده سهل جدا عملية التنضيف برضه بسفنجة مبلولة ميه على خفيف
طبعا انت براحتك بس رأيى ما زال مع الموكا و الاحمر الفرش البيج
لكن لو عاوز الفرش الأسود يبقى تاخد العربية لونها اسود تبقى تحفة
الاسود أشيك بكتير و لو أطفال يبئة كدة الموضوع إتحسم لصالح الاسود
أنا كنت رايح احجز اللون الموكا و شوفت الاتنين و كان الاسود أشيك بكتير أوي و برستيج كدة بس وفعلاً حجزت سوبر صالون موكا بفرش اسود
شكرا على كل الردود الجميلة واللى فيها احساس اخوى وخوف على مصلحة الجميع
ربنا يديم الحب والود بيننا
و عايز انصحك نصيحة اخوية و انت بتركب الفرش الاسود طبعا لشياكته متنساش تركب فرش جلد لأرضية العربية بالمرة مدام فيها اطفال و هتلاقي الزبادو و الشيبسي و المياه مغرقة ارضية العربية
لو حضرتك حاجز الex حاول تجيب الفرش الداخلى بيج .. لان الطابلوه حيكون بيج .. وبصراحة فى الطابلوه البيج بيكون راقى اكتر عشان الex كلها فيبر .. والبيج بيكون راقى فيها وبيكسر الشعور ان العربية فقيرة من الداخل .. وكمان حضرتك ممكن الفرش نفسه تركب كسوة وتحافظ عليه .. مع انى مش بحب الكسوة لانها بتبوظ الفوم الداخلى بتاع الكرسى .. فممكن الافضل تركب فرش جلد تفصيل .. وتركب ارضية جلد كمان وتحافظ على العربية من اى شقاوة اطفال .. ولو الفيبر بتاع الابواب اتوسخ .. بيتنظف
اما لو حضرتك حاجة السوبر صالون .. يبقا عليك بالاسود .. لان الاسود مع النواكل جميع ومع العدادت .. وكمان الفيبر قل كتير .. لانها حطوا فرش قماش فى الابواب فبالتالى الاشيك والعملى هو الاسود فى الحالة دى
ومعطى برستيج للعربية من جوة
ودى كانت وجهة نظرى الشخصية
تحياتى
انا معايا exالاسود اشيك لان درجة البيج الموجودة مش اد كده بجانب ان الاسود لما بتسخ بالمقارنة بالاتساخ فى البيج ما بيباقش ظاهر قوى زى البيج
اسود مع النواكل الكروم هينطق صالون العربية بالنسبة للشكل اما بالنسبة للاطفال لو فى حاجة اغمق من الاسود لا تتردد هههههههه ربنا يخلهملك