الموضوع: ايمجراند .....خدعه جديده من غبور

انا شفت العربيه بصراحه من الاخر تحفه شكلها هايل وواسعه جدا من الداخل والشنطه ملعب اما عن انتشارها اعتقد انها هتنتشر لان وكيلها قوى ونزلها بدل الفيرنا اكيد هيكل السوق وافتكرو الفيرنا انت بتلاقيها اد ايه فى السوق دى زى الطوب فى الشوارع اللى ما شافش ينزل يتفرج عليها فى المعارض غبور وزعها على كل المعارض بصراحه انا دورت فيها لاقيت تقفيلها احسن من الصنى الشكل الجديدبس ينقصها انها ينزل منها اتوماتيك وطالما دخلت اتحاد اوربى يبقى بالكتير 3 سنين وهتلاقيها انصاص فى الوكاله

المشاركة الأصلية كتبت بواسطة osa92003

معرض غبور رفض تماما فكره التست درايف للعربيه مش عارف ليه طبعا ؟؟؟؟؟؟

الموضوع كدة خلصان... غبور نفسه كان عنده Test Drive للعربية المازدا... ليه مش بيعمل Test Drive للجيلي؟

المشاركة الأصلية كتبت بواسطة hotta3637

لو سمحت طلب صغير
إنزل الأول شوفها فى المعرض و بعد كدة أتكلم كل اللى بيشكروا فيها دول و اللى منزلين صورها هم من شاهدوها فى المعرض
موتور رائع عفشة قوية تقفيل لا يقل عن العربيات الألمانى و صاج أقوى بمرتين من الأفيو و اللانوس و الفيرنا
قبل أن تعترض شاهد بنفسك ثم أحكم

انا بس عايز ارد على مشاركه حضرتك اللى انا مش فاهمها حضرتك ان الناس نزلت فى المعرض وشافتها وبتقول
موتور رائع ؟؟؟؟؟؟؟

يعنى ازاى حضرتك عرفت انه رائع هو الموتور بشكله ولا بادائه ؟؟؟؟؟؟

عفشه قويه ؟؟؟؟؟؟؟
يعنى حضرتك حكمت على العفشه وهو واقفه من غير ماتتحرك خطوه واحده !!!!!

تقفيل لايقل عن العربيات الالمانى !!!!!!!
صعب دى شويه انها تتصدق وفى مشاركه لزميل لينا فى المنتدى بيؤكد مشاكل التقفيل لسه موجوده وبنط اللحام
http://www.nilemotors.net/Nile/316363-a.html

وصاج اقوى مرتين !!!!!
نفسى اعرف عرفت ازاى حكايه سمك الصاج ده مرتين ؟؟؟

بصراحه ياجماعه انا قربت اتجنن مش ممكن

يا باشا نوع الموتور و العفشة معروف للناس كلها و دى ملهاش علاقة بدعاية و لا بيتاع
بالنسبة للصاج روح المعرض و أفتح الكبوت و انت تعرف سمك الصاج اللى أنا أصلا متكلمتش عنه أنا قلت إنه قوى بس عموما برضه سمكه كويس
أنت مشفتش العربية عشان تحكم عليها

المشاركة الأصلية كتبت بواسطة hotta3637

يا باشا نوع الموتور و العفشة معروف للناس كلها و دى ملهاش علاقة بدعاية و لا بيتاع



بالنسبة للصاج روح المعرض و أفتح الكبوت و انت تعرف سمك الصاج اللى أنا أصلا متكلمتش عنه أنا قلت إنه قوى بس عموما برضه سمكه كويس


أنت مشفتش العربية عشان تحكم عليها

كلامك صح نوع الموتور cvvt وهوى تكنولوجيا عمل عزم قوى للسياره مع هورس باور منخفض شويه لكن ....هلى تصنيع الموتور ده فى تويوتا مثلا هيكون زى تصنيعه فى شركه جيلى اوى شيرى مثلا .....؟؟؟ هناك فرق يمكن معرفته بالتجربه مش باسم الموتور

قوه الصاج مرتبطه بمدى سمكه وكل شركات السيارات المحترمه بتعلن عن سمك الصاج كدليل على القوه .


والله شفتها وانزلك صورتى جنبها كمان علشان تصدق

طب أمال أنت أيه وجه أعتراضك عليها ؟!!

بسم الله الرحمن الرحيم

اولا : انا كان بقالى تقريبا كدا 8 شهور بدور على عربية ..وفكرت فى حوالى 9 عربيات ووصلت لحد 140 الف جنيه وشوفت وجربت وسوقت " ريو , صنى , اوبترا , النترا الجديدة , RB , بوما , شارك " كله جديد موديل 2012 ..والحمد له أ\عى انى عندى خبرة فى السيارات

انا لقيت ان العربيات السابق ذكرها كل واحده فيها ميزات وعيوب بداية من خارجها او داخلها او التقفيل او الموتور او العزم او المساحات الداخليه او الاوبشنز او عوامل الامان واقدر اقول لحضرتك انى فى الاخر حجزت الايمجراند 7 معا انها منزلتش الارض فى مصر على فكره انا كان معايا جولف 2 و4 فاعرف يعنى ايه ثبات وموتور ..

ثانيا : اكيد كان اختيارى كان للعربيات دى كلها علشان حاجات معينة وقعدت فى كل عربية شهر كامل افحص وامحص فيها واعرف فيهم اللى اصحابها ميعوفوهاش لقيت نفسى بدفه 125 الف فى ريو علشان شوية اوبشنز والعربيه مخنوقه ..او 140 فى شارك وااسعار قطع غيارها عجيبة بس فى المقارنة بينهم عاديه او افتقار شكل الصنى خارجيا وداخليا ب 102 او مطبات الهوا فى الانترا او عفشه الار بى وعدم ثبتها تماما ناهيك عن افتقار كل الكورى فى عوامل الامان " لا قدر الله " الا فى فى الهاي لاين ( وجهة نظرى الشخصية )

اللى عاوز اقوله انى لقيت انى بدفع دا كله فى عربية انا كل اللى هاخده منها اوبشنز سواء او عزم سواء او ثبات أو أو أو أو أو ......بصراحة شوفت البريليانس وعجبتى جدا ودورت فى كل حته وحجزتها AT GLS FSV لكن تراجعت لما روحت واتفرجت وقعدت فى جيلى 4 ساعات متواصل ادور فى كل حاجة فيها واجرب كل حاجه ..ولسه باقى التجربة لما تمشى على الارض هنا بقه هيبان العفشة والموتور وانا اتحمل كامل العواقب لانى مستمع جدا بشكلها عن عربيات كتيييير او سواء داخليا او خارجيا والاوبشنز ووسعها وكفاية انها واخدة 4 نجوم " عارف انه مش مقياس ولا اللى هنا بنفس مواصفات بتاعتنا هنا " بس احترم الاختبار وعلى راسى من فوق ..

اللى عاوز انصح بيه الاستاذ الفاضل osa92003 انه ميهاجمش غير لما يشوف وانا معاك انه الدعاية جامده بحكم السعر بس هيا فعلا شكلا رائعة وفيها كل حاجه لكن مضمونا فاحنا عندنا فى السعودية ودول الخليج الناس بتشكر فيها ...

ياريت تسيبوا الناس اللى اختارت تتحمل مسؤلية اختيارها لان حضرتك انا امبارح كنت رقم 89 فى ظرف 3 اسابيع فى فرع المهندسين لسه اللى حاجز عن استاذ احمد دعباس او فى فرع اليكس ...يعنى بتتكلم فى 300 عربية اتحجزت بس فى ظرف 3 اسابيع اعتقد وانا اسف جدا ان الناس دى كلها عقلها مش على قدها ولا ناس معاها فلوس وبترميها او ناس شاريها رفاهية اكيد كل دول ناس دوروا زى او اكتر منى كمان والعربية ريحتهم نفسيا بعد الاستخارة وشافوا فيها بصيص امل عن العربيات اللى فى السوق ...


انا اسف للاطالة بس حبيت ارد لان كدا غريبة اوى الهجوم عليها من ناس برده راكبه صينى مش لامبورجينى " اللى انا بحترمها جدا " وافتكروا ال اكسيل فى التمانينات لما غبور بدأ ييبقى وكيلها وقولنا كلنا كورى وشوفوا دلوقتى الكورى بقى عامل ازاى فى الشارع " " بلاش نعض فى بعض " دى كلها اربع عجلات بتمشى على الارض وربك اللى بيسترها ... وشكرا