ايمجراند .....خدعه جديده من غبور
مازلت باقول سبحان الله على كميه الشكر والعرفان اللى موجوده على عربيه لم تلمس الارض ومش عارفين هاتعمل ايه ؟؟؟؟؟ :11_5_14[1]::11_5_14[1]:يعنى صور بس ويقولك جامده جدا ؟؟؟؟؟ بالرغم من الهجوم الرهيب على كل العربيات الصينى ؟؟؟ لكن بمعجزه تحول الهجوم الى شكر ومديح فى صور العربيه على الرغم من تجربه شركه جيلى فى مصر اللى هى جيلى فروته ومابل وكلها تجارب زى الزفت :049:وبالرغمن من شكوى الناس السابقه فى الانجلون اللى كانت مع ابو غالى والناس كانت بتسب وتلعن بالرغم من انها كانت تقفيل صينى وارتفاع درجه حراره العربيه باستمرار الا ان الصينى بقى حلو اولا لازم نعرف بعض الحقائق عن العربيه :
1-الايمجراند هى بالضبط تماما الانجلون اللى كانت مع ابو غالى بس0 150سى سى بدل من 1800سى سى
2-السياره لم تحقق اى انتشار فى مصر وكانت هناك شكوى من ارتفاع الحراره
3-السياره تختلف تماما فى التقفيل الداخلى عما يضهر من صور فى المنتدى لانه الظاهره هى الفول اوبشن 1800 سى سى اللى بتنزل فى الخليج مش التقفيل المصرى الرائع جدا هههههههههه
ارجو من الجميع تقبل مرورى والانتظار والصبر حتى يتم على السياره من الاستعمال وخاصه ان معرض غبور رفض تماما فكره التست درايف للعربيه مش عارف ليه طبعا ؟؟؟؟؟؟:argue1::argue1:
ايه الافضالية بينها و بين البرليانس اللى حضرتك كنت حاجزها
اقتباس:
المشاركة الأصلية كتبت بواسطة dory52
بسم الله الرحمن الرحيم
اولا : انا كان بقالى تقريبا كدا 8 شهور بدور على عربية ..وفكرت فى حوالى 9 عربيات ووصلت لحد 140 الف جنيه وشوفت وجربت وسوقت " ريو , صنى , اوبترا , النترا الجديدة , rb , بوما , شارك " كله جديد موديل 2012 ..والحمد له أ\عى انى عندى خبرة فى السيارات انا لقيت ان العربيات السابق ذكرها كل واحده فيها ميزات وعيوب بداية من خارجها او داخلها او التقفيل او الموتور او العزم او المساحات الداخليه او الاوبشنز او عوامل الامان واقدر اقول لحضرتك انى فى الاخر حجزت الايمجراند 7 معا انها منزلتش الارض فى مصر على فكره انا كان معايا جولف 2 و4 فاعرف يعنى ايه ثبات وموتور .. ثانيا : اكيد كان اختيارى كان للعربيات دى كلها علشان حاجات معينة وقعدت فى كل عربية شهر كامل افحص وامحص فيها واعرف فيهم اللى اصحابها ميعوفوهاش لقيت نفسى بدفه 125 الف فى ريو علشان شوية اوبشنز والعربيه مخنوقه ..او 140 فى شارك وااسعار قطع غيارها عجيبة بس فى المقارنة بينهم عاديه او افتقار شكل الصنى خارجيا وداخليا ب 102 او مطبات الهوا فى الانترا او عفشه الار بى وعدم ثبتها تماما ناهيك عن افتقار كل الكورى فى عوامل الامان " لا قدر الله " الا فى فى الهاي لاين ( وجهة نظرى الشخصية )
اللى عاوز اقوله انى لقيت انى بدفع دا كله فى عربية انا كل اللى هاخده منها اوبشنز سواء او عزم سواء او ثبات أو أو أو أو أو ......بصراحة شوفت البريليانس وعجبتى جدا ودورت فى كل حته وحجزتها at gls fsv لكن تراجعت لما روحت واتفرجت وقعدت فى جيلى 4 ساعات متواصل ادور فى كل حاجة فيها واجرب كل حاجه ..ولسه باقى التجربة لما تمشى على الارض هنا بقه هيبان العفشة والموتور وانا اتحمل كامل العواقب لانى مستمع جدا بشكلها عن عربيات كتيييير او سواء داخليا او خارجيا والاوبشنز ووسعها وكفاية انها واخدة 4 نجوم " عارف انه مش مقياس ولا اللى هنا بنفس مواصفات بتاعتنا هنا " بس احترم الاختبار وعلى راسى من فوق ..
اللى عاوز انصح بيه الاستاذ الفاضل osa92003 انه ميهاجمش غير لما يشوف وانا معاك انه الدعاية جامده بحكم السعر بس هيا فعلا شكلا رائعة وفيها كل حاجه لكن مضمونا فاحنا عندنا فى السعودية ودول الخليج الناس بتشكر فيها ...
ياريت تسيبوا الناس اللى اختارت تتحمل مسؤلية اختيارها لان حضرتك انا امبارح كنت رقم 89 فى ظرف 3 اسابيع فى فرع المهندسين لسه اللى حاجز عن استاذ احمد دعباس او فى فرع اليكس ...يعنى بتتكلم فى 300 عربية اتحجزت بس فى ظرف 3 اسابيع اعتقد وانا اسف جدا ان الناس دى كلها عقلها مش على قدها ولا ناس معاها فلوس وبترميها او ناس شاريها رفاهية اكيد كل دول ناس دوروا زى او اكتر منى كمان والعربية ريحتهم نفسيا بعد الاستخارة وشافوا فيها بصيص امل عن العربيات اللى فى السوق ...
انا اسف للاطالة بس حبيت ارد لان كدا غريبة اوى الهجوم عليها من ناس برده راكبه صينى مش لامبورجينى " اللى انا بحترمها جدا " وافتكروا ال اكسيل فى التمانينات لما غبور بدأ ييبقى وكيلها وقولنا كلنا كورى وشوفوا دلوقتى الكورى بقى عامل ازاى فى الشارع " " بلاش نعض فى بعض " دى كلها اربع عجلات بتمشى على الارض وربك اللى بيسترها ... وشكرا
مع خالص احترامى لراى سياتك و اختيارك لكن بسال بالنسبة للبرليانس موجزد من 2009 و الناس اللى معها العربيه مفيش واحد بيشتكى منها لكن الكل اجمع انها ممتازه و سابته جدا على الطريق و متور ميتسوبيشى ام بالنسبه للجيلى مع احترامى لجميع الاراء انها لسه جديدة و لم يجرى تجربتها حتى الان
كله كويس على قد تمنه ياجدعان
الموضوع ليس تحيزا لسيارة محددة ياجدعان
الناس اللي شايفين إن الأمجراند خدعة من غبور ليه بيقارنوا العربية بعربيات أعلى منها بكثير في السعر؟؟؟؟
ياجماعة شوية حيادية بعد إذنكم
في مثل أنا مقتنع به تماما بيقول إن مفيش حاجة وحشة على قد سعرها
لما نحب نقارن الامجراند 7 يبقى لازم نقارنها بالعربيات اللي بنفس سعرها تقريبا ما هو ما ينفعش نقارن الكيا سيراتوا مثلا بالبي إم دابليو، لأننا لو قارنا بينهم تبعا لحجم المبيعات لقلنا أن السيراتو أفضل من البي إم وهذا أمر خاطئ تماما!!!
الفكرة أنك حين تقارن يجب أن تقارن بين السيراتو والالنترا مثلا أو بالصني
لأنهم تقريبا نفس الفئة السعرية.
يبقى لما أقارن انا الامجراند لازم اقارنها على سبيل المثال بالإسبرانزا إم 11 أو 516 أو فيرنا أو لوجان أو حتى أقارنها بالبريليانس fsv ,frv
بديهي يعني إن أي حد بيفكر يشتري عربية جديدة بيشوف هو إيه إستطاعته في الفلوس ويقدر يشتري ايه بالفلوس دي.
لكن لو الموضوع غير متعلق بالفلوس محدش كان هايشتري إلا رولز رويس أو لينكولن.
الفكرة كلها إنك لما تلاقي عربية هي بلا شك أفضل من كل العربيات التي تنتمي لنفس الفئة السعرية بالتأكيد هي إختيار موفق بالنسبة ليك.
خلينا حياديين بالعقل والمنطق من فضلكم.