الموضوع: تقريربعد استلام البريليانس v5وصيانة2000كم

اولا/السلام عليكم ورحمة الله وبركاتة وكل سنة وانتم طيبين اصدقائى فى قسم بريليانس وكل اعضاء المنتدى بمناسبة العيد
انا اسف انى اتاخرت فى الرد عليكم بس بعد الحادثة كنت تعبان وعندى ظروف صعبة شوية
ومش لاقى حتى وقت للجلوس على النت فعذرا لانى احببت ان افيد الاصدقاء من تجربتى البسيطة
انا هكلمكم ببساطة لضيق الوقت ولانى لسة تعبان شوية فالكتابة مرهقة لى بعض الشىء فعذرا

بعد توفيق الله سبحانة وتعالى استلمت v5بيضاء والحمدلله مواصفات العربية الكل عارفها
وطبعا الكل عارف او المتابعين انى كنت محتار مابينها ومابين القشقاى والسبورتاج والالنترا والداستر كعربيات كانت ضمن اختياراتى
وبتوفيق من الله سبحانة وتعالى ولانى شوفتها بالصدفة واعجبتنى واخدت القرار الجرىء الا وهو شراء الصينى
كما كا البعض بيضحك عليا وصينى وبالمبلغ دة ولكنى لم اعطنى اذنى لاحد انا الحمد لله عاشق للسيارات
وتقريبا ركبت كل انواع السيارات المهم اعجبتنى السيارة مبدئيا كشكل ومواصفات وسؤال ناس كتير راكبين بريليانس كماركة بصفة عامة
ولم اسمع شىء مزعج الا اشياء بسيطة زى اى عربية وكمان كان سعرها مغرى مقارنة بكل مواصفاتها بالسعر دة لايوجد
المهم الحمد لله قررت وحجزت واشتريت واستلمن من اول 5 عربيات يتسلموا فى مصر
والحمد لله ومانكرش انى كنت خايف بس الحمدلله ان ربنا وفقنى وان شاء الله تكمل على خير

باختصار العربية اول ماتركبها احساس بالفخامة والراحة قعدتها مريحة جداجدا للسائق
والى راكبين وواسعة جدا حتى لورجعت الكرسى على الاخر اللى وراك مرتاح وكمان الكرسى بيحتضن الراكب ببساطة شديدة ومتحسش بالمشوار
هتدوس على الستارت انجن ولا اروع والمفتاح البصمة وصوت الموتور الى مش هتحس انها شغالة ايضا
العربية ناعمة جدا
ثابتة على الطريق
حملتها كلها ركاب وشنط ولا الهوى فى اتخن مطب ودى اهم حاجة عندى
سحب العربية جيدجدا وفرق كتير بعد صيانة الالفين وبتبقى طلقة بعد بعد 80 وجمال العربية وحلاوتهالما اخدت ملف على 120 ولا كانة ملف اصلا
باختصار واعذرونى وهابقى اعمل تقرير مفصل عنها خلال ايام
بس نظرا لظروفى اقدر اقولكم بجد والله عربية جميلة جدا ومش ندمان
احساس العلو والنعومية وسحب ممتاز وجلسة مريحة وثبات وفخامة ومش هقولكم على الكماليات الكتير
اكيد كلكم عارفينها ووحدات الرفع والبصمة ولا نظام الصوت ولا الفرامل الى بتمسك العربية بتقف فى مكانها بجد والله صفقة رائعة بالسعر دة دة
غير انى مش خلصان طول اليوم من نظر الناس فى كل مكان واسئلتهم ملفتة للانتباة والله دخلت فى العمود فى الجراش عندى مااعرفش ازاى ولا كانى شايفة
والله اتردت ولا كان فيها حاجة خبطة بسيطة مش داخل على السرعو مش عشان الناس تقول الفشر دة انا اقصد بجد صاجها محمل
بس الواحد يقدر يشيل الكبوت تقفيل ولا اروع وخامات جيدة جدا لا ارى بها عيوب الى الان فقط الابواب كانت تقيلة واتعملت فى الصيانة
كانت مخنوقة شوية صغيرة لحد 60 وبعد الصيانة وتغيير الزيت بقت بسم الله ماشاء الله على الفكرة العربية عليها حجوزات كتير قوووى
وسامع ان سعرها فى المعارض استلام فورى زاد وافتكروا كلمتى العربية دى هاتنتشر وهاتشوفوا انا فى الصيانة امبارح بس كان فى 5 عربيات وقدامى ايام الاستلام
كان فى 550حاجزين انا عارف ان التقرير ملخبط ومش شامل حاجات كتير بس اعذرونى لظروفى
بس اوعدكم بتقرير مفصل ومش قادر ابص فى اللاب اكتر من كدة بس حبيت افيد بعض الناس المحتارة بعدما يستخيروا
ربنا مش هيندموا العربية باختصار والله صفقة رابحة ورائعة كفاية كل الى يركب معايا منبهر ومش عايز ينزل منها ولا بيحس بالمشوار
اتمنى للجميع الخير والتوفيق يارب وكل سنة وانتم جميعا طيبين وبخير.