أيه رايكم نعمل حملة لمنع الرشاوى و عمليات (شفط الجيوب) اللى بتحصل فى المرور؟
السلام عليكم،،،أيه رايكم نعمل حملة لمنع الرشاوى و الاكراميات و عمليات (شفط الجيوب) اللى بتحصل فى المرور؟
أنا طبعاً عارف ان تقريباً كل المشتركين عانوا و بيعانوا من الموضوع ده و عندهم مأسى و مأسف من اللى حصلهم أبتداءاً من أستخراج رخصة القيادة الى ترخيص السيارة و دفع المخالفات و الذى منه و انا هاحكى موقف بسيط حصلى و انا بطلع الرخصة الخاصة بتاعتى:
روحت مدرسة السواقة اللى تبع المحافظة لتعلم السواقة و سهولة أستخراج الرخصة و البعد عن الرشاوى و الذى منه (هى عبارة عن باب خلفى لأستخراج الرخصة ولا بتعلم السواقة و لا حاجة) و نجحت فى الأمتحان و خدت الدوسية و روحت على الخزينة أجيب استمارة مش عارف رقمها كام المهم هى بستة جنية و نص اديت الراجل عشرة جنية ادانى الاستمارة و قالى الف مبروك يابيه الف مبروك و مادنيش الباقى؟؟؟!!! قولت ايه دهه؟؟؟؟ وبينى و بنكم خفت اسالة على الباقى مش عارف ليه؟ أو هو مادنيش فرصة مش عارف المهم دخلت جوه فى مدام (للأسف محجبة) و لابسة كمية دهب فظيعة و شكلها محترم (للأسف طلعت شكل بس) لاقيت اللى قدامى دخل و رجع بالملف تانى؟؟؟و قام فتح الملف و حط عشرين جنية قدام عينى و اداهلها!!! انا قلت و الله ماأنا دافع حاجة طب انا هربت و روحت المدرسة ديه علشان أهرب من الرشاوى و الزفت ده! المهم جه على الدور بصت فى الملف و كل حاجة مظبوطة شوية و قالتلى فين كرنية النقابة (انا بطلع رخصة خاصة للعلم) لحسن الحظ الحمد لله انا بشيلة فى المحفظة مع انى مش بجدده خالص المهم قولتلها معايا قالتلى روح صوره طبعاً روحت وقفت فى الطابور و لما رجعت كانت هى أصلااًنسيت هى طلبت منى ايه المهم اديتها الصورة و حتى مابصتشى على الاصل (و لوكنت صورت كارنية الجامعة ماكنشى فرق) و لاقت مفيش فايدة دخلتنى اتصور! و الحمد لله الرخصة طلعت!
أنا عاوز بس نعمل حملة و نوصل صوتنا للمسئولين علشان نمنع الموضوع ده و نمنع الناس ديه من أكل السحت و انهم يدخلوا الحرام على اهلهم و اولادهم و نحتسب الثواب عند ربنا و الله المستعان،،، و ياريت لوحد فى المنتدى بيشتغل فى جريدة او مجلة يعمل تحقيق عن الموضوع ده لانه لما الكلام ده ينتشر الناس ديه هاتنكسف على دمها(بس مايجبشى سيرتى فى التحقيق):embarrassed2: